仔仔喺嗰度補功課班補咗成年幾，見佢成績一直冇咩進步，諗住補埋呢個月就停咗佢。
點知仔仔上個星期補完習之後返嚟攬住我喊，問佢咩事，佢話阿Sir鬧佢。
開頭我都冇為意，補習鬧下小朋友好正常。
點知佢話阿Sir鬧佢死蠢，同佢講，叫佢阿媽再生多個。
聽到個下好火滾，我即刻問仔仔阿Sir之前有冇鬧佢，佢話成日鬧，尤其係聽完我電話，就會同仔仔講，你阿媽真係唔知你咩質素咩仲話全部攞A，邊有可能。
有咩唔滿意咪同我講囉，點可以貶低小朋友？仔仔話喺嗰度補習好唔開心，因為老師會一齊笑佢蠢，同佢講再喊就唔俾佢走。嗰陣淨係諗住搵間離學校近嘅補習社跟下功課，點知就遇到呢間黑店，一啲師德都冇，各位媽媽小心！
發表於 
返回列表
