自由報料 今日: 3|主題: 293217

近排買左幾隻G-SHOCK水貨, 想分享一下心得

首先, 我唔會買行貨, 因為貴, 款少, 就算有一年保養咁又點,G-SHOCK 基本上好少會壞, 就算係壞, 分分鐘都過左一年, 到時上代理整, 筆維修錢, 都夠買隻水貨(我誇張左). 買水貨其實都有一年保養, 都係果句, 隻錶過左一年, 水行都無分別. 所以識玩, 一定係玩水貨.

出街行商場睇, 十間有九間唔標價, 左問右問,
左試右試, 試岩唔岩價唔買又面慒, 撞正店員寸寸貢黑口黑面兼咀咒你就唔好喇.

我自己鍾意上googlesearch下d款既圖片, 睇岩款顏色型號, 再上y拍(網頁版, 唔係手機app)睇下邊間有, 邊間價錢合理又就腳, 就行動去買喇.
以比較流行的款
GA-110系列既ironman配色為例, 睇圖片知道呢款係GA-110CS, 就上Y拍search, 大約有10間有, 價錢由$879到$930, 再揀下賣方, 一般都有講自己有實體店(樓上舖,商場舖都有), 但有d有post地址, 有d就無, 同埋會員可以提問, 如問有無貨? 同一款唔同顏色唔同價錢? 仲有一點, 最好現金買, 因為碌卡要收charge的. 樓上舖一般喺商廈, 營業時間有限制, 例如星期日可能唔開, 商場舖就基本日日都開.

以上型號, 賣方call_517xxxxx最平$879, 又有地址, 喺深水埗上樓的,
可以落bid, 唔鍾意落bid, 咪記低個價錢, 上去試下, 岩既話, 咪叫佢攞隻新, 佢會問番你邊度睇到幾多錢, 佢咪收果個價. 呢間我買過三隻(兩隻六,七百蚊的, 一隻千五蚊的), 都係收工時間7點左右, 都有幾個客睇緊買緊, 店員招呼一般, 但係你問佢某d型號有無,
幾多錢, 佢地都樂意幫你搵下同報價.

另外一個賣方喺土瓜灣, 係商場舖, 因為唔多就腳, 所以等放假先去. 呢間我買過兩隻(一隻九百幾, 一隻七百幾), 店主招呼幾好, 有地方坐低慢慢試, 我見有d客買貴價錶(5位數字果d), 仲有, 比現金, 會再有2%優惠.

另一間賣方喺上環, 喺商廈的, 要留意營業時間, 呢間我買過一隻, 二千七百幾的, 咁岩果日過開香港, 咪順便上去睇睇, 佢唔算最平,
只係我想買果隻, 價錢比較合意, 其他款都好多,
同埋店主都幾好傾.

另一間喺佐敦, 係商場舖,
價錢屬一般, 有去睇過, 但無買過.

其他的賣方未試過, 一係價錢唔岩, 一係無地址費事問, 其實咁多間, 好難有一間係全部齊款同平, 最好都係喺Y拍做下功課先.

另外都有行過一d舖頭, 如觀X廣場麗X, 沙X中心大X, 大圍金X商埸, 荃灣南豐, 唔知賣行定水,
都只係齋睇算.

希望以上, 可以幫到你地買到心水既G-SHOCK. 如有錯漏, 歡迎指教,