本帖最後由 mum-LCC 於 15-3-3 17:05 編輯
日本皇冠牌吉品 & 十幾頭中東鮑一齊炆
我係用真空煲炆, 最後調汁轉用LC煲, 必備材料除鮑魚, 只需(1) 雞湯 (2) 腩排 (3) 金華火腿, 而炆煮過程吾複雜架, 現在公開我嘅簡易方法
浸水/清洗乾鮑 (全程不要沾油)
·鮑魚放清水放雪櫃浸一至兩日, 記得就早晚換水, 吾記得就算
·預備清水一煲, 放鮑魚, 煲滾即熄火不開蓋焗水待涼
·視乎鮑魚夠淋身未, 因今次中東鮑頭係十幾頭較大隻, 未夠淋, 所以我將兩隻中東鮑再重覆焗多一晚水
·逐隻鮑魚剪咀清洗後, 放凍滾水(其實不知放水喉水有咩分別, 只不過跟blogger做法), 放雪櫃一晚就可以開工煮
·如果第二晚吾得閒, 就照換水放雪櫃, 不會有問題的.
炆乾鮑
·我用4.5L 真空煲炆
·首先放竹籬在煲底 (避免材料黐底)
·放一斤或以上腩排 (先飛水, 再煎至少金黃, 用廚房紙紙吸一吸油)
·放鮑魚
·放數粒已浸水瑤柱 (可放可不放,多少粒隨意)
·倒雞湯一盒(我係用現成的C雲生)
·放雞腳 (可放可不放, 只想令鮑汁較為膠一點), 我自己今次係第二日醒起才買巴西雞腳
·***冰糖少許***(此乃最..最..最重要, 令鮑魚快些淋)
·加水, 當然要蓋過材料, 高出幾吋, 預明火炆時會收水
·煲滾, 轉慢火炆一兩小時, 又放回真空煲, 過夜, 第二朝早又再煲滾又放回真空煲
·經一晚一早煲滾, 就要下金華火腿數薄片, 再用明火待滾轉慢火炆半小時至 一小時, 又放回真空煲
·要有金華火腿一齊炆數小時, 才能令鮑魚入味
·數小時後就可以夾起鮑魚check下夠淋身未, 可用牙籤由底部刺穿
·如夠淋, 就可以夾起待涼, 此時溏心鮑魚中間就會現出溏心的深色
·煲汁就可以隔渣隔油, 加蠔油, 冰糖, 少許老抽(可下可不下, 隨個人喜好), 試味OK, 再放D鮑魚滾兩下, 打少少豆粉茨, 即成
心得
我第一次炆日本40頭皇冠牌吉品乾鮑時, 好緊張, 參考著名blogger及其他高手做法, 跟他們用LC煲, 逐層放腩排放雞件放雞腳, 又跟他們做法不敢搞動煲內D鮑魚, 又吾敢早下火金華火腿, 自己驚死鮑魚吾淋又炆得太耐, 結果, 煮出黎個鮑魚係冇咩味嘅, 又吾覺有溏心, 個個都話碟上嘅冬菇(另外用蠔油炆) 好味好多, 失望 :-(
所以, 今趟決定用番之前自己炆澳洲青邊鮑的做法, 簡易好多, 亦輕鬆隨意好多。當然, 乾鮑一定要浸發才可將佢地還回原狀先可以開始炆, 就係多三兩日之嘛. 吾係好煩姐.
跟住就像普通煲老火湯的過程一樣, 齊料開火煲, 放真空煲, 可開蓋隨意翻動, 加料, 夾出鮑魚檢查, 但當然待涼前就一定要再煲翻熱, 而不再翻動. 而炆的過程如發現不夠水少, 亦可以加滾水, 否則就不夠汁. 注意: 不要太猛火整燶弄至黐i底就得, 所以一定要放竹籬在煲底.
今次D鮑魚一夾起, 係十幾分鐘就見到中間逐漸變深色, 溏心色現晒出黎, 聞都香, 嘩, 果刻真係好開心. 食時, 一切開, 就見到D溏心, 鮑魚味又濃郁, 真係煙煙un un有趙頭 
祝大家都能大成功炆出色香味俱全的溏心鮑! 
發表於 
學嘢先
返回列表
