吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 如何掌握狗狗安樂死的時間??

自由講場今日: 570|主題: 1320819

收藏本版

發帖

返回列表

跳至頁

查看: 1377 | 回覆: 9

如何掌握狗狗安樂死的時間?? [複製鏈接]

arron媽

子爵府

積分: 14517

1^#

發表於 21-6-2 10:36 |只看該作者 |倒序瀏覽 |打印

我的金毛有淋巴癌,

依家條頸腫腫的, 令佢呼吸困難, 不能睡覺, 呢幾日都係一瞓著就紮醒, 好辛苦咁。
醫生無野可以做, 話等佢不肯進食時就來打針, 現在只服一些消炎止痛藥。
佢依然肯食野的, 在我眼內仲係精靈可愛, 但睇住佢幾日來無法入睡, 好想等佢打一針後瞓個好覺...

我好迷惘..

點評

bosch

發表於 21-6-2 17:42

0 0 0

私人傳訊

v29c

男爵府

積分: 5178

2^#

發表於 21-6-2 11:06 |只看該作者

arron媽發表於 21-6-2 10:36
我的金毛有淋巴癌, 依家條頸腫腫的, 令佢呼吸困難, 不能睡覺, 呢幾日都係一瞓著就紮醒, 好辛苦咁。
...

我之前隻西施情況同你一樣。個段時間要針筒餵食。記得個日中午還未嚴重，仲餵到食，夜晚就開始唔食嘢，成晚張大咀巴抖氣，冇扒低瞓，坐響到中下中下，雙眼攰到紅哂，好辛苦，我知狗狗差不多了，就去左獸醫到打針。

私人傳訊

esmehouse

寶石宮

積分: 382103

2024年龍年勳章 2024勳章 2023年兔年勳章虎到金來勳章牛年勳章 HiPP勳章(2) HiPP勳章(1) 2018父親節勳章 2018復活節勳章 15週年勳章親子王國15週年勳章畀面勳章醒目開學勳章 hashtag影視迷勳章貓狗褓姆認識瑞士牛牛第一回美好大世界2017勳章開心吸收勳章

3^#

發表於 21-6-2 11:12 |只看該作者

完全明白你嘅感受，我之前隻史納莎都係癌症，見佢慢慢唔肯食嘢、唔肯行真係好心痛

我鐘意你同我講 I Love U, I Love U Too！
You are the sunshine of my life. That's why I'll always stay around. You are the apple of my eye. Forever you'll stay in my heart.

私人傳訊

arron媽

子爵府

積分: 14517

4^#

發表於 21-6-2 11:19 |只看該作者

如果依家同佢去打針, 佢係可以行住咁去, 分分鐘仲識得嗲個醫生... 但見佢幾日無瞓不斷喘氣, 我個心痛到不得了..

私人傳訊

Catvole

男爵府

積分: 7184

5^#

發表於 21-6-2 17:16 |只看該作者

我上星期19歲貓貓走了。佢仲行得走得但我知道其實佢是很辛苦的。
我曾經有另一隻貓真係到好後期吐血我先比佢走，我好後悔因為我吾捨得而令佢受苦。
所以呢個真係睇你個人價值觀。正如有人病到末期都要繼續醫，有人寧願早點安樂死。
現在多點陪佢，比自己平靜想想邊個方向對佢最好而自己吾會後悔。
Take care 抱

私人傳訊

漱口水

子爵府

積分: 12440

6^#

發表於 21-6-2 17:19 |只看該作者

arron媽發表於 21-6-2 11:19
如果依家同佢去打針, 佢係可以行住咁去, 分分鐘仲識得嗲個醫生... 但見佢幾日無瞓不斷喘氣, 我個心痛到不得 ...

咁情況我會唔捨得，我會等到佢唔夠生存條件先放手

私人傳訊

cckuma

大宅

積分: 3678

7^#

發表於 21-6-2 17:43 |只看該作者

我有貓貓年頭淋巴cancer去咗彩虹橋，好感恩佢可以喺屋企走
確實最後彌留嗰個幾鐘佢呼吸困難，但未算好辛苦
嗰晚我唔知佢唔得，佢好努力迎合我force feed，我仲餵咗佢鍾意食嘅零食，佢都肯食

我知落決定打唔打針，搶唔搶救真係好困難
同過來人傾過呢個問題，佢話我到嗰刻就會知啪唔啪針
俾樓主你參考下

私人傳訊

~仔仔媽咪~

水晶宮

積分: 51912

8^#

發表於 21-6-2 19:21 |只看該作者

個人建議，俾舒服針佢瞓啦。
我上年同前年先後兩隻貓過身，都係自然咁去。
我隻黑白貓都係淋巴癌，發現時已經全個胃腫瘤。其實果時我係prefer打針俾佢去。但我家兩仔爺接受唔到，堅持要醫，我果半年，睇住隻貓越嚟越瘦，瘦到得番一條線，但又日日迫佢食類固醇，仲辛苦，到佢失敗咗，走前兩個星期，我睇見佢瘦成咁輕飄飄咁响屋企行嚟行去，我都爆，忍唔住一野抱佢入房勁爆喊，因為睇到佢真係好辛苦。佢果日連餵針筒罐罐都唔肯吞，就知佢夠鐘走，我請假湊佢去見獸醫，我地原本想等埋阿囝放學見黑白貓最後一面至打針，我求醫生俾佢住院，吊下鹽水等佢舒服少少都好，連醫生都喊埋。。。佢捱到我囝番嚟睇佢，轉頭佢就昏迷然後走咗。呢隻貓最曳成日蝦屋企啲貓我最憎，但最令我心痛，每次諗番佢走果日我都會心痛流眼淚又係佢。我到依家都後悔當初做乜衰心軟要佢咁痛苦白白捱痛捱半年至瘦猛猛咁走。。。

至於第2隻貓，我最愛既黑貓，佢唔同，佢係腎衰竭，但佢唔會痛但暈，我揀俾佢响屋企自然走，果段時間我地俾最好味既罐佢食佢到最後都好乖有好好食野，照樣衝門行佢最愛既地方，佢响我張床走係明顯冇黑白貓咁辛苦，抖兩啖大氣就走。

我覺得俾佢自然走定打針走，都好睇佢個病係點，如果夾硬留佢係痛苦成咁，我零願set幾日係for佢享受去同佢熟悉既地方同人道別，然後至安排佢舒服走。您同佢講，佢會明白架。