吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 對母親心存芥蒂

婆媳關係今日: 0|主題: 27747

收藏本版

發帖

返回列表

跳至頁

查看: 25033 | 回覆: 137

對母親心存芥蒂

[複製鏈接]

12 3 4 5...7

Sandy太

複式洋房

積分: 195

1^#

發表於 16-2-3 09:50 |只看該作者 |倒序瀏覽 |打印

呢個舖講嘅唔係99，係自己媽咪，好長篇吓，希望唔會悶親咁多位jm

先講講屋企背景，爸爸養家，媽咪係家庭主婦，哥哥大我2年，細妹細我2年。

無錯，我係中間果個。但其實細時爸爸較痛錫我，所以都未算好可憐，只係爸爸工時好長，為家庭晚晚加班，好多時佢返到屋企我地已經瞓咗喇。而日對夜對嘅媽咪，就超偏心細妹，對我同對佢一個天一個地，所以我童年都幾唔開心。

兩個都係佢個女，唔明點解佢對住我總係黑口黑面，呼呼喝喝，對住細女就笑曬口，講嘢溫柔陰聲細氣。可能我生得唔得意啦，又硬頸，個樣都好掘強(😛)，
。我阿妹細時就生得幾得意，個樣成個鬼妹仔咁，出街成日比街坊讚，可能媽咪覺得阿妹令佢好光榮啦。

細個媽咪對我d衰野實在太多，耐唔耐腦海會浮返一兩件。呢到講d即時諗到深刻小小嘅：

一年級時考得好好，路過文具舖時爸媽比我揀咗件玩具，我揀咗部釣魚機(唔知jm們有冇印象，係用魚干用磁石釣起d魚仔果種)，返到屋企我阿妹就搶住黎玩，我唔比，我媽咪就一手搶咗去比我妹，鬧我爭就唔好玩喇。。。

小學時，試過媽咪切蘋果時問我默書幾多分，我唔記得幾多分喇，總之係令佢好唔滿意好嬲，即刻大鬧我同時用把生果刀剁落我大脾到，嚇到我尖叫，雖然剁落黎果吓我先知道係刀背，但我已經嚇到喊晒，同埋大脾有條血痕，當年我只得6歲左右。。。

隔黎屋有個女仔，同我妹一樣大，係家中掌上明珠金菠蘿，因為佢對上幾個哥哥大十幾廿年已出身，佢父母老來得女，萬千寵愛在一身。我妹仲讀幼稚園時，媽咪送完我同哥哥返小學後，會帶細妹同隔黎屋兩母女一齊去食早餐，然後一齊送女返幼稚園再一齊買餸，感情好好。有一次我放學返屋企，見到枱上有兩對新嘅髮夾，我心諗應該係我同細妹一人一對啦，點知後尾先知一對係比我細妹，一對係比隔黎屋個女仔。。。

暑假時同鄰居d小朋友一齊落街踩單車，隔黎屋個女仔唔識踩，於是我載佢，即時比我媽咪喝住，鬧我，唔比我載，話我陣間整親人地個女。。。

有一年新年返鄉下，唔記得為乜同細妹嘈交啦，好似郁埋手，媽咪就當住好多親戚面前好大力打咗我一巴，拖住我妹走。。。事後梗係同往時一樣黑我面幾照
日啦，望都冇望吓我，反而我舅母見到我比佢打到紅晒，偷偷地幫我揸d藥膏。。。

再大點，大概10歲啦，果個暑假佢忽然對我好好，講野又溫柔，同我好似朋友咁，又問我買咩餸好，我提議果d佢真係買，我仲記得我阿妹果次仲同我講，你話買媽咪就買喇，即係佢都覺得媽咪對我好，我仲安慰我細妹話咁係大家都可以食咖嘛。呢段美好時光，唔記得維持咗幾耐喇，總之唔長，响一次我同細妹嘈交比佢發顛鬧完一大輪，放低一句\"對你好d都唔得\"之後，正式完結。

小六果年母親節，我學識咗摺百合花，就摺咗朵放响佢床頭，當係我同阿妹一齊送佢，我地兩個响佢床頭等佢起身，到佢醒咗，我地話送朵花比你，佢即刻笑晒，拎起手話阿妹摺咖？我地話我摺咖，佢就即時變臉，放抵支花，話\"車～仲以為阿妹咁叻添\"，之後就行開咗。。。

亦係六年級，當年學校宿營，第一次離開家人，但都玩得開心冇唔習慣，晚餐後打電話返屋企報平安，媽咪响電話到態度好好，我同媽咪講晚餐有薯仔湯飲呀(我最喜歡嘅湯)，媽咪好溫柔咁話咁咪飲多d囉，我覺得心都暖晒，好期待回家。到返屋企果日，我入到屋好開心咁話我返黎喇～媽咪坐响廳到睇電視中，好燥咁回應\"返黎咪返黎囉\"，我默默走去沖涼，邊沖邊偷泣。。。事實上，我响無數咁多個晚上响廁所响床上，因為佢而偷偷地喊。。。

試過响屋企唔舒服作嘔，我攞定個膠袋，之後嘔咗，我阿妹就幫我去廚房講比媽咪聽我嘔，可能佢以為我嘔到一地都係，就勁燥咁大聲鬧\"你叫佢去死啦\"。細個時媽咪嗌我去死啦都唔知已經講過幾多次，當然佢應該唔係真係想我死。。。

初中時開始發育，個胸可能開始長肉好痕，我R到損晒，果時真係唔知點算，終於忍唔住同媽咪講，佢話乜你咁麻煩咖，自己搵d嘢黎揸吓啦！！而發育期中當然咩都冇教過我，到中六我先由同學仔帶我買第一個bra。。。

然而，入咗大學之後，媽咪對我開始冇咁差，講野平和咗好多，可能一個禮拜先見一兩日，令我冇咁乞佢憎。

到我大學畢業返返屋企住果兩年，媽咪都對我OK，又會朝早煮野比我返工帶飯，講野都溫柔好多，我覺得佢當返我係自己個女，但其實果時我都已經唔係好care喇。

兩年後我儲到錢就搬走(因為我真係頂唔順我阿妹d賤格野)，爸媽哥哥都有一齊黎幫我入伙。當晚，原來我媽咪喊咗成晚。。。係我爸爸講返我聽嘅，佢話媽咪話都係我最好。。。(呢個我又真係唔否認，細到大我真係咩都諗屋企，但其實我冇做得好出面，唔覺得媽咪會感覺到。)

第二朝我都收到佢電話問候我瞓成點，講講吓仲喊話有d唔捨得，我話我以前住hall都係咁啦，佢話唔同。

到後來我結婚喇，E幾年媽咪對我越黎越好，返親去食飯都煲補品我飲，講野超溫柔，而家同佢相處都算幾好。

但，我耐唔耐諗返細個佢點對我，就會好唔開心，唔想返去同佢食飯。呢個心結我真係解唔開。。。

0 0 0

私人傳訊

placesday

男爵府

積分: 5984

2^#

發表於 16-2-3 10:04 |只看該作者

回覆：對母親心存芥蒂

不如搵日同媽咪兩個坐低傾下
講出自己多年嘅感受
聽下佢背後會唔會係有d咩原因
我覺得始終兩母女
溝通好重要
你唔問嘅話呢世個心結都鮮唔開

點評

ak630

發表於 16-7-6 21:04

Jolin_Yuen

發表於 16-7-6 13:10

la_source

發表於 16-2-3 10:22

私人傳訊

gloomy1115

男爵府

積分: 5264

畀面勳章

3^#

發表於 16-2-3 10:09 |只看該作者

回覆：對母親心存芥蒂

我諗你媽咪都好後悔細個咁對你，搞到你而家同佢咁疏離，時間可以沖淡，希望你同佢可以重新建立感情，填補返你細個無嘅母愛，記住樹欲靜而風不息，希望你兩母女會互相珍惜！

私人傳訊

Sandy太

複式洋房

積分: 195

4^#

發表於 16-2-3 10:12 |只看該作者

回覆：placesday 的帖子

其實我自己諗係因為佢以前一個湊住三個都辛苦，而我係最唔得佢歡心果個(可能佢會希望得我哥同我妹兩個。。。)，所以有咩都發洩响我身上。。。

我又冇諗過講返出黎，我覺得佢都唔記得。。。

私人傳訊

CandiceMaMi

伯爵府

積分: 16692

2024年龍年勳章開心吸收勳章 BK Milk勳章畀面勳章

5^#

發表於 16-2-3 10:22 |只看該作者

placesday 發表於 16-2-3 10:04
不如搵日同媽咪兩個坐低傾下
講出自己多年嘅感受
聽下佢背後會唔會係有d咩原因

Agree

私人傳訊

Ada1031

大宅

積分: 2827

6^#

發表於 16-2-3 10:24 |只看該作者

其實你都係想媽咪錫姐...咁大個左對你好咪夠囉...以前既野諗來做咩丫....珍惜眼前人...你媽都幾十歲啦....仲同佢計較以前咩....你諗下...諗返以前你又唔開心....可能你媽都唔記得啦....成日諗返以前以前....人係看前睇...

點評

ak630

發表於 16-7-6 21:05

24號師奶

發表於 16-3-29 11:59

natjosejim

發表於 16-3-28 20:20

私人傳訊

豬吉

伯爵府

積分: 15954

7^#

發表於 16-2-3 10:31 |只看該作者

回覆：對母親心存芥蒂

你話你媽衰又衰唔晒，照顧你地三餐校服俟做得整整齊齊，只係偏心傳令你童年唔開心

可能佢而家已萬分後悔，我係你會選擇而家而忘記以前
如果佢縱你可能攪到你同你妹一樣就未必有而家既你

點評

Jolin_Yuen

發表於 16-7-6 13:11

私人傳訊

candy-chiu

大宅

積分: 4483

8^#

發表於 16-2-3 10:41 |只看該作者

將來你有小朋友 , 就會明白 , 佢十月懷胎生你都好辛苦嫁 ~ 到你出世 , 佢一個湊3個 , 仲辛苦 , 雖然你話佢兒時對你唔好 , 從前事已過 , 既然佢宜家對你好 , 就忘記舊事 , 開開心心咁孝順你爸媽 ~

記住今日唔知聽日事 , 莫定失去才後悔 ~

點評

Jolin_Yuen

發表於 16-7-6 13:11

私人傳訊

w.y.BB

大宅

積分: 4914

9^#

發表於 16-2-3 10:50 |只看該作者

回覆：對母親心存芥蒂

過去左，無謂記住，
贈你4個字，活在當下。

私人傳訊

Lovelovebear

珍珠宮

積分: 31479

10^#

發表於 16-2-3 10:53 |只看該作者

回覆：對母親心存芥蒂

睇到我眼濕濕添...

搵日坐低同媽媽講晒你內心嘅說話解鈴還須繫鈴人解開心結後我相信你地母女感情會更好

私人傳訊

Son024

別墅

積分: 873

11^#

發表於 16-2-3 11:05 |只看該作者

回覆：對母親心存芥蒂

過左去咪由佢過去囉，揹住咁多沉重包伏做乜呢
需知道，呢個世界冇咁多公平，亦冇任何人有義務對你好
對你唔好果啲咪隨風而去囉，珍惜而家所擁有既，唔好只着眼自己得唔到既野

私人傳訊

TropyC

男爵府

積分: 8318

12^#

發表於 16-2-3 11:42 |只看該作者

其實我細個我媽都對我唔係咁好, 偏心哂哥哥度, 好似度門BAND咗入唔到屋, 就打我一巴, 關我咩事? 佢食硬野食到牙崩, 又係打我一把. 佢顧住打牌揾人代佢接我放學, 我比果家人虾, 佢問都唔問咩事又係打我一巴...好多好多...

不過隨時日, 哥哥們結婚, 當然太太第一...通常都係我陪佢(我都結咗婚), 有事都揾我傾, 或者佢心裏都有悔意以前最唔鍚果個原來對佢最好 (我自己啉)...

重點係, 我唔會因為以前細個既事而對佢有埋怨, 都過咗去.
我做番我做女應該做既事, 對佢好係我份內事.

私人傳訊

pianoLULU

別墅

積分: 661

13^#

發表於 16-2-3 11:44 |只看該作者

回覆：對母親心存芥蒂

我妹細我九年，佢細個幾歲人仔時我青春期好反叛，對我妹好差，成日鬧佢，唔拖住佢，又會嫌佢煩，到佢而家大喇十幾歲，見住佢已經唔係小朋友，我都會有時突然諗起佢細個個樣，然後諗起自己做人家姐都唔夠錫佢，好後悔。

我諗你媽咪都有同我一樣既感覺，真係好後悔架，有時仲會諗如果可以返返以前，我一定一定一定會好錫佢，我肯定你媽咪都係咁諗，佢而家對你好就係想彌補，原諒佢啦，我都想我妹原諒我，俾我試下做返個好家姐，你媽咪都好想你俾個機會佢錫返你。

點評

wcpcelia

發表於 16-2-5 14:25

私人傳訊

Sandy太

複式洋房

積分: 195

14^#

發表於 16-2-3 12:11 |只看該作者

回覆：pianoLULU 的帖子

Sis睇到你回覆我真係忍唔住流淚。。。我有時都諗如果我媽同我講聲對唔住我諗我會好過d，但事實係我覺得佢唔會記得自己有做過d咁傷害我嘅事，最多知道自己係偏心細妹。

另外你講到你細妹，其實有時我都後悔同細妹搞到而家生死不相往來咁。因為其實細個我地感情都幾好，嗌交就實有咖啦，但都好快冇事。

細個時媽咪偏心細妹我都會妒忌，我都會對佢唔好，我知佢有時都會因為我對佢唔好而偷偷地喊。到大大吓可能佢都開始唔中意我喇，又知媽咪咩都幫佢，就成日搞d野出黎等我出聲話佢，等我又比媽咪鬧，媽咪仲會覺得我斤斤計較，覺得細妹做咩都係唔小心啫。所以我同我妹中學時期係勢成水火。到我搬走前兩年佢廿幾歲人都成日搞d事出黎撩交嗌，我真係憎到佢入骨。

不過有時我都會發夢夢倒同細個嘅佢一齊玩，都好懷念。。。如果細時我對佢好d，可能我地而家都係好姊妹，但而家冇可能喇，我地都好憎對方。