吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 求援- 世上只有媽媽好?

婆媳關係今日: 1|主題: 27738

收藏本版

發帖

返回列表

跳至頁

查看: 3801 | 回覆: 34

求援- 世上只有媽媽好? [複製鏈接]

HAZEL920

伯爵府

積分: 15458

醒目開學勳章畀面勳章環保接龍勳章大廚勳章

1^#

發表於 09-8-5 22:58 |只看該作者 |倒序瀏覽 |打印

自從我嫁個日起, 媽媽唔like我老公, 係擺酒晚生事, 唔肯坐埋主家席, 廿幾圍人望住佢, 未完場她已走人。唔鐘意絕對可以唔黎, 但結婚是我和老公一世人一次大事, 個晚我同老公攬住喊。

但我唔想失去自己既媽媽, 覺得媽媽先係自己至親, 我回外家哭求佢原諒, 佢仲話我虛情假義。

佢個仔, 即我弟弟毛都無送過一條比佢, 母親節我會送花, 媽媽生日我總會請她食飯, 送份大禮/大利是給她。呢頭我送比佢, 佢下一秒就話: 唔使用錢黎收買我, 不如真心對我好, (但我生日, 佢唔知係特登定唔記得, 完全無左件事, 唔係叫佢送野比我, 佢係根本當個日無件事, 我只有事後偷喊。)

我係全職媽, 得老公一個做野, 老公做小生意叫ok 我拎自己3分1既家用外家(5位數)再加3千比我媽媽(比佢睇醫生, 買下野) 剩返既我要養自己頭家,開支仲有個仔而家又大肚, 月月清袋, 我食又慳買野又格價, 拎咁多錢返去都係想父母退左休仲保持到佢地以前既生活, 我唔開心講左一次話開支大無咩儲蓄, 我媽一句:咁無用既男人嫁黎做咩呀!? 貪佢老呀!? 無錢你又嫁佢!?
佢見我用coupon買野, 一句飛埋黎: 你幾蚊都無呀!?

平時日用既野, 好似佢銀包壞我買個個比佢, 我買衫有折會買件比佢, 佢唔著唔用已算, 仲要同我講佢唔會用, 一d都唔鐘意, 已經送左比邊個邊個。

佢有焦慮症, 但佢成日以為自己患絕症, 要我地成家人陪佢癲睇親都睇專科仲要坐的士去, 佢睇完佢唔敢食人d藥話怕有副作用。開口埋口都話我對佢唔好, 家嘈屋閉幾年。

電視話好多隱青同問題青年, 我話而家d細路都唔知諗咩, 媽話我米又係試過曳過離家出走過, 我話我而家學好左乖米得囉, 成日返黎陪你, 我媽: 你梗返黎啦, 你利用我黎同你湊仔之嘛講得咁好聽...(佢未同我個仔換過片餵過完整一餐飯, 只係煮埋bb飯)點解唔鐘意唔出聲話唔想揍唔想煮, 要覺得個女係利用自己...

我仔3歲, 開始獨立唔鐘意人搞, 我媽專係我仔食飯時又打佢patpat又meet佢前幾日，　我仔唔識野還手, 我叫我媽唔好搞佢啦, 一陣個孫又打親你, 我媽: 你都夠衰, 教個仔憎埋我, 又搞個仔打我我: 我點解要教佢打你我媽:你自己先知我:我對得住天地良心無做過我媽: 你呢d咁既人, 第時仔女大左咁對返你你就有報應

如果唔係有仔女同老公. 我會同阿媽講:我係度開隻窗跳落去還返條命比你，　唔使你對住我呢個衰女

頭先返去放低家用, 佢叫老豆比返幾千蚊我, 話以後唔會駛我既錢...

原本唔敢係度開ｐｏｓｔ呻，　又唔敢同ｆｄ同老公講　我老豆叫我扮無野，我唔係嬲，　不過真係好傷心，　成個人既心肝脾肺腎比人吉穿晒, 產檢醫生話bb係中小size, 自己又無晒心機食野, 真係好怕bb唔長肉係自己既問題

0 0 0

私人傳訊

ABBC

子爵府

積分: 13533

2^#

發表於 09-8-5 23:33 |只看該作者

會唔會係因為你媽咪個病影響到佢咁咋?同埋你係咪早嫁呀?

私人傳訊

debc

大宅

積分: 1295

3^#

發表於 09-8-5 23:41 |只看該作者

睇醫生又唔食藥，可能佢病到以為你成日想害佢?!

私人傳訊

siufung

子爵府

積分: 13005

4^#

發表於 09-8-6 01:02 |只看該作者

盡左心意就算....
吃力不討好, 就冇謂做額外野令自己傷心....
可能你媽因為個病影響情緒....
唔好怪佢..... 盡番做女本份已心安理得....

祝你地關係轉好....

私人傳訊

一一一

禁止訪問

積分: 9249

醒目開學勳章

5^#

發表於 09-8-6 02:04 |只看該作者

提示: 作者被禁止或刪除內容自動屏蔽

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

6^#

發表於 09-8-6 09:35 |只看該作者

有情緒病的人諗嘢總係諗埋一邊, 你唔好介意佢咁諗, 佢有病根本唔知自己咁諗係錯嘅. 你已經係一個好好嘅女兒, 佢話你嘅唔係事實, 你盡量當聽唔到. 如果佢影響到你個仔, 你就少d帶個仔返去.
而家你又有小b喇, 要積極d過自己嘅生活, 好好養胎. 努力啊.

私人傳訊

irene_the_pooh

伯爵府

積分: 15328

7^#

發表於 09-8-6 12:15 |只看該作者

你阿媽做野諗野都比較偏激，可能同佢個病有關！家有精神病人真係好吃力，其實你對你阿媽好既同事，都要關心下你爸爸，因為佢先係最辛苦o個個！

私人傳訊

A.C.C.

大宅

積分: 3786

8^#

發表於 09-8-6 12:54 |只看該作者

我老爺都係咁對我老公, 我老爺無精神病, 只係覺得我老公"腳頭"無其他兄弟姐妹咁好, 所以我老公由細到大, 做乜都唔啱佢心意.

好似我老爺老人咳, 我地買補身藥材, 佢就會話我地嫌佢有病; 我老爺想食某貴價零食, 我地買, 佢就會話我地害佢爛牙; 我老爺話悶, 我地想幫佢報名去泰國旅行, 佢話咁遠會行跛佢對腳......相比之下, 永遠同屋企要錢嘅大伯同埋隱青叔仔, 乜都無做就係孝順.

總之, 係我老爺眼中, 我地做乜都唔係想佢好, 而係想害死佢.

所以我老公已經好心淡, 佢曾經講過, 屋企人點, 無得由佢選擇, 佢依家做嘅, 只求對得起自己良心, 其他嘅, 隨緣啦

私人傳訊

ankle

侯爵府

積分: 20529

叻叻勳章 wyeth冷知識勳章醒目開學勳章親子達人勳章畀面勳章

9^#

發表於 09-8-6 13:53 |只看該作者

你媽媽係有病, 佢控制唔到自己, 你唔好怪佢啦~
做好本份就得啦, 如果太激氣, 就少0的見面啦~

私人傳訊

arcaar

子爵府

積分: 14979

好媽媽勳章醒目開學勳章

10^#

發表於 09-8-6 14:44 |只看該作者

你呀媽可能有情緒病先會咁..佢自己都控制唔到..作為佢屋企人忍得就忍..希望佢會康復...
如果佢成日打你仔仔patpat..同佢少d見面好喇~!對你仔仔都安全d

私人傳訊

c雅

大宅

積分: 1735

11^#

發表於 09-8-6 16:16 |只看該作者

你mammi係唔係一早就有精神病先會咁?.?
對住d大花筒又講野刻薄既ar媽真係好慘...樓主你都係同佢少見為妙,無謂攪到自己唔開心...你mammi好似每件事都用錢同攻利主義睇你既..佢之前係唔係睇得太多有關「陰謀論」既書ar?

私人傳訊

HAZEL920

伯爵府

積分: 15458

醒目開學勳章畀面勳章環保接龍勳章大廚勳章

12^#

發表於 09-8-6 18:03 |只看該作者

見到大家回我好感動

我阿媽由30幾年前嫁我老豆起就唔使做野, 幾廿年黎買野唔睇價錢, 一日煮3餐同照顧我地, 佢自己又內向唔打牌又完全無朋友, 郁d就無病呻吟, 話我老豆刻薄左佢幾廿年幫我地做煮飯洗衫, 佢本身都已經有d神經衰弱, 可能而家我同弟弟大左, 我嫁左, 細佬又有同居女友, 爸爸又退左休係屋企, 佢無晒野做覺得無寄託就成日懷疑自己有病。
5-6年前我地已經覺得佢有問題佢成日話自己透唔到氣, 成日陪佢去急症, 個個醫生都話佢個肺同氣管無問題, 咁佢就當自己心臟有問題成日睇心臟科。而醫生就只係開左d鎮定劑佢食, 我地陪佢去做心理評估, 結論話佢有焦慮症. 佢唔信, 話我地當佢有精神病, 佢真係有唔舒服, 我地唔信佢, 當佢痴線。
舊年佢又唔舒服要睇心臟, 話自己心跳得好快, 醫生叫佢做埋心臟超聲波, 佢自己既恐懼誘發左唔舒服出黎, 佢話人地照壞左佢, 對腳都行唔到, 又話自己快死, 醫院轉左佢去見心理醫生, 兜兜轉轉到今日醫生開比佢既藥佢一食就話會暈會嘔會死, 只肯叫人地開返食開既鎮定劑佢先肯食, 根本治標唔治本。
大家講得無錯, 最可憐既係我爸爸, 這些日子我阿媽眼痛就話要睇眼科話自己會盲(當然要我地陪佢睇眼科, 睇完d眼水又唔滴),耳水有d不平衡又要睇耳鼻喉科話怕自己要開腦(當然睇完佢d藥鐘意就食半粒唔鐘意就唔食) 無運動唔消化就話而家自己胃生野(當然又睇腸胃科,係醫生前說到自己就死咁, 醫生叫佢做心電圖佢又做, 叫再擔心做照胃鏡囉佢都話想做%$^#%^&$) 佢最興對號入座, 醫生開返黎既藥成日叫我地上網search有咩副作用, 好喇你話佢聽敏感既人會舌頭腫, 個晚半夜佢就同老豆講自己條利脹晒要去急症, 你話比佢聽隻藥利尿既,佢個晚又會話痾尿痾到脫晒水

岩岩佢先周圍打電話比親戚, 話我地無人性, 佢病到5顏6色都唔理佢, 睇住佢死仲好似好開心咁, 話老豆而家鐘意埋我堆, 因為個女有錢養佢, 話我地幾個忘恩負義, 有仔女=無仔女, 嫁老公=無老公, 死喊懶喊, 唉...真係唔知個d人點睇我地

私人傳訊

patming

大宅

積分: 2831

好媽媽勳章

13^#

發表於 09-8-6 18:20 |只看該作者

你阿媽係咪"更年期"發作？

私人傳訊

HAZEL920

伯爵府

積分: 15458

醒目開學勳章畀面勳章環保接龍勳章大廚勳章

14^#

發表於 09-8-6 18:26 |只看該作者

原帖由 patming 於 09-8-6 18:20 發表
你阿媽係咪"更年期"發作？

好彩見到你問呢句我識笑返, 如果個個女人更年期係咁, 地球都踩歪埋都似, 媽媽差不60了, 過左更年期好耐, :) 如果佢更年期係咁=仲有得救而家=無得救

私人傳訊

kalincliff

複式洋房

積分: 236

15^#

發表於 09-8-6 18:31 |只看該作者

我勸你睇開d唔好咁著緊佢,家用佢唔要咪收番囉!當自己儲$!到時佢話你唔比,你又可以俾番佢!

你唔好咁著緊你媽媽,真係睇開d!既然你做得幾好佢都係唱你,不如你由得佢,盡左本份就算啦!把口生係佢度,你無法控制佢點諗,你唯有改變自己既睇法!你同佢唔好咁close反而大家既關係會好d!

將d心機+$投資係自己家裡,好好經營一個有愛既家庭仲好啦~

(p.s 我係過來人,我媽咪係幾貪$,同份人好小朋友,真係成俾佢激到喊,我成日諗點解人地d媽咪可以咁無私付出!而家我睇開左,唔係成日見,反而同媽咪關係好左!)

私人傳訊

kalincliff

複式洋房

積分: 236

16^#

發表於 09-8-6 18:37 |只看該作者

原帖由 HAZEL920 於 09-8-6 18:03 發表
見到大家回我好感動
我阿媽由30幾年前嫁我老豆起就唔使做野, 幾廿年黎買野唔睇價錢, 一日煮3餐同照顧我地, 佢自己又內向唔打牌又完全無朋友, 郁d就無病呻吟, 話我老豆刻薄左佢幾廿年幫我地做煮飯洗衫, 佢 ...

我男朋友個阿姨都係咁!成日話自己有病,又火燒心,其實係心理作用,我地都搞佢唔掂!

你真係唔好理佢點同人講,睇開d啦!對得住自己就得,唔使同人交代! 你爸爸真係好!我爸爸因為我阿媽既性格已同佢離婚啦!不過我冇怪過我爸爸~所以我由細到大都好希望組織一個開心幸福既家庭!好羨慕你都做到啦~你唔好俾你mama既怨氣影響到你屋企呀!