Baby Kingdom - 親子王國 香港 討論區 › 首頁 › 夫婦情感› 我應該點做好呢?

夫婦情感

收藏本版
發帖
返回列表
跳至頁
我應該點做好呢? [複製鏈接]

首頁
1

尾頁
   0
jj930


民房

積分: 10


1#
發表於 08-4-5 08:29 |只看該作者
我同我c6結婚七年,有兩個仔仔,0係我大仔1歲時(當時個仔患有先天性心漏病),比我發佢出面有個女人,佢話係個客0黎,幾經質問後佢就認左,話以後都唔會再搵佢,當時我諗個仔仲細,我唔想個仔變成單親家庭,所以我原諒左佢,0係個仔三歲前佢都無乜時間陪個仔,成日話要做野(佢係自己開公司),基本上佢唔駛點做,因為都係伙記做,到我生第二個小朋友一個月後,我發現佢同公司個女員工有野,佢就話佢無野,話我亂諗野,又話人0地有男朋友根本唔會有野,根住一個禮拜只有一兩番屋企食飯,唔係話公司開會,就話同d伙計食飯,實際上就陪個女人,開始我0地就為左呢d事成日嘈交,個女人生日就同佢去慶祝,(因為佢講大話比我識破左我才知)到我生日就是但咁同食飯,我諗住同佢傾0下我0地之間既事,睇下可唔可補救到,同0係果日就同我講話好多年前以經唔愛我,我問佢:你唔愛點解仲要生第二個bb出0黎呀?佢無答我!我當時好傷心,我自己諗細仔得幾個月大,我唔想變成單親,所以我就對佢再好d,希望佢個心會番黎,可惜佢比我感動到,佢依然同公司個女人打得火熱,我叫佢抄左個女人,佢就話:人地幫我做到數,幫公司搵到錢!叫我抄,你係唔係想公司死,係唔係想我死!(實際個女人做唔到數,遲番早退,對d客又無禮貌!)我0地為左呢件嘈左好多次!佢就同我講話頂我唔順,又話要離婚,搵到律師就通知佢!之後成個月都無番屋企訓!佢話自己會0係公司訓,同夜晚又帶女人番公司(之後先人話比我知),我當時已經對佢死心,佢唔番屋企我反而無唔開心,一個月後,個女人離開左佢,間分公司要clo
se佢咸晒咁求我原諒佢,佢話會改過,佢會多d陪d仔仔,會做一個好爸爸同好老公!我無話原諒佢,但佢就返番屋企,不過我就無再同佢訓,不過慢慢佢都打會原形,我問佢攞家用,佢就越比越少,每次都要好似乞丐咁,一時話無錢,一時話第二日先比,每六七日先比1500,我話出去做野,佢又唔比,佢話我出左去做野邊個理d仔(兩個仔有工人湊),好似今日咁我前一日問佢攞1500家用,佢話無(佢有三間公司),又同我講話間公司唔惦,又要賣金鍊,佢咁講都係想我賣左架車比錢佢周轉(架車係之前講離婚,我要佢轉比我,佢要我自己出錢比最後一期會,又要自己比燕梳錢,牌費錢!最後都係我自己比錢攪晒!)根本佢就唔想比錢我,又話我想睇住佢死,話我唔幫佢!佢唔上一次扮窮,我自己換電話,佢又話我無錢好換電話,我又唔係問佢攞錢換!佢就搵野同我嘈,我都唔理佢,佢就越講越大聲,根住我大聲同佢嘈,佢話我點樣唔幫佢,我就提番佢點樣對我唔住,(我唔幫佢係因為我知道一路以黎佢都有同個女客人有來往!)根住佢0係個仔面前打我,今次已經係第二次!佢叫我走,唔好再留黎,又同我講唔會再比家用我,每日比一佰蚊個工人買餸,要買咩叫個工人問佢攞!我覺得對住佢好辛苦,但係兩個仔仲咁細,我唔知我應該點做好?
私人傳訊

London


大宅

積分: 2696


2#
發表於 08-4-5 08:43 |只看該作者
現在咁難道對兩個仔又係好咩 ?
佢可以唔返黎訓唔使睇下仔仔咩 ?
咁講都無咩父愛俾出黎
仲係仔仔面前打你
咁好影響仔仔WOR~~
如果可以的話
離開佢啦
俾封律師信佢囉 !!!!
私人傳訊

christy1012


水晶宮

積分: 66600

2024年龍年勳章 2023年兔年勳章 醒目開學勳章 畀面勳章 BK Milk勳章


3#
發表於 08-4-5 10:32 |只看該作者
樓主,你撫心自問,呢個男人仲信得過咩,
如果唔係個女人離開佢,佢點會返黎你身邊,
你原諒佢,咪即係俾機會佢繼續傷害自己,
傷害你對仔仔,而且打老婆更加係萬萬不可原諒,
你離開佢啦,為你自己同對仔,如果唔係佢地只會有個不愉快童年
私人傳訊

小白菜


洋房

積分: 51


4#
發表於 08-4-5 10:49 |只看該作者
雖然我都成日想离婚，因為覺得老公唔疼我，但我老公都未至于衰成這樣，如果個男人給唔到感情時連錢都唔比，那真的唔值得再留戀。比我一于离婚攞贍養費，到時佢有冇錢個官會判唔到佢講。

私人傳訊

BBR


大宅

積分: 2760


5#
發表於 08-4-5 11:50 |只看該作者
離婚!!!!一定要離婚,咁樣的男人你重要得落??!!我個friend上次比C6打左一下佢都即刻報警,下次佢再打你,你要立即報警等佢驚下,你千萬唔好搬走,你駛咩理佢,你有工人你米出去搵野做,佢唔比家用你,就算你有$都會坐食山崩,千萬唔好比$佢,佢唔會多謝你,留返個$自己用,搵律師同佢離婚啦!!
私人傳訊

driedpork


禁止訪問

積分: 2182


6#
發表於 08-4-5 11:54 |只看該作者
提示: 作者被禁止或刪除 內容自動屏蔽
私人傳訊

joesimage


男爵府

積分: 5015


7#
發表於 08-4-5 13:05 |只看該作者
咁樣既婚姻好可悲....你個老公已經唔係當初果個喇...
要接受現實.......人變左係冇得返轉頭....
一世要對住個唔再愛自己既男人,你會開心咩...???
我好明白哩種感受.....
但分開係遲早問題咋,特別而家d男人咁自私....唉~~
★louis日記
私人傳訊

jj930


民房

積分: 10


8#
發表於 08-4-5 14:46 |只看該作者
如果我離婚,法官會唔會判兩個仔比我,因為個c6話兩個仔佢要番!如果佢唔比贍養費我可唔可以告佢0架?
私人傳訊

sherielee


大宅

積分: 2364


9#
發表於 08-4-5 15:36 |只看該作者
你問律師意見先la,如果判比你嘅機會係多d嘅,就快d離婚la,你老公唔死都冇用
sherie
私人傳訊

ml628


大宅

積分: 2654


10#
發表於 08-4-5 17:02 |只看該作者
其實有D0野真係好唔明,一次不忠,百次不用呢句說話,係唔係唔知有呢句說話??可以大講大部份有偷食C6,如果原諒佢,一定會有第2次,而且有D sister 仲要老公養,版主你老公偷食一次仲要同佢生第2個仔,有冇搞錯,呢個世界唔係一定要有男人養先得,女人都可以有自己事業,自己養自己唔好咩!!各位唔好以為我係一個冇男人要0既女人,arm arm 相反,我同老公結婚8年,冇小朋友(因我唔想生,老公初時接受唔到,因他想有後代,但佢好錫我,因末結婚時佢有困難而我不求回報地幫佢,而且佢身邊有仔女D朋友,全部因子女問題頭都大晒,而家鬼錦羨慕我0地).
你個c6 就覺得你冇生產能力,走得去邊,所以佢先話同個女同事冇0野,(你唔信我都冇計,投訴接受,態度照舊),所以你而家如許可的話,慢慢重新投入返社會再算,因唔忍都忍錦耐,努力啊!
私人傳訊

豆丁


子爵府

積分: 11206


11#
發表於 08-4-5 17:13 |只看該作者
點解法官會唔會判兩個仔比你?佢話要就要架咩?佢再打你1定要報警,法官判兩個仔可能有用~呢d pk遲早有報應~

原文章由 jj930 於 08-4-5 14:46 發表
如果我離婚,法官會唔會判兩個仔比我,因為個c6話兩個仔佢要番!如果佢唔比贍養費我可唔可以告佢0架?
私人傳訊

k-k-mummy


男爵府

積分: 5048


12#
發表於 08-4-5 17:34 |只看該作者
平時係你照顧兩子,點解對佢地撫養權冇信心呢?
而家離婚唔係話平分資產咩?你冇做野,冇野分俾佢,反而一次過計佢份身家,分佢一半,好過而家咁喎~
←My little Son
私人傳訊

工廠妹


洋房

積分: 291


13#
發表於 08-4-5 18:45 |只看該作者
我很明白因為兩個小朋友關係，所以你畀咗一次機會佢，嚐試挽救婚姻，咁做好正常，始終你都叫有試過。
但依家搞到咁，我係你會搵嘢做，出去做嘢點解要得佢同意？啋佢都傻！
仲有，你同佢講，要離開間屋嗰個人係佢而唔係你，點解佢可以咁大聲？原因都係恰你冇經濟能力，佢正一賤人！
依家你唔使同佢嘈，做人要有計劃，要有步處，依家首先要做係搵工，死佬啲嘢，拎到幾多走就拎幾多，搞得差唔多，提出離婚，記住一定要惡過佢！
私人傳訊

zxzx


伯爵府

積分: 17294


14#
發表於 08-4-5 18:52 |只看該作者
如果我係你, 我會去upgrade自己, 出返嚟做事, 一來可以保障自己(no matter 最後你地是否一齊), 二來可以比你C6知你其實你係得ge, 唔好比佢以為自己老婆只識揪仔, 乜都唔識. 我有朋友個C6係上海識左个上海妹, 之後同老婆離婚, 朋友自己出返嚟做事好努力好本事, 佢个C6十年後追番个老婆, 不過个老婆采佢都傻.

不過你C6打你, 你真係要為自己打算下, take care !
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見