親子旅遊 今日: 9|主題: 161193

東京箱根湯本初華酒店 (Hotel Hatsuhana)一泊實戰体驗

剛從東京回港，行程不多說，因為再去箱根，出發前為酒店煩了很久，後來經AGODA訂了初華酒店，感覺很好，值得講座2句：

基本資料：訂了2間日式客房，每間可住四人，房價是3460一晚，包4人早餐。不包晚餐，網上房價有少許浮動，日日唔同，大家不妨用多幾上網試，或許平少少。

交通：超方便，酒店雖然位於箱根湯本山上最頂，但箱根湯本駅對面有小巴（B號、早雲通線）每半小時送客人上山，100YEN，坐到最後一站下車就OK，車程15分鐘。我們第一天早上坐ROMANCECAR卡到箱根湯本，派男人上山酒店CEHCK－IN，女士行街試食（食到飽），男士CHECK－IN，放行李，十五分鐘搞掂，酒店有自己車（也是半小時一班）送客人回箱根湯本駅，搞掂。

晚餐：酒店不包晚餐，但可以訂位吃飯，有餐廳2間，我地CHECK－IN時訂左最貴的SET DINNER，得一個MENU，講明八款菜，11000YEN一位，都貴，但試下無妨。我地訂左七點，準時到酒店餐廳，開左間房俾我地，嘩，八個菜，好睇又好好食，貴係貴，但值得。

溫泉：房間有個所謂獨立溫泉，其實係沖涼缸，我一早睇左台灣人的COMMENT，無期望，反為主攻去酒店的公共溫泉浴區，乾淨，又靚，有風味，戶外戶內池都有，無香港人，無強國人，真係好安靜，好舒服，正！酒店的公共浴區溫泉男士有一層，但女士有2層，強烈建議女士去最低一層，超正，自己去感受下。公共溫泉晚上十一點關門，第二天早上六點再開。我地去左2次。

房間：44平方住四個人，酒店晚上會幫你開床，睡得舒服，安靜，無投訴。

早餐：房價包左，要在第一日入住時訂好時間去，去到，坐包箱吃日本早餐，好多驚喜，好睇又好食，大人小朋友都開心，服務一流

退房：過程順利，坐酒店車回箱根湯本駅，幾個人出來揮手送車

再去的機會極高，但可能自己安排在外邊吃晚餐，不是不好吃，試過就試其他。再去，係因為少香港人強國人，哈哈哈。