唔覺唔覺,呢個學年就完,而家仔女呢個星期都係考Finals,有做projects又有要真正考試,希望安安穩穩完成,呢兩年聽聞考大學都好騎呢,全A學生一個offer都冇,然後有人拎住十個,見有個家長話SAT 1600 GPA 4分,Cornell都唔收,然後有家長話呢D個案超級多,Cornell點可能收得晒?跟住有人話自己個女成績好好又有課外活動加比賽攞獎,但個女決定先去社區大學,一兩年後再決定報咩科報邊間大學,跟住一棚人出嚟話咁好嘥喎。。。我仲有一兩年先要面對呢D,而家都唔知之後一兩年會點變,疫情一年又一年,已經超乎好多想像之外。
呢兩個月,我公司嘅同事好多確診個案,呢個月有8單,都未計果D自己放假一兩日冇報上去HR嘅,上個星期去到完兩個會,每個會30至40人,第二日有人話確診,結果我全家人連續5日都做快測,好彩全陰性,今個星期我女有個同學話唔可以做final presentation,因為剛剛確診唔返得學,於是我女又要做快測,屋企所有快測存貨都用晒~
下個月要由兩日返office變成三日,好多同事都唔係好想,一來公司部電腦慢過屋企,應該係因為server要support remote同onsite嘅問題,同IT講過,依然係10分鐘至開到機,load emails又10分鐘,打打下字畫面冇反應,半分鐘後先見到字,救晒命!另外返公司又要安排交通,巴士唔準時。。有時返到公司得一兩個人,感覺好唔安全。。不過,多種原因下,點都要回歸。睇新聞話有公司附近同DT商戶怨聲載道,話少人返工,搞到佢地冇生意,但試問一個午餐$15起跳,點頂?我3月開始返公司,除咗去星巴巴買下咖啡,我只出去食過一次午飯,仲要係老細請,我每日自己帶午餐盒,唔駛煩要出去搵食,以前街上10間餐館執咗一半,有D換老闆換餐種,人工唔加之下,樣樣都貴,連外賣都加完一次又一次價,已經減少咗8成外食,想唔自己煮都難。
花旗太太生活在花旗國,留意時差,你問我未必即時答到。