今日阿仔同我要番去學校聽新生既野,今日我朝早7點起左身!同佢0係屋企食左早餐~幫佢換上一套整齊又白雪雪的校服換上新買的黑皮鞋~我真係好感動!(即管笑我白痴,我真係想喊的
)~~~終於都番學喇!!好唔捨得佢愈來愈大個仔
...佗BB至到生佢時好似仲係尋日發生咁近的感覺~~
由尋晚我講到今朝話佢知聽日要番學啦!你要點點點點點點.....唔好點點點點點點~真係擔心到訓唔倒!
上到學校我D壓力就來,怕人地D 仔女好乖,而我的仔就會坐唔定,因為佢0係屋企都係好活潑!一入門口佢竟然快過我講:老師早晨!
mouth: 我跟住佢講:老師早晨~好似佢帶我番學咁囉!
心諗算你"襟撈"啦~不過老師想摸下佢個頭佢就呢埋我後面唔敢出來!唉....
齊齊坐低聽講座時,佢都好乖1個鐘冇咩郁過,不過淨係話老師好嘈!(因為佢用枝咪太大聲)入到課室見班主任,老師都未開口,佢已經舉手問:老師,我可唔可以去睇玩具?
成班家長都笑佢,激死我!老師話唔可以,要等佢講完晒野先可以,佢都乖乖地坐番0係度等,我地傾完了先過去!好彩...
阿仔佢係全班最高大的,我好驚會打交,爭野~雖然佢重來冇做過,但我都係好擔心!!!
到走了!佢又快過我同老師講:BYEBYE 下次見~我第一次對佢冇信心,但佢一次又一次比信心我佢應該可以做個好學生的!但願佢可以繼續咁乖仔啦!!不過我仲係好大壓力咁....
曾經有一個可以讓我好好咁訓0既晚上,但係我冇珍惜到!到左起身勁眼訓0既時候先至後悔莫及,塵世間最痛苦莫過於此。 如果個天可以俾機會我番轉頭既話, 我會同周公講我愛佢,如果係都要0係玩bk0既時間上加一個期限,我希望係48小時。