星期一因為氣管敏感去睇醫生，想搵個位無開，迫住要去睇另一個‧
我一向有藥物敏感，有三隻氣管藥係唔食得，食完會心跳、手震、氣速同面腫，所以我睇親醫生都會畀埋藥名佢地做記錄‧
星期一睇個位醫生就係佢令到我發現有藥物敏感，因為有兩隻藥都係佢經手開出黎畀我‧
迫於無奈去睇呢位醫生，係拎藥前我都再三問姑娘有無開左我唔食得個兩隻藥，姑娘就話無，排版有晒記錄，醫生邊會開錯啵！
咁返屋企照食藥啦 ........ 真係中招 ..... 食完勁心跳、手震同氣速 .............
今日去睇另一個醫生，畀左 d 藥佢睇兼畀埋藥物敏感既名佢睇，醫生一睇之下話 "你真係好彩，開藥畀你個醫生開左其中一隻畀你，所以你咁辛苦，藥袋上個藥名同藥物敏感張紙係唔同，但都係同一種藥黎架，個醫生無理由唔知架！"‧
唉 .......... 好彩食左幾次藥發現都係心跳、手震同氣速，所以轉醫生，若果唔係我呢幾日真係唔知點算好 ....... 自己一個湊住個女，老公同兩老都唔係香港，暈低左真係大件事 ............
任何人士未經本人同意不得轉載本人所發表之文章到任何媒體 (包括報章、雜誌及網站)
各位~~~我唔會介紹補習社或興趣班, 唔使 PM 問我呀, 我係唔會覆架~~~
發表於 
返回列表
