個人覺得唔值呢個價,亦唔太好住。烏溪沙站生活配套極少又貴,高檔超市當街市,食肆租貴價錢自然高,要坐車去馬鞍山站先叫多鋪,但馬鞍山目前已飽和,商場人山人海乜都要排隊,仲未計未來一大堆新盤未入伙,新港城街市逼到嘔仲貴到 high high 咁,其他街市都比外區貴。迎海正式係偽豪宅,用料設計華而不實,如個別座數的行人通道上蓋細到有等於無,離晒大譜。其他細節睇過樓就知。所謂海景大部分唔係對正西斜就係食東北西北風,冬天就知有幾凍,夜晚根本一片漆黑無嘢睇。搭車去外區通常都成個鐘或更多,主要靠馬鐵,又係逼餐死。巴士出入馬鞍山係夠,但多數都去唔到烏溪沙。