本帖最後由 Arrin 於 11-11-18 00:55 編輯
大家好~
我的POST 因有粗口音因而被勸修改...因此所有POST 都會刪除粗口...
不便之處敬請原諒~
先前已經post 過~ 今次re-post
請未食飯/食飽飯之人士小心~
1)千年魚
因慳所以佢地會用千年油炸好平價小魚...(好鯹) 慢分幾次享用.
該次,佢想叫我品嚐下...佢個乖仔狂笑...叫我食. [c6話唔知幾多日前炸既~.....佢死都唔食,但包我未食過, 一定要試下~]
99十分欣勤咁隊到埋來...果一刻好想反佢枱& 一腳申開佢..但咁樣做係冇可能...
唯有係枱底揻住C6大脾既小小皮,再180度轉....C6馬上好認真咁同99講: [佢好飽架啦, 唔好迫佢!]
2)百鳥歸巢家鄉米粉
99再推出佢主打既家鄉米粉...佢係咁話福建米粉好食...係咁推介比我...
ER.....[叔]咗個喎,唔係呀WAH...(D 米粉夾雜了隔夜餸,一撩開...又係有炸魚)....咁大整估????
乜福建人鐘意用廚餘來炒米粉架咩?? 唔通呢個係我既[叔]命??我只係食咗一啖...C6用湯[途]咗佢....
該次我同C6一同痾出個未來~...食物中毒!!!!
3)唔合時令的...月餅
上年11月C6肚痛得好緊要...一問之下...佢話佢食咗月餅...(月餅!!!唔係9月架咩???)
佢話見到D毛架, 但99話蒸返冇事,唔好浪費食物喎...果次之後..我懷疑C6係有智障...咁都信???.
4)仇恨的芽菜仔....
有一次我買餸比佢周到...佢話芽菜係一種好差既食品(C6好鐘食先買)
哦咗我半個鐘, 佢話有激素...係咁講芽菜壞話...條芽殺咗你全家咩!!!!哦咁耐....
我返到屋企向C6講返....一問之下..(原來99 唔鐘意食, C6咁多年都冇係屋企食過芽菜炒魚片)
5)文火煮食.
呢單野係62事...因為佢係主廚...佢經常文火焗煮食物, 好多時係唔熟...C6肚痛機會率係百份之八十.
該次佢自己中伏...佢煮蠔..已經鯹到爆...仲要唔熟...99咬咗啖,放返落碟,叫佢煮過~...WAH,我同我自己講.我打死都唔會食架啦, 你拖我出去打我都係唔會食架啦!!!!!!!
由於我C6 三十幾歲以來都冇乜食過正常既飯...所以我幾辛苦都好, 我會收工買餸煮飯, 我未有媽媽煮得咁好, 但C6次次都好開心食晒D野.
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!