我有個FD近年信左佛，成個人唔同哂， 價値觀變晒。 依個FD，可以話好醒， 又可以話好蠢，我依D凡人就覺得條友仔好X蠢。
話説早年FD係打政府工，但係好有上進心，10幾碎入左政府就一直進修。想俾阿媽同自己可以食得好D，生活得好D。後來趁仲後生，無做份政府去KongU進修碩士，畢業後就一直有搵住工。但係個FD係就係有學歴，不過就只有政府經驗，所以D人工offer都唔係咁理想，所以個FD就拖下先(遲D去做文員仔算)。
點知原來凡事有安排，個天俾左另一個任務個FD，個FD個阿媽個長期病急速惡化，連落街煮飯D日常生活都有問題，一係就要請賓印工，一係要就去老人院(其實個阿媽兩樣都唔想)。而個FD因此就偏偏揀左第三條最on9既路。
個FD諗，横掂出面D人工都唔係咁理想，不如我做「賓印」啦。落街，煮飯D日常生活野，去醫院野個FD自己做返晒。返去屋企住，自己親自睇住阿媽，日日陪住個阿媽。早年倆母子雖然靠二人積蓄同老人金，生活無乜多餘享樂，但係早年倆母子就過得好開心。
但係點知，原來「阿媽既價値高於出去搵人工既 價値」，依個價値觀係「反社會」既。
個FD有個細佬，依個細佬10幾歳就離開左屋企，去左女朋友屋企住做人地外母個仔。同外母就好好感情，同自己阿媽就好無情。個細佬做社工好好搵架，但從來一亳子都無俾過屋企。聽外母教路，成日要阿媽立平安紙。
而個FD一直無諗住要阿媽任何野，唔想要阿媽立平安紙令阿媽唔開心。FD其實一直諗住當阿媽一走，就賣左自己個單位，去大嶼山/台灣獨自隱居(唔想再同D凡人再有任何交雜)。倆母子係無理過個細佬既要求。
之後個社工細佬就開始，多年係倆母子同班親戚兄弟之間玩離間，玩雙面人，玩大話精。中傷抹黒個FD唔去返工係「啃老族
」，返屋企住係想謀阿媽D野。好可惜因為「出去搵人工既價値高於阿媽既價値」，依個就係凡人既普世價値觀，親戚兄弟甚至後來個阿媽本身，都信個FD係「啃老族
」，返去屋企住想謀個阿媽D野。
個FDofcoz好傷心啦，原本近年都想放棄，早D賣屋就去獨自隱居就算，但見個阿媽情況日日差落去又唔忍心咁做喎。
個FD最終陪住個阿媽成十年有多，最近個阿媽終於走左。個FD就真係去左獨自隱居。個阿媽就剩底左一大堆生(身)外物，由其他兄弟猛龍過江，龍爭虎鬥，精武門，
新龍門客棧，獨臂刀，東邪西毒， 高手過招爭得你死我活。
見到依D事情，見到依個FD成尊佛咁，世事真係無盡唏嘘咁解囉。
tyjm 發表於 20-12-13 14:06
俾個例子Jm參考下:
我有個FD近年信左佛，成個人唔同哂， 價値觀變晒。 依個FD，可以話好醒， 又 ...
發表於 
返回列表
