Baby Kingdom - 親子王國 香港 討論區 › 首頁 › 親子旅遊› 請教新西蘭皇后鎮行程

親子旅遊

收藏本版
回覆 發帖
返回列表
跳至頁

首頁
1

尾頁
   0
CheungKeeKee


子爵府

積分: 12989


1#
發表於 24-9-10 16:23 |只看該作者
想明年農曆年去新西蘭南島，最主要想在皇后鎮玩刺激活動，如滑翔傘、懸掛式滑翔、飛索、行冰川。見人說皇后鎮住宿最貴，當然機票也很貴。看網友推薦2間巴士公司InterCity和KiwiExperience，看過了仍未有頭緒。

請問大家有沒有南島行程推介？大概12日，會否飛基督城坐巴士經皇后鎮較好？經Klook參加活動還是上網找當地的營運商較好？還是去到當地看天氣才找KiwiExperience安排更靈活？謝謝。
私人傳訊回覆 引用

CathyLss


男爵府

積分: 5298


2#
發表於 24-9-11 00:13 |只看該作者
本帖最後由 CathyLss 於 24-11-11 08:15 編輯

我之前都係搭巴士遊南島12-13日，機票open jaw去程飛Queenstown、回程Christchurch走 (揀澳洲轉機、唔想係Auckland轉機要拎行李過關)。我坐Intercity bus用flexipass，無去太多地方，淨係Queenstown、Mount Cook、Tekapo。

如果主要係去皇后鎮，俾我會飛皇后鎮 (夏天無咁受天氣影響既時候)，或者open jaw，基督城搭巴士過皇后鎮最少要8個鐘。不過我覺得你可以研究下巴士路線同時間先，唔係自駕限制大好多，有個大概行程同查左住宿有位先決定點買機票。

活動我淨係參加過行冰川，最初報左個日係因為天氣差而取消曬所有heli hike，唔收錢，不過我自己要求改期。我諗如果天氣唔許可，其他活動paragliding之類都應該會取消會退款？定係你係指因應天氣臨時決定邊日去邊度住宿？我自己就唔鍾意咁即興，尤其夏天係個邊旅遊旺季仲要一月暑假。Kiwi Experience我見係話可以最少2日前經佢地book hostel，唔知宿位多唔多，不過佢地網頁有關住宿既頁面有句“Make sure you book in advance to avoid disappointment, especially in our busy Summer season”。而且佢地既南島pass路線都係環繞一圈的，或者跨去北島的，行程唔係好flexible，尤其你得12日，係可以唔行曬成條行程路線，但一樣俾咁多錢好唔抵。Intercity既flexipass就計時數，無特定行程路線要跟。
私人傳訊回覆 引用

CheungKeeKee


子爵府

積分: 12989


3#
發表於 24-9-11 17:08 |只看該作者
回覆 CathyLss 的帖子

謝謝你的資料，我自己都打算在澳洲轉機，因為有會員說紐西蘭航空不止一次改航班。不過一般去旅遊都是先買機票後計劃行程訂酒店，知道1月當地旺季酒店常滿，但先訂酒店想好行程難度很高。
不是因天氣而改酒店，但見人常因天氣要取消活動，所以才問是否到埗才訂活動。當然在香港先訂好心裏踏實。應該會預先訂好，不知網上訂當地營運商的會否比Klook更抵。

見巴士團有住宿，但我不會住青年宿舍，兩夫婦會住酒店或民宿。除了皇后鎮和基督城，你坐巴士還去了哪些點?InterCity容易約嗎?巴士夠放大行李嗎?
私人傳訊回覆 引用

CathyLss


男爵府

積分: 5298


4#
發表於 24-9-11 20:56 |只看該作者
本帖最後由 CathyLss 於 24-11-11 08:16 編輯

回覆 CheungKeeKee 的帖子

其實所有airlines都有機會改時間的呢，我係早半年買Qantas機票，期間佢都改過兩次時間，好在影響唔大。我係怕係Auckland落地過關難預轉機時間，因為好耐之前試過係Auckland入境佢要逐樣檢查我全個喼裡面所有物品，費事煩。

如果趕住買機票可能係難D即時定埋行程既。不過有D地方得好少住宿的，例如Mount Cook，想去可能要留意下。我春末去唔係大旺季，買機票同時book埋Mount Cook酒店，因為已經唔係話淨返好多房，機票日期係少少就返仲有較平房價既日子。我都唔住hostel的，Kiwi Experience以前睇話D人後生D、話好party vibe的，覺得好唔適合我自己，我好怕social、好怕嘈。

我係簡單Queenstown > Mount Cook > Tekapo > Christchurch，全部都係搭Intercity bus旗下路線、買10hr flexipass啱啱好 (flexipass包部份Greatsights線的例如Mount Cook，但唔包部份例如Milford Sound)。巴士底部有大行李存放位置，好大既喼都放到的。我係早半年預約同埋唔係大旺季去所以好易約，坐車時記憶中頭兩程唔滿客，係得Tekapo-Christchurch坐Intercity線幾乎全滿。

Klook只係一個第三方平台，我應該會比較想直接同營運商訂、盡量唔經第三方，除非平足夠多。好似Mount Cook有heli hike既兩間公司，其實佢地既heli hike團都有係Klook上面。俾我會訂左活動先，尤其heli hike呢D唔多營運商既，到時真係天氣唔好取消左先再作安排。我heli hike係安排係我住Mount Cook既第一個full day，取消左起碼我都仲有之後幾日機會 (睇天氣/空位)，我改期去下一日其實個日全日就得返最後呢一個位、我報完就無埋了。

私人傳訊回覆 引用

CheungKeeKee


子爵府

積分: 12989


5#
發表於 24-10-1 20:05 |只看該作者
謝謝你的資料，我已訂了機票、Intercity巴士和酒店。我訂了機票後先訂巴士，因為飛機和巴士一樣，每日只得一班，酒店有位只不過貴，交通搞不到就去不成。

我都是買澳航，最經濟。好奇轉機不是不會取行李嗎?即使新西蘭轉機也只帶隨身行李。

雖說新西蘭旅遊業蓬勃，但它的系統好奇怪。Intercity網站說明不太方便，不像其他網站會顯示車站、地圖、價錢等，又不可以一個人買多於一個Travel pass，好蠢。叫客人自己要打長途去訂。最後我和老公一人開一個戶口，一齊對住按鍵買，前後腳都怕沒有位。

買了Travel Pass並非Flexi Pass，只簡單從皇后鎮去Tekapo住一晚，再去基督城，包了Milford Sound巴士加旅船一天團，比較抵。

當地巴士卡Bee Card又是好奇怪，叫人網上登記，但一定要有當地地址才可以登記。旅客怎麼辦?又不可退款，遊客正常玩完都會退卡，拿回家有何用?

酒店真的貴，而且是貴得不值，只是由貨櫃搭的青年旅舍級數都要過千。不少青年旅舍二人房要共同浴室都要過千。皇后鎮選擇還有，在Tekapo真的沒多選擇，不可以遠離車站，二人房要共同浴室過千都要訂，希望風景真的值回票價。
私人傳訊回覆 引用

CathyLss


男爵府

積分: 5298


6#
發表於 24-10-1 21:54 |只看該作者
CheungKeeKee 發表於 24-10-1 20:05
謝謝你的資料，我已訂了機票、Intercity巴士和酒店。我訂了機票後先訂巴士，因為飛機和巴士一樣，每日只得 ...
如果係Auckland轉機要拎埋寄艙行李清關的，因為已經入境紐西蘭、個邊係落地清關的，而當地生物安全管控比較嚴的，仲要domestic flight唔同terminal，所以Auckland機場官方建議domestic transfer預返3個鐘。Qantas一張機票過係澳洲轉機唔需要拎行李、行李係直掛去紐西蘭個目的地。澳洲唔過8個鐘轉機唔使transit visa，不過保險計我都申請左 (免費)、有延誤都無問題。提提你記得預先申請NZeTA，而報關申報Traveller Declaration你可以網上填或者去到填紙版都得。

Queenstown既Bee Card我直接係巴士上面買NZD10一張 (NZD5儲值額)，機場間書店都有得賣但係得NZD15既卡 (NZD10儲值額)。我無登記啊，反正儲值額唔多。我本身打算淨係出機場用但都買定，因為反正買唔買都要$10 (出機場現金車費要$10、用Bee Card就$2)。之後都真係無用過了，都係行路。

Tekapo我覺得幾休閒幾舒服，但我覺得有無陽光、有無風，景色差好遠。我去到係陰天，之後先有陽光湖水好藍，臨走個日無咩風個湖平靜係最靚。Tekapo酒店係好少，我算早book所以book到。不過Tekapo都算好在有其他住宿選項，個人更加鍾意既Mount Cook住宿更少。
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見