Baby Kingdom - 親子王國 香港 討論區 › 首頁 › 3歲或以上› 大女覺得我地唔愛佢

3歲或以上

收藏本版
發帖
返回列表
跳至頁
大女覺得我地唔愛佢 [複製鏈接]

首頁
1

尾頁
   0
chengsy


別墅

積分: 750


1#
發表於 22-9-17 15:01 |只看該作者
大女而家4歲，妹妹2歲。兩個女都有返學，近日妹妹中左，所以全家係屋企隔離緊。大女覺得我地唔愛佢。有冇媽媽可以分享一下經驗？
attach1/tmp/phpnpoglF
私人傳訊

ASP2019


男爵府

積分: 6970


2#
發表於 22-9-18 00:28 |只看該作者
chengsy 發表於 22-9-17 15:01
大女而家4歲，妹妹2歲。兩個女都有返學，近日妹妹中左，所以全家係屋企隔離緊。大女覺得我地唔愛佢。有冇媽 ...

問下大女點解有這種感覺先。
可以既話，搵機會只同大女出街玩一兩次，到時話佢知你只帶佢出街，妹妹冇份，逐步令她改觀。
私人傳訊

CCHINGC


子爵府

積分: 11231


3#
發表於 22-9-19 12:03 |只看該作者
大女幾時開始覺得你地唔愛佢？除左用畫，有咩其他方式表現過？例如言語、情緒？妹妹出世前，大女由邊個主力湊嘅呢？

我大女同細仔相差2歲10個月，細仔出世時，我會刻意陪個女多d，亦俾佢參與照顧細佬，基本上返到屋企，細仔bb時，我就陪大女，老公就主力湊細仔，到細仔一歲左右，佢地已經可以一齊玩，就盡量安排佢地玩d兩個都啱玩嘅野，另外，培養佢地感情好方法，就係分享食物，佢地宜家好鍾意排排坐分享零食，仲有逢星期六，我上午就同細佬去親子班，下午就帶大女上感統，星期日就一家人一齊出去玩。
私人傳訊

chengsy


別墅

積分: 750


4#
發表於 22-9-19 20:52 |只看該作者
ASP2019 發表於 22-9-18 00:28
問下大女點解有這種感覺先。
可以既話，搵機會只同大女出街玩一兩次，到時話佢知你只帶佢出街，妹妹冇份， ...

有問過呀，佢地覺得係妹妹出左世所以我地個個都唔愛佢。講講下佢都喊

私人傳訊

chengsy


別墅

積分: 750


5#
發表於 22-9-19 21:06 |只看該作者
CCHINGC 發表於 22-9-19 12:03
大女幾時開始覺得你地唔愛佢？除左用畫，有咩其他方式表現過？例如言語、情緒？妹妹出世前，大女由邊個主力 ...

細個家姐好錫妹妹，會喂妹妹食粥仔，又會氹妹妹訓教。

學校有提過姐姐會成日做啲野去引人注意，博人關注。我自己留意得就比較少，我返早收晏，平時我都係只係湊到佢地返學，放學後都係保姆姨姨照顧，到我夜晚收工先自己湊返屋企。

以前家庭日（兩三年前）都仲放假會帶個大女去迪士尼，但疫情爆咗之後就冇（呀妹咁岩疫情嗰陣出世）

唔知係咪因為啲年紀真係近，呀妹識行識走之後佢哋爭執真係多咗好多，又爭玩具、又會爭抱、又會爭bb車坐（之前有用孖B車，一係就兩個都唔坐，一個係爭同一個位坐）訓教又會爭訓中間，沖涼又要爭第一個。我自己頭都大埋
私人傳訊

chiling009


男爵府

積分: 8355

虎到金來勳章


6#
發表於 22-9-20 09:30 |只看該作者
chengsy 發表於 22-9-19 21:06
細個家姐好錫妹妹，會喂妹妹食粥仔，又會氹妹妹訓教。

學校有提過姐姐會成日做啲野去引人注意，博人關注 ...

我有個孖寶，都係成日都爭
不如試下搵日同大女出去拍下拖，同佢去playhouse玩下，去迪士尼玩下，買下d佢鐘意既野比佢，同佢食佢鐘意既野，4歲應該無禁難攪
私人傳訊

CCHINGC


子爵府

積分: 11231


7#
發表於 22-9-20 10:30 |只看該作者
回覆 chengsy 的帖子

可能家姐發現本來係bb嘅人仔會大個，會同自己一樣，識行識走識講野，首先可以多d擁抱佢，每日爭取15-30分鐘黃金時間同佢相處，可以講下故事、傾下係學校做左d咩呀
至於爭寵係好自然嘅事，亦係本能，所以要解決嘅唔係個件事，係教識佢地相處方法，例如輪流概念，每人現1分鐘，夠鐘就下一個人玩，然後係交換，你想玩妹妹手上玩具就用另一樣玩具同佢交換。

有左秩序之後，大家就可以培養感情，例如家姐生得高d，妹妹有野攞唔到，可以請佢搵家姐幫手，之後要唔該家姐，又例如家姐識拆膠袋攞口罩，妹妹未識，又可以叫佢家姐幫忙，當然慢慢大個，妹妹有d野亦可以幫忙做。

最後，每次佢地整喊對方，你可以叫佢地互相擁抱，錯嘅一方同對方講對唔住，久而久之，佢地自己之後就會識做。
私人傳訊

anjaco


大宅

積分: 2787


8#
發表於 22-10-8 18:45 |只看該作者
chiling009 發表於 22-9-20 09:30
我有個孖寶，都係成日都爭
不如試下搵日同大女出去拍下拖，同佢去playhouse玩下，去迪士尼玩下，買下d佢鐘 ...

本帖最後由 anjaco 於 22-10-8 18:46 編輯

同意！每天都安排下單對單相處時間，例如平日就尋教之前單對單同大女講故事傾計，放假就找上午或者下午單對單陪大女玩/放電。日日都洗佢腦：i love u. you are sweet 你最可愛等等。我經歷緊，不過我係大仔經常搶妹妹風頭，如果我地一齊，哥哥係唔比我抱妹妹或者同妹妹玩。所以都係偶爾要分開兩人相處，等大家都有獨佔媽咪的時間
私人傳訊

Okayokaymami


複式洋房

積分: 370


9#
發表於 23-6-3 01:29 |只看該作者
樓主請PM我，我係現職既院舍miss，有藝術治療經驗，我就咁睇畫作覺得你女女狀態唔太好，我想可以詳細少少幫你解畫(emoji)(emoji)‍♀️
私人傳訊

Ch11mama


別墅

積分: 515


10#
發表於 23-6-6 00:01 |只看該作者
好可憐，一定要多啲關心大女
唔好淨覺得「咁樣好煩」，表現到比佢哋睇你哋咁樣我都好煩惱，搞到小朋友係罪魁禍首

家長唔識處理，直頭可以同小朋友講：媽咪係好愛你，你係我個女我寶貝點會唔愛你，只係媽咪都會唔識處理，令你誤會

平時兩個爭寵鬧交就三母女一齊攬一齊錫
明明生2個小朋友想佢哋相親相愛，互相扶持，搞到互相憎恨，傷害左小朋友心靈要用一世去修補
媽媽加油
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見