吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 隻貓係咁投錯胎。。。（求教點洗花槽雀屎） ...

自由講場今日: 280|主題: 1306466

收藏本版

發帖

返回列表

跳至頁

查看: 3254 | 回覆: 25

隻貓係咁投錯胎。。。（求教點洗花槽雀屎） [複製鏈接]

~仔仔媽咪~

水晶宮

積分: 51912

1^#

發表於 21-5-29 22:03 |只看該作者 |倒序瀏覽 |打印

本帖最後由 ~仔仔媽咪~ 於 21-5-30 00:12 編輯

我隻黑蚊蚊過咗彩虹橋大半年，屋企無啦啦嚟啲咁多年屋企冇出現過既生物。
先係嚴蛇，住咗呢間屋廿幾年都冇見過，無啦啦有日出現一隻，過咗幾日死咗响廳（多半俾屋企其他貓玩死咗）。
過咗幾個月，無啦啦有隻好生猛既黑色蒼蠅响屋企飛咗成日，
仲要係成日嬲住我囝，我囝趕緊畢業功課成日用電腦，隻蒼蠅就好興停响電腦mon前遮mon, 最後俾我一野拍暈咗，我沖咗佢落廁所。。。
過咗一排，噚日突然間有好幾隻野鴿飛嚟我花槽catwalk又挑我屋企啲貓機，又無啦啦有一隻全黑色既野鴿着陸我花槽，但佢明顯病咗，成個咀都係瘤，就咁响花槽過咗一晚夜。。。

今日响花墟買完盆栽番嚟，諗住開窗擺盆栽，一打開窗，嚇然隻黑色雀雀仲坐咗响度，我俾佢嚇親之後，我call咗愛協，用毛巾包住佢小心翼翼抱佢入屋等愛協嚟接佢，我用番我隻黑貓遺留落嚟既打皮下水針筒餵雀雀飲水，打碎啲果仁溝水餵佢食野，無耐佢即刻生猛哂企响身R痕。。。

原以為佢有得救，但當愛協哥哥嚟接佢時，一望見佢滿咀腫瘤，哥哥話隻雀雀中咗傳染病，冇葯醫要打針送佢走，。。。我當堂又是接佢唔住，我都dead air...

雀雀，您好乖，一路好走，下次去投胎攞籌記得攞啱做貓，有緣又識路記得我既話，記得揾我，我做您媽咪。

（新問題:「點樣清洗雀雀遺留花槽大堆雀屎？」）

0 0 0

私人傳訊

3333

子爵府

積分: 10307

2^#

發表於 21-5-29 22:21 |只看該作者

您好有愛心

私人傳訊

Piaget

珍珠宮

積分: 30591

牛年勳章

3^#

發表於 21-5-29 22:32 |只看該作者

回覆樓主:

私人傳訊

~仔仔媽咪~

水晶宮

積分: 51912

4^#

發表於 21-5-29 22:33 |只看該作者

3333 發表於 21-5-29 22:21
您好有愛心

隻雀好乖好似明我講野架。原本佢仲坐响花槽度，我開親窗佢都嚇親，我俾杯水放响佢隔離，佢都驚到係咁拍翼車巴我。跟住要抱佢入屋等愛協嚟湊佢，我知佢勁驚，我猛呵佢同佢講「唔駛驚，姨姨嚟幫您架，姨姨依家抱您入屋休息吓好嘛？」
呵咗佢一輪，佢至冇摃起個身（堅驚會嚇到佢跌落樓），我用毛巾圍住佢用手抱佢都冇周身郁。到餵完佢飲水佢生猛番企起身，佢都冇周圍閃，又係咁望住我聽我同佢嗌加油，所以覺得佢好乖。

依家知佢要打舒服針走，有少少難過，又覺得佢乖起上嚟有少少似我隻黑蚊蚊，所以都有唔太捨得佢。到依家都有少少妄想愛協會打嚟同我講隻雀雀救得番吖。有得收養埋佢，我實舉手。

私人傳訊

eledak

男爵府

積分: 9546

5^#

發表於 21-5-29 22:39 |只看該作者

~仔仔媽咪~ 發表於 21-5-29 22:33
隻雀好乖好似明我講野架。原本佢仲坐响花槽度，我開親窗佢都嚇親，我俾杯水放响佢隔離，佢都驚到係咁拍翼 ...

牠最後階段有您的溫情，會笑住去彩虹橋的

私人傳訊

~仔仔媽咪~

水晶宮

積分: 51912

6^#

發表於 21-5-29 22:47 |只看該作者

eledak 發表於 21-5-29 22:39
牠最後階段有您的溫情，會笑住去彩虹橋的

我囝知道隻雀雀要過橋都有啲沉默，我都係咁樣同阿囝講，隻雀雀至少走前有得入屋嘆大冷氣有水飲有nuts食又有奴才全天候餵水餵果仁6星級服侍，總好過冇人照顧响花槽或街邊曬死吖。

希望佢呢次真係叻啲攞啱籌，做隻健康幸福活潑既動物吖。唔好蛇虫鼠蟻就得喇，姨姨驚爬虫。。。貓is so okay and super welcome啦！