您好 Mamimi12,比較細既小朋友對和爸媽分離會出現焦慮的情況,加上未係好識表達自己、忍耐能力有限,會用發脾氣來發洩情緒係可以理解。媽媽可以留低安慰BB的物品,如相片/毛公仔,每次分別都要同小朋友講byebye , 但話俾佢知媽媽會回來,當回來時會和佢一齊去公園/遊樂場玩,媽媽要俾多D時間小朋友適應呀。
每個小朋友適應父母離開所需要嘅時間都唔同,有D小朋友即使去到幾歲, 知道會同媽媽分離都會哭鬧。媽媽可以先試下係屋企製造短暫分離嘅機會,例如係一個安全環境俾BB 自己一個玩玩具, 離開BB視線範圍, 但間中要俾BB知道媽媽係附近, 慢慢佢會知道即使見唔到媽媽, 媽媽都係會關心佢嘅。平時當媽媽同BB講自己要番工時,要輕鬆面帶笑容咁同BB講再見,如果用緊張不捨嘅語氣,BB亦會被依種情緒所感染而變得緊張。多D 俾BB和其他親人小朋友一齊玩/相處,日常接觸多D人會令佢較容易適應和親人分離架。其實BB 痴媽咪都係正常,代表您同BB 關係好好,慢慢順其自然啦!