吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 有無人睇過尖沙咀知X堂有關婦科病

婦女醫護今日: 2|主題: 34170

收藏本版

回覆發帖

返回列表

跳至頁

樓主: wingma1129

有無人睇過尖沙咀知X堂有關婦科病 [複製鏈接]

wingma1129

大宅

積分: 1578

21^#

發表於 24-5-18 22:44 |只看該作者

legobbb06 發表於 24-4-17 16:37
之前發現有粒10x8cm 既肌瘤仲有幾粒細既有個後生白衫女仔講到而家睇仲有幾會變細起碼做十次講到我呢度 ...

嗰個白袍女仔係咪叫Gi Gx ，都唔知佢哋係咩人，又唔係醫師，又唔係姑娘，執藥又唔係，之前話佢哋會跟醫師follow 我哋，但知你唔肯加錢做機就反轉豬肚，原本笑面迎人，即時黑面

私人傳訊回覆引用

Sukikikiki

民房

積分: 10

22^#

發表於 24-6-17 13:48 |只看該作者

我都太心急買左十萬蚊plan, 超級後悔。
大家唔小心買左plan嘅各位，你地覺得佢d藥到底有冇用？

私人傳訊回覆引用

littleingrid

民房

積分: 20

23^#

發表於 24-6-25 23:36 |只看該作者

回覆 Sukikikiki 的帖子

我都就嚟睇咗3個月, 冇乜進展, 可能中醫較慢, 不過都打定輸數8月要走去開刀

私人傳訊回覆引用

vane0810

民房

積分: 6

24^#

發表於 24-6-26 21:09 |只看該作者

自身經歷

—————————————
有腺肌症>10年，冇小朋友。

之前子宮size最大好似有左5個月咁，會日日有M咁流血，有時大血塊，有時流下流下咁。
試過打避孕針/停經針，加埋出面睇中醫，細左，停hormone therapy 年幾，好左一排，又會再黎過，諗過Hifu，但後尾知道都係會翻發，就唔諗。真係決定逼不得已要切除子宮之前，再搵下其他方法，睇到知心堂呢間公司，就諗住最後希望試一試

2024年3月22日，係婦科醫生做左超聲波，腺肌症，size11 cm
2024年3月31日第一次去知心堂。「姑娘」大概了解左之後，「北京嚟嘅中醫」都再問，不過佢唔係好想聽咁。當時係比左238蚊先可以上去，原來淨係for按肚同敷肚。如果配中藥要另外比。4日中藥（8次）加敷肚按肚係$1980。
決定要埋中藥就入去按肚。

一個叫JJ 既技師按，當然就係一邊按一邊chok底細（好聽d咁講，係了解你個病既）。過程中佢會暗示知道要肯定有得約到，係比哂全個療程先得。因為「好多人幾個月療程好左冇再黎，先會有我呢個新客既出現，好耐冇新客黎喇」。又會問「醫師有冇話幾耐得?(原來可以預計到幾時醫好，以為有個預算，我心入面都有個deadline ）」

做好出到去，姑娘就話醫師話要6-8個月，1980/time，加埋就4-6萬，再送多幾次，買8個月有9個月，我問過，如果8個月唔得咁點，個姑娘淨係話「唔會」。
最後，都買左6萬幾，8個月，張單寫明唔可以退款。有個whatsapp聯絡。

我自問都好乖好戒口（睇開中醫）好準時每星期睇。因為我都仲係滲緊有血，第2個星期就話唔好按肚住，佢開藥一個星期比一個星期勁，第三星期既藥，食左1,2次就胃頂胃漲，連食正常食物都冇胃口，腳腫，身腫。whatsapp就話唔好食藥住。我都了解到佢開既藥有hormone性既中藥，我以前身體差都唔係咁樣突然又腫又反胃，但仲係解決唔到本身既問題。愈食愈辛苦，已經令我好不滿，然後，我提議至少都幫我按腳消腫，隔2日去到按腳，一按都知唔識按，因為由腰推去腳趾，事實要有效係相反方向。

繼續每星期去，有比佢按肚，但話用手按唔到咁入面就叫我試用機幫手。比我試一次按肚免費轉用機，部機應該係促進血液循環，之後，當然叫我加錢轉啦。明明本身買既時候就話6-8個月得，冇提過要用其他野加錢之類，點會而家唔得，賴我身體？sell用機幫手！？

隨後當然冇好到。2024年5月17日，因為都一樣係好辛苦，冇好過，就睇婦科，做超聲波子宮size 18cm!!!!!!!!!
雖然本身係叠埋心水有機會做手術，但大左真係估唔到，叫知心堂退錢，用唔同既原因包括：寫明冇得退，子宮生長期，話6-8個月但我冇用到一半療程，未開始用縮子宮既藥，同呢個中醫唔夾，未試另一個中醫。。。。
真係癡線，up得出就up，就算佢要大，都唔會個半月大左7cm囉！！！

無論點都唔肯退錢，只可以轉淨係睇中醫。
唔舒服既我都冇力氣同佢地搞咁多。

最後我再用hormone therapy，因為腸胃唔好，叫個中醫唔好搞子宮，唔好用有hormone既中藥（驚撞），淨係處理腸胃。但，佢照開之前有hormone既中藥（其實佢所有方都係一個template 加減少少唔同野）。

我唯有係我做完手術先再去睇，當調理身體，都好大陰影

各位姊妹，諗清楚先去呢間知心堂！！

私人傳訊回覆引用

littleingrid

民房

積分: 20

25^#

發表於 24-6-28 00:18 |只看該作者

其實我都係比咗238元上去做, 未試做已經SELL我預付8個月, 之後要到比哂錢先至同我做試做嗰次, 期間都不停叫我加錢做機, 試做過1次, 冇乜特別, 同埋睇咗呢度啲帖, 所以一定唔會再加錢, 因為加錢做機都唔知有冇效, 所以幫襯呢間嘢都要小心, 樣樣嘢都要收咗錢先幫你做, 好似驚死呃佢咁, 唔似第二啲中醫店做完療程先收錢.
其實做中醫都知道要EARN 錢, 但真係唔好好似知心堂咁狼囉