Baby Kingdom - 親子王國 香港 討論區 › 首頁 › 懷孕前後› 請分享"作動"經過...

懷孕前後

收藏本版
發帖
返回列表
跳至頁
請分享"作動"經過... [複製鏈接]

首頁
123

尾頁
   0
happyritamama


大宅

積分: 3596


1#
發表於 09-7-12 11:54 |只看該作者
我38 wks啦, 開始放產假, 好想知道大家作動既經過, 等我都留意下麻, 例如:

比預產期早左幾多?
咩時間作動呢? 早上/下午/晚上/半夜?
身邊有無人幫手?
係咩情況下作動? 訓緊訓, 番緊工, 出緊街?
痛左幾耐bb先出世?
有無用無痛妢娩?
有無用dv影低阿b出世既過程?
有無難忘既事情?
其他你覺得值得分享既事

thanks!
私人傳訊

小灼林


大宅

積分: 1355


2#
發表於 09-7-12 14:49 |只看該作者
BB預產期係28/11, 但18/11晚上10:30左右feel到有少少肚痛, 但因為接近預產期, 所以同媽咪講而家有d痛, 可能夜d睇下需唔需要入院, 佢叫我先沖涼洗頭, 準備入院行李.

到11:00pm開始, 媽咪叫我計下幾耐痛一次, 但個時又無痛, 阿媽同阿妹陪我坐起廳, 但到12:00幾都無動靜, 諗住可能係普通肚痛, 所以大家都上床休息, 而我就繼續計下肚痛次數, 大約19/11凌晨一點幾開始十分鐘痛一次, 即刻坐的士去e院, 姑娘做左一d簡單檢查後, 安排我入院, 第二日(19/11)早上, e生巡房話未生得, 到下二點幾開始見紅, 而且痛密左, 直至晚上7點幾, keep住痛, 好似m痛, 但姑娘話未開到"一度", 唔可以上產房, 媽咪, 老公就叫我食D野先, 怕我無力生, 但我真係無胃口

19/11 晚上九點幾姑娘推左我上產房, 老公入左嚟陪我, 一直都有痛, 姑娘話快則今晚(19/11)十二前可以生得, 又可能第二朝(20/11)先出世, 大約凌晨兩點, 姑娘話我開左三四度, 但見我咁痛, 叫我打支止痛針, 大約四五點開始穿羊水, 姑娘幫我放大小便, 大約六點幾開始生, 個肚好似急大便, 最後BB順利"痾"左出嚟

原帖由 happyritamama 於 09-7-12 11:54 發表
我38 wks啦, 開始放產假, 好想知道大家作動既經過, 等我都留意下麻, 例如:

比預產期早左幾多?
咩時間作動呢? 早上/下午/晚上/半夜?
身邊有無人幫手?
係咩情況下作動? 訓緊訓, 番緊工, 出緊街?
痛左幾耐bb先出世?
有 ...
私人傳訊

mupooh


琥珀宮

積分: 152572

好媽媽勳章 畀面勳章 環保接龍勳章 BK猜猜猜慶中秋


3#
發表於 09-7-12 15:44 |只看該作者
我第一胎預產期係10月9日，在9月26日半夜兩點幾去廁所發現見紅(少少)，又唔肯定係咪，之後去幾次廁所有時有血，又時無。
到左中午又發現暗紅色多左少少，就決定入院。剪短哂d頭髮，搞掂好哂d野食埋野搭車去醫院時已經4點幾。
當晚住院無乜特別，臨近27日清晨時盤骨位就輕微痛左一陣，一路keep住幾個鐘痛一次，到左下午3點幾盤骨位上少少一個鐘痛2~3次，夜晚7點幾開始patpat位上少少15~20分鐘痛一次，唔肯定係陣痛(因為個肚無痛過)，以為係谷大便(兩日無去)ge感覺，到8點半，原本有姑娘同我check，但佢話個肚無痛就唔係陣痛，到9點幾，後腰位愈黎愈痛(5~8分鐘痛一次，每次二三十秒)，一個鐘後，痛到個人企唔直，忍痛去廁所，發現有d鮮血，即刻同姑娘講，姑娘check左係開左4度，立即去產房。
半個鐘唔駛，開左5度，姑娘check左已穿水，後腰痛到個人典黎典去，不停標汗，又有大便勁急ge感覺，到28日半夜1點幾，佢地比一個鐘我試生，我生時完全無痛，唔識用力，要d姑娘睇胎心監察知我有宮縮時叫我用力，但都唔得，最後要用真空吸引術輔助bb出黎。
全程都無肚痛，最難忘係足月後叫bb等我過埋中秋食埋月餅至出世，跟住真係過左中秋ge半夜就見紅︿今次第二胎25週幾，都唔知陣痛時仲頂唔頂得順。

[ 本帖最後由 mupooh 於 09-7-12 15:46 編輯 ]
私人傳訊

lokyaobb


大宅

積分: 3136


4#
發表於 09-7-12 16:32 |只看該作者
我第2胎,預產期係2月26日,1月31日晏就feel到個肚有d陰陰痛,以為係要去toilet,我又去到喎,所以無理佢!!!全日都係咁keep住耐唔時痛下咁~到咗半夜4點幾,個肚又痛喇,跟住又去toilet啦,點知今次去唔到,仲越黎越痛,摸到個肚硬硬地,跟住就即刻摷醒老公,call埋99黎我屋企幫手睇住個大女,跟住就揸車去e院!!!去到e院,d助產士幫我聽bb心跳,聽聽下就話我每一下肚痛,個bb心跳就會慢,聽多一陣就決定推我落產房開刀喇~個bb攞去黎時,姑娘抱埋黎俾我望,一睇,嚇c我,心諗點解我個女咁黑既,跟住個姑娘話個bb喺肚入面焗親,所以塊面有d藍,不過遲d會退架喇~好彩咋,如果唔係再遲d分分鐘出事!!!
原帖由 happyritamama 於 09-7-12 11:54 發表
我38 wks啦, 開始放產假, 好想知道大家作動既經過, 等我都留意下麻, 例如:

比預產期早左幾多?
咩時間作動呢? 早上/下午/晚上/半夜?
身邊有無人幫手?
係咩情況下作動? 訓緊訓, 番緊工, 出緊街?
痛左幾耐bb先出世?
有 ...

私人傳訊

gracefulb


大宅

積分: 1013


5#
發表於 09-7-12 17:33 |只看該作者
我第一胎係朝早七點訓醒穿水, 之後call 醫生換衫去醫院. 去到比姑娘check 已經開左 4 度, 但肚仍然未痛. 9 點半入待產房, 已經開始好痛, 亦有急大便的感覺. 即入產房 10 點前已經生左.

過程好快. 不過一痛起上黎, 真係想暈又暈唔到..好痛好痛的~~
私人傳訊

happyritamama


大宅

積分: 3596


6#
發表於 09-7-13 18:05 |只看該作者
我睇另一個post, 因為個媽媽臨去醫院之前, 去左沖良, 攪到個bb係屋企出左世, 救護車黎到個bb都救唔番...睇到好驚.

甘其實我地作動好唔好係屋企沖左良先去醫院呢?
私人傳訊

佳佳里


複式洋房

積分: 375


7#
發表於 09-7-13 18:22 |只看該作者
聽產前講座話,穿水一定要立即訓底等白車, 如果你間hosipital 近就搏下坐的士直入產房,如果係陣痛就襯佢初初唔係大密, 即係20mins 一次都可以食野沖涼, 佢話有d 人唔一定肚痛而可能係盤骨痛~
私人傳訊

zeroshirley


別墅

積分: 893


8#
發表於 09-7-14 13:19 |只看該作者
我而家呢胎係第二胎, 上胎未試過作動入院, 事關阿b過期居留要催生, 我都想知多數人作動其實係call的士定call白車好? 我屋企好近醫院呀, 行十分鐘就到, 但我怕到時作動如果行去醫院又危險, call白車唔知係咪安全d呢?
梓謙30-6-2006出生, 3.48kg :-D
私人傳訊

小灼林


大宅

積分: 1355


9#
發表於 09-7-14 13:24 |只看該作者
call白車只會送你去急症室, 再轉送去產前病房, 但如果行得就call的士好d, 直接上產前病房唔洗等咁耐



原帖由 zeroshirley 於 09-7-14 13:19 發表
我而家呢胎係第二胎, 上胎未試過作動入院, 事關阿b過期居留要催生, 我都想知多數人作動其實係call的士定call白車好? 我屋企好近醫院呀, 行十分鐘就到, 但我怕到時作動如果行去醫院又危險, call白車唔知係咪安全d呢? ...
私人傳訊

NIcoleLeung


大宅

積分: 2273


10#
發表於 09-7-14 15:02 |只看該作者
我第一胎,預產期4月30日,果日半夜開始肚痛,但係冇規律,冇理到,5月1日,1點幾見紅,入左醫院,但係未開度數,肚痛就10分鐘痛一次至到3日零晨12點,1點開始3-4分鐘痛一次,落產房,先開左2度,一路痛到3點就生左.
其實最辛苦唔係肚痛,係腰骨痛同想痾又唔俾痾果下最辛苦.



私人傳訊

mupooh


琥珀宮

積分: 152572

好媽媽勳章 畀面勳章 環保接龍勳章 BK猜猜猜慶中秋


11#
發表於 09-7-14 15:31 |只看該作者
原帖由 NIcoleLeung 於 09-7-14 15:02 發表
我第一胎,預產期4月30日,果日半夜開始肚痛,但係冇規律,冇理到,5月1日,1點幾見紅,入左醫院,但係未開度數,肚痛就10分鐘痛一次至到3日零晨12點,1點開始3-4分鐘痛一次,落產房,先開左2度,一路痛到3點就生左.
其實最辛苦唔 ...

我第一胎陣痛時就係腰骨痛喇(無肚痛過)，無用任何止痛方法，+上在產房時持續3個鐘勁急ge感覺，簡直..... 。
你兩樣都有，咁邊樣辛苦d呀??
我仲有十幾週就生，唔知到時陣痛時個肚痛ge話係點!!
私人傳訊

馮師奶


別墅

積分: 517


12#
發表於 09-7-14 18:07 |只看該作者
我係第一胎, 預產期6月30日, 6月22日6:55am feel倒有d陰陰痛, 好似快要黎m咁, 7:25am feel倒濕濕地, 去厠所發現有少少血, 打比醫生佢去我可以等到十點去診所check check, or 自行去醫院check, 咁我梗係唔等啦, 第一胎小心d好, 我立即去醫院, 去到醫院9:30am開左一度, 醫院叫我辦入院手續. 辦完手續見肚餓想去食早餐, 但姑娘唔比, 要我瞓床check bb 心跳, 我個肚一直都唔覺有陣痛, 只係有d陰陰痛, 所以我以為有排等. 點知11:30am姑娘就過黎幫我整穿水, 果時話開左兩度, 姑娘話胎水濁, 怕bb吸入肺會發炎, 所以係12:00pm幫我落催生藥. 落左催生藥我都唔覺痛, 但見bb心跳會係我子宮收縮時下降, 姑娘怕我忍痛唔呼吸, 影響bb心跳, 於事叫我聞笑氣, 其實我都唔覺痛. 3:30pm, 姑娘再叫我打止痛針, 我因為聽倒隔離床勁叫, 有d驚, 所以就答應打止痛針. 4:38pm, 姑娘check倒我開左8度, 所以推我入產房. 入左產房先開始feel倒勁痛, 個肚好似想推呀b出黎咁, 我忍到醫生到左之後就同我放尿, 剪會陰, 剪會陰果下勁痛, 仲痛過d陣痛, 差d想鬧個醫生.haha. 之後醫生叫我push左三下, 阿b就係5:28pm出左世. 原來阿b臍帶纏頸, 所以每當我子宮收縮要推佢出子宮頸時, 條臍帶cool實佢條頸以至心跳下降, 好彩佢順利出世, 健健康康.
p.s. 我陣痛時完全冇腰骨痛呀, very lucky.

[ 本帖最後由 馮師奶 於 09-7-14 18:12 編輯 ]
私人傳訊

nicolehoyee


男爵府

積分: 6111

好媽媽勳章


13#
發表於 09-7-14 18:16 |只看該作者
嘩，　臍帶纏頸都幾危險嫁喎。乜Ｄ醫生同姑娘之前無同你check既咩？
原帖由 馮師奶 於 09-7-14 18:07 發表
我係第一胎, 預產期6月30日, 6月22日6:55am feel倒有d陰陰痛, 好似快要黎m咁, 7:25am feel倒濕濕地, 去厠所發現有少少血, 打比醫生佢去我可以等到十點去診所check check, or 自行去醫院check, 咁我梗係唔等啦, 第一 ...
私人傳訊

馮師奶


別墅

積分: 517


14#
發表於 09-7-14 22:49 |只看該作者
原帖由 nicolehoyee 於 09-7-14 18:16 發表
嘩，　臍帶纏頸都幾危險嫁喎。乜Ｄ醫生同姑娘之前無同你check既咩？


之前產檢醫生有講過, 佢話臍帶纏頸係個肚都未有問題, 最大問題係生產時, 所以佢叫我要聽醫生指示去push, 當頭仔出黎時等佢有時間解開條臍帶, 然後先再push bb個身出黎. 但最後一次產檢就照倒冇纏頸喇.
當日我諗醫生肯定見倒個心跳讀數就知有臍帶纏頸, 不過佢冇話我知, 費事我驚. 佢用左吸盤盡快攞阿B出黎.事後先話我知. 而期間我都好聽醫生話, 佢叫我push我先push, 其餘時間就忍住唔push.
私人傳訊

vyeenuunsg


複式洋房

積分: 313


15#
發表於 09-7-14 22:54 |只看該作者
我個仔嘅預產期係５月２８日，但佢喺５月２日就出咗世，得６磅。

果晚嘅情形仲好深刻係個腦裡面，事源我地食完壽司之後，我老公５月１日晚１１點幾１２點覺得肚痛同埋肚疴，我無為以，但我突然間係凌晨１點幾開始覺得肚痛，又想疴，咁我都以為我自己都係好似佢咁，食咗ｄ唔乾淨嘅壽司，但係痛咗半個鐘仲痛，好似腸抽筋咁，我突然間醒起生之前一星期才聽完「分娩的認識」，姑娘講陣痛時會好似急大便咁，嚇我一跳，因為當我開始計時，就發覺我已經係每５分鐘痛一次，但又急大便，不過疴唔出，２點左右開始發現有少少鮮血，我即刻同老公講，要即刻call的士，因為姑娘話如果見紅一定要盡早去醫院怕ｂｂ會有事，去到醫院，已經痛到每１分鐘一次，我幾驚會喺的士生。

差不多３點到醫院，辦好所有手續都已經成３點半，入到病房，我已經開到４～５度，佢地話推我入產房，原本ｄ姑娘諗住叫我老公返屋企先，到差唔多生之前一個鐘才叫佢返來陪產，點知．．．個姑娘突然間走返出去搵我老公，叫佢即刻換衫，因為我已經開到９度，４點幾穿水，５點幾就生咗亞仔，由陣痛到生，共痛咗３個半鐘，都算快同埋順利。

※　由於亞仔早咗成３星期出世，我地連走佬袋都未執，ｂｂ衫又未洗，ｂｂ床又未攞番屋企，果晚臨時臨急，我地祇係執咗ｄ產後用品，同埋記得一定要帶老公陪產果張紙我地就趕咗入院，當晚醫生同姑娘都問有無上「分娩的認識」，張紙呢？我地連亞仔ｄ尿片都未買，唯有問醫院借住先（要還架）。




原帖由 happyritamama 於 12/7/2009 11:54 發表
我38 wks啦, 開始放產假, 好想知道大家作動既經過, 等我都留意下麻, 例如:

比預產期早左幾多?
咩時間作動呢? 早上/下午/晚上/半夜?
身邊有無人幫手?
係咩情況下作動? 訓緊訓, 番緊工, 出緊街?
痛左幾耐bb先出世?
有 ...
私人傳訊

寶寶熊


子爵府

積分: 14275


16#
發表於 09-7-15 00:50 |只看該作者
wah..睇到你咁講..我真係好驚呀..我一向都好驚剪會陰...其他媽咪係唔係都係咁痛呀???? 好好好好好好好怕....!!!!

原帖由 馮師奶 於 09-7-14 18:07 發表
入左產房先開始feel倒勁痛, 個肚好似想推呀b出黎咁, 我忍到醫生到左之後就同我放尿, 剪會陰, 剪會陰果下勁痛, 仲痛過d陣痛, 差d想鬧個醫生.haha. 之後醫生叫我push左三下, 阿b就係5:28pm出左世....
私人傳訊

edithlee


複式洋房

積分: 471


17#
發表於 09-7-15 00:58 |只看該作者
好詳細呀！多謝各位的分享，我都要留意下先得！
我依家都已經38W3D喇，阿B仲未有意思出黎見我。好心急！
私人傳訊

joey122


大宅

積分: 4664


18#
發表於 09-7-15 04:11 |只看該作者
我第一胎預產期14/9/05,點知8/9/05果日夜晚同媽咪食飯時feel到下面好似濕濕地...
媽咪建議我去醫院睇下好d.
搭車去到醫院,姑娘一檢查就話穿羊水喇!
果陣半夜12點,仲話醫生聽日先同我催生,叫我媽咪可以返屋企先,聽日再o黎,果陣老公又未放工wor.....
3分鐘後,姑娘跑o黎同我講而家即刻落去催生!!!嚇到我c.....咩事要跑呀!!??

果陣即刻打比媽咪叫佢打比老公講~
我就比佢地推左落去催生喇~

之後好迷...因為我冇啦啦發燒,只係知道老公不停入o黎又出去,又再入o黎又出返去...
我就不停聞笑氣...
有時又聽到老公o係出面接對講機問生得未,有次聽到姑娘話鬼佢,"佢仲係4度ja!!"
呢句"4度"我聽左九十幾次!
我開極都係4度....
到天光,一直都痛緊....連無痛分勉支針都打埋,打完仲辛苦......抽筋tim.....><
痛到第二日11:30am倒啦....(實在時間唔記得,因為癲到我阿爸姓咩都唔知了....個人處於發熱發冷再發熱的狀態..!)
醫生問我開刀好唔好,因為穿左水太長時間了!
我即時話好...大佬,快d同我搞掂去好嘛???我真係頂唔順了!!!
開刀時訓o係鐵床,好記得,因為發冷時凍到痴左線,由於張床係超級硬的關係,我條頸好痛,唔知點講....總之加埋陣痛同發燒,我直情亂咁講野,呢d係姑娘後尾同我講返的....

佢話我不停大叫"放開我!!!""求求你地比個枕頭我丫...我真係好痛呀...""幾時放我走!!"
唉....真係難為情....好鬼瘀...
9/9/05 12點幾開刀順利生左個女,因為成程我都好迷,只係個女第一下喊聲,我成個人醒晒!
之後見左bb一眼,姑娘叫bb錫啖我,之後個女就入左病房了...><
因為bb都發埋燒wor...
個女足足住左12日醫院...我就5日,.
之後出左院個心赤到不得了,又唔去得睇bb,得老公去,每日返o黎報告bb情況,睇返d片咁...
喊到bb出院返o黎.....

今次呢胎揀順產,因為醫生話bb唔係太大可以試下,我反而驚驚地...因為未試過見紅,穿水,陣痛呢d情況先入院,我怕自己生得都唔知.....
同埋剪會陰呢下,我真係...真係....諗到都標汗.......係咪真係好痛架?
我媽咪話到時陣痛都蓋過晒wor....真嘛???
私人傳訊

LUON


大宅

積分: 3466


19#
發表於 09-7-15 11:42 |只看該作者
原帖由 joey122 於 09-7-15 04:11 發表
我第一胎預產期14/9/05,點知8/9/05果日夜晚同媽咪食飯時feel到下面好似濕濕地...
媽咪建議我去醫院睇下好d.
搭車去到醫院,姑娘一檢查就話穿羊水喇!
果陣半夜12點,仲話醫生聽日先同我催生,叫我媽咪可以返屋企先,聽日 ...


嘩! 你都生得幾辛苦!!!
不過係真架, 我生時都唔知係幾時幫我剪會陰既,
都痛到唔識講野, 分唔開咩痛打咩痛lu!
我老公就話睇住佢剪lor!
私人傳訊

happyritamama


大宅

積分: 3596


20#
發表於 09-7-15 15:52 |只看該作者
多謝大家既分享呀, 真係學到唔少野~

我再想問下既係:-

- 穿羊水係好多甘湧出黎定點少少甘沁呢?

- 如果見紅/穿水, 係咪唔應該沖埋良先去醫院呢?

- 醫生係咪一定係幫我地放大/小便之後, 先叫我地生架?

- 你地會唔會一入院就call屋企人過黎, 定係生得出先call佢地呢? (我指係父母99, 62果d)
私人傳訊


首頁
123

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見