夫婦情感

收藏本版
發帖
返回列表
跳至頁

首頁
1

尾頁
   0
honeybear0207


子爵府

積分: 11324

好媽媽勳章 醒目開學勳章 畀面勳章 環保接龍勳章 大廚勳章


1#
發表於 07-6-9 07:18 |只看該作者

hi! 我配到慈正村正遠樓25樓呀!

之前(4月26日)本來派彩雲一村長波樓1114室，但間屋03吉到依家，好多嘢都好殘，又無翻新津貼，我咪叫區長整囉，好彩我醒，影哂相，哂埋出嚟！
佢話要搞兩星期，但搞咗成個月有多，點知好多嘢都無整到，只係整咗廁所同廚房天花同埋屋入面個窗邊舖番磚仔，其他嘢乜都無整，我梗係唔簽約啦！
叫佢再整又唔知要整幾耐同埋會唔會又係一鑊泡，所以我就將四月十九號我第一次上去睇同埋五月三十一號第二次睇既相帶去樂富房署度，寫封信要求要第個唔使再翻新可立刻入住既單位，因為我六月三十日就要搬出現住單位，業主以經租咗俾新租客，同埋七月尾我又生ＢＢ啦！真係唔可以再等！
仲將啲相釘好哂，寫哂註解，講彩雲區長好多嘢都無幫我搞，我唔係嫌間屋舊，但係真係等咗成個月都係得個吉，所以希望得到特快配過第間屋！
六月四號配房組收到我封信就即刻叫我放棄長波樓個單位，配過第個單位俾我，六月五日就寄信嚟，六月七號我就收到信話配咗去慈正村，超正呀！間屋又新又大！
長波樓個單位得三十九點幾平方米，呢個有四十三點幾平方米，仲要係零一年先落成，長波樓就成三十年樓，所以話投訴真係有用架！
各位以後收到樓記得帶埋相機呀！
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見