吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 基金收費....

家庭理財今日: 6|主題: 46588

收藏本版

發帖

返回列表

跳至頁

查看: 825 | 回覆: 5

基金收費.... [複製鏈接]

大B細B

複式洋房

積分: 105

1^#

發表於 10-5-12 23:47 |只看該作者 |倒序瀏覽 |打印

最近開始考慮買基金, 發現收費都不少.....例如每月供1000元, 最高的保險公司行政費及基金管理費, 要共要170左右......, 是不是屬於貴.....還是正常.....

可否給我一點意見.... 投資係巴西, 俄羅斯, 還是環球能源基金會好一點......

0 0 0

私人傳訊

mark_ting

洋房

積分: 76

2^#

發表於 10-5-13 00:03 |只看該作者

保險公司賣的是保險單, 不要中招

[基金DIY系列]
月供基金比較 (不包括101基金)
自建教育基金三步曲
先揀市場, 後選基金

私人傳訊

大力大力

象牙宮

積分: 200621

2025勳章 2025勳章蛇年勳章醒目開學勳章大廚勳章

3^#

發表於 10-5-13 00:11 |只看該作者

原帖由 大B細B 於 10-5-12 23:47 發表
最近開始考慮買基金, 發現收費都不少.....例如每月供1000元, 最高的保險公司行政費及基金管理費, 要共要170左右......, 是不是屬於貴.....還是正常.....

可否給我一點意見.... 投資係巴西, 俄羅斯, 還是環球能源基 ...

樓主你中招了，怏怏 CUT 左佢！！

遠離儲蓄保險 / 兒童基金 /保險公司基金 …… 不要買那些呃人的 “長年期，低回報” 的產品，身痕硬要投資儲蓄就月供交易所指數基金 e.g. #2800 #2823，買賣方便，透明度高，收費低………

務請細心一讀, 一生受用………

(想買保險/儲蓄/基金者必看) --銀行保險+儲蓄計劃+基金案例中招 / 新聞貼文
http://finance.discuss.com.hk/viewthread.php?tid=11221680&extra=page%3D1

(想買保險 / 入行者必看)
保險經理之 - 不能說的秘密
http://finance.discuss.com.hk/viewthread.php?tid=10750500&extra=page%3D1

儲蓄壽保乃基金
http://finance.discuss.com.hk/viewthread.php?tid=11363388&extra=page%3D1

精明投保人 - 有線資訊台片段！！ 20 分僮
http://cablenews.i-cable.com/webapps/program_video/index.php?video_id=72871

金融魔術的內裡乾坤
http://finance.discuss.com.hk/viewthread.php?tid=11362193&extra=page%3D1

小數怕長計複式下月供基金計劃(101 plan)使費長線收費驚人
http://finance.discuss.com.hk/viewthread.php?tid=10213417&extra=page%3D1

月供股票--投票及分享篇IX (正在和持有月供股票之種類投票)
http://finance.discuss.com.hk/viewthread.php?tid=11363903&extra=page%3D1

ETF 交易所買賣基金介紹
http://finance.discuss.com.hk/viewthread.php?tid=11078324&extra=page%3D1

踢走魔鬼條款　嚴選最強醫保
http://www.discuss.com.hk/viewthread.php?tid=11344888&extra=page%3D1

[ 本帖最後由大力大力於 10-5-13 00:17 編輯 ]

私人傳訊

大力大力

象牙宮

積分: 200621

2025勳章 2025勳章蛇年勳章醒目開學勳章大廚勳章

4^#

發表於 10-5-13 09:21 |只看該作者

基金除咗例牌管理費外，仲有更多所謂out of pocket嘅搵笨收費，例如印野、職員出差、郵寄等等雜項，的經理同埋的阿四通世界坐business class周圍飛，住五星級酒店，底衭都帶埋畀酒店洗，商務餐、長途電話費係咁開數，呢的都係我做核數嘅朋友話畀我知。我朋友不幸十年前畀個而家仲成日響報紙吹水嘅「投資顧問」介紹，用一百萬買咗五隻基金，其中四隻都係名牌，無論指數點升跌，個價都從未見過家鄉，遑論每年回報。的經理每年照收管理費、行政費如儀，心不跳、臉不紅，只係每月寄個report，每年寄一大本電話簿年報(又博命開數)，塞爆你信箱，我識好多朋友買基金都係蝕錢，連自己做金融數十年嘅老手都鎩羽，至於嗰的專同人捉基金路嘅所謂投資顧問，就更加狠胎，又收的基金回佣，又收的客嘅乜乜set up fee，顧問費、表現費等等，有的可以分人賺到嘅15%到20%，犀利過澳門的疉碼仔，的客蝕咗就側側膊，再叫人轉fund，又咬你一筆。基金欺客嘅黑幕，真係罄竹難書，去書局搵下，就知道客戶的遊艇在那裡。

---------------------

By :
foon1
响呢度分享小小自己既經驗同睇法
我十幾年前開始投資係買基金, 所以當時好多基金投資講座都有去聽, 有响匯豐做每月供基金。同埋後來聽一個講座時佢地推介一個PACKAGE, 係响首十三個月內, 你每月投資幾多佢送幾多相同價值既金額俾你投入你個ACC, 即係你定期投資三千, 佢送三仟俾你投資, 我諗落有著數, 個AGENT又落咀頭, 話佢, 佢教我話到十三個月後 (即著數攞完後) 停供,佢幫我睇住個ACC 五年內賺返DOUBLE 於是參加喇, 點知後來得閒睇返D文件, 原來我個PLAN係唔可以隨時攞返錢, 要我六十歲或死左先可以攞, 如在此之前取消的ACC 會收取高額既費用, 越早消收費越高, 遲攞就收少D, 如你停供(仲KEEP住個ACC), 咁每季都收你管理費, 一年供收百份之七 (我個PLAN係九七joint 即已收左70%, 即我只得返30%, 假設D基金價格不變 ) 加上九七年個市响高位, 我計過十三個月每月供三千, 即出左約四萬, 加埋佢話送既四萬即共八萬, 但依家我個ACC 只有值千幾蚊美金(萬零蚊港幣度). 睇下到我六十歲可以攞返幾多攞. 所以奉勸作投資前真係要睇清楚同問清楚
不過都好, 經過呢次教訓後, 以後對投資既野真係事前做好功課同問多D, 依家D銀行或投資公司打電話來SALES我買基金, 俾我問多兩問佢地口啞啞, 自己投降.
有次去恒生辦野, 個職員過來SALES我買基金, 我同佢講, 你得贏就同你買, 我佢講, 認購基金要收5%首次認購費, 每年管理費當1%, 贖回又收2.5%, 我長渣十年, 當基金價格冇變, 我要硬食17.5%費用 (5 % + 1% X 10 +2.5%), 如果將呢筆錢去買股票, 買你地銀行你唔會唔同意呀, 同樣股價冇變, 我長渣十年, 每年有四厘幾利息, 零頭當股票行收我既費用, 以四厘計, 十年即有 40%回報, 我問你, 如果你係我, 你會點做? 佢冇野講
----------------------------

By : nocpot01

業界不會告訴你的事

講開基金，不能不提曹Sir「新寵」、牛眼投資法始作俑者莫登（JohnMauldin）。此君一句話便擊中齊格飛王子的死穴：鼓吹買入長揸，說穿了不過是基金業擴充資產規模、多賺管理費的技倆。換了你是基金銷售員，會不會向有意委託閣下管理財富的米飯班主說：「喂，老兄，你可知道，錢由本公司管，日後我們賺取的管理費，恐怕比你的投資回報還要多？」
實話實說，可能出現的結果只有兩個──一、對方拂袖而去，頭也不回；二、準客戶向受託機構投訴，銷售員明天極可能不用上班。
取個「中位數」，基金公司每年收取1％管理費，也就是說，100元受託資產中，1元歸基金公司所有。Fairenough？也許。不過，就如銷售章程只強調基金每年平均回報多少，對價格波動可令年與年之間回報差天共地輕輕帶過一樣，基金賣方永遠不會自揭「細節中的魔鬼」。他們不說，就由老畢代勞吧。
假設基金一年回報6％，閣下投資了10,000元，本利相加便是10,600元了。管理費1％，基金公司一年所得便是106元（$ 10,600 x 1／100 = $106）。萬中抽百，牛市濕濕碎，即或熊市亦不過在傷口中再灑一小把鹽，看似無傷大雅。
可是，睇真啲，閣下投資10,000元，年回報6％，減去本金後淨賺便是600元（$ 10,600 - $10,000 = $600）。這600元中有106元給基金公司抽去，條數便變成：一年回報6％，所賺有17.6％落入了管理者口袋（106 ÷ 600 x 100％= 17.6％）。
看到了吧，投資者日盼夜盼無非錢生錢，但對方一聲多謝便「吸走」閣下一年所賺的十七個巴仙。這可不是1％的問題，而是17％的問題！
在《信壇》眾高手眼中，一年六個巴仙回報也許不值一哂，但對經常跑輸大市的基金經理而言，要為客戶帶來一年6％（未計管理費及買賣差價）回報，單字記之曰：難！數字足以說明一切。
‧從1960年起計的十八年，美股標普五百指數平均年回報低於6%。
‧過去十年，標普五百指數平均年回報近乎零。
長線投資也要講 timing，如果你在上述兩個時段買入美股長揸，不計其他開支，單是扣除管理費，所得若非變為負數，便是似有還無。更要命的是，每年1％管理費並非行業基準。你可知，管理費雙倍於每年1％甚或更高的美國股票基金有多少？答案是三千六百八十一種！
以每年回報六個巴仙計算，管理費1％便吃掉回報的17.6％；管理費若高達2％、3％，閣下豈非心甘情願將所賺按六／四甚至五／五的比例，跟基金公司分甘同味？
香港證監會經常強調投資者教育，但與其把一些零零碎碎、細微細眼的資訊，又或老生常談的道理（投資涉及風險、過去回報不等於將來收益……）重複又重複，還不如詳列一個「十件基金公司不會告訴你的事」之類的表或圖，以反面教材的形式，把利害說到骨子裏去，讓投資者知所行止，在不同產品之間慎加選擇。
彼德．林治在《戰勝華爾街》一書中說，勤力的散戶勝過許多基金經理，更加不用蝕管理費、手續費。然而，要在退休金管理範疇引入 DIY 概念，按林治的建議照辦煮碗，怕且要討論幾十年。到時，你退咗休未？
----------
By :BoonBoon

熊市當前注意基金收費陷阱

(8月18日信報)所謂一分錢一分貨，不過，金融產品投資者付出一分管理費，卻不一定得回相應的投資回報。這種物無所值的情況在熊市更加厲害，基金錄得的微薄回報七除八扣後往往所剩無幾，投資者白付各項收費，基金經理卻不保證可帶來優於大市的回報。
基金公司一般都收取管理費，在部分國家，投資者還要另行負擔基金的廣告及市場推廣開支。除了管理費，其他林林總總的收費還包括經紀行佣金、資金保管費和涉及會計，以及向投資者寄發月結單等行政費用。
部分基金亦會向客戶收取相當於投資金額一定比率的申購佣金（sales load），作為基金分銷商及投資者的財務顧問攤分之用。即使投資者沒有聘用財務顧問，錢還得照付。
小數怕長計
佛羅里達州財務策劃師托拜厄斯指出，投資者不應沾手任何收取申購佣金的基金，因為定期監察投資組合及投資環境是財務策劃最重要的一環，若果顧問一早就收取了報酬，日後就沒有誘因緊貼客戶的投資狀況。
一般基金的投資成本相當於每年投資額1%至2%，由於比率低，投資者大都不在意。然而，所謂小數怕長計，以十年至二十年的投資期計算，這筆收費非同小可。
在市場疲弱的時候，收費對投資回報的打擊就更大。若果某股票基金每年總開支為2%，在牛市一年回報達二成的好景中，投資者不過損失一成回報而已；但若果市況不佳，基金回報只有4%，成本開支就令年終回報減少一半。
管理費的結構亦加劇跌市時基金收費對成本的衝擊。理柏高級研究分析員薛恩霍伊指出，部分基金會向首10億美元資產收取1%管理費，下一個10億美元則收取0.8%管理費，如此類推。這意味若果基金在熊市時因為虧蝕或贖回潮導致資產縮水，投資者負擔的管理費比例就會相應提高。
若果其他條件不變，小型基金的成本比大型基金為高，因為固定開支要由較少的資產攤分。這是規模較美國基金細小的歐洲基金，管理費一般較高的原因。
指數基金可取
不過，基金收費並非純粹計算開支這麼簡單。晨星基金研究主管特勞森指出，不管基金大小，英國基金的收費一般較美國基金高一倍。縱使市場上基金選擇多不勝數，但大部分基金仍定出同一收費，就是每年1.5%。
愈了解基金的各項「收費陷阱」，愈發覺指數基金的可愛。指數基金管理費低廉，對回報的蠶食較少；相比之下，收費昂貴的基金卻不一定能錄得優於大市的回報。薛恩霍伊指出，市場上有不少名氣大收費高的基金經理，投資者不知道他們是否能繼續跑贏大市，但可以肯定每年要付出高昂的代價。
五花八門不易察覺投資者選擇基金時，一般只着眼基金的投資領域及往績。然而，基金的最終回報亦取決於形形式式的收費。弄清楚各類基金的實際成本，有助投資者更精明地作出選擇。本港基金收費一般有以下幾類：
認購費──部分基金會在投資者作出首次認購時收取認購費，一般相當於投資額3%至6%不等，用以支付基金營運及宣傳等開銷。
管理費──向基金經理或基金公司支付的年費，以支付基金的營運成本。管理費高低不一，有時候視乎基金管理的複雜程度，衍生工具基金收費較高，保本及債券基金則較低。
表現費──若果基金一年內的表現達到特定指標，如基金達正回報、跑贏指數或創新高，基金公司就從基金資產扣除一定份額，作為基金經理的獎勵。
轉換費──投資者轉換同一家銀行或基金公司另一個投資項目的費用，一般為投資額的1%。
贖回費──投資者出售基金的收費，通常年期愈短金額愈高。
並非所有基金都收取上述費用，以坊間的A類及B類基金為例，兩者投資性質完全一樣，但收費卻存在差異。A類基金收取認購費和轉換費，但部分豁免贖回費，較適合「從一而終」的長線投資者。相比之下，B類基金則以「免佣」作招徠，豁免認購費和轉換費，但管理費一般較高，限期前贖回更會收取大額贖回費，較適合經常「換馬」的投資者。
值得注意的是，管理費及表現費等經常性收費，每年由基金公司直接從基金資產淨值中扣除，只反映於基金價格上，投資者不易察覺。
仲有，如果你買嘅係用外幣報價基金，小心佢響匯兌上飛禽大咬，見過有貴銀行成1%都有。幾大都唔好畀港紙佢代你轉。
------------------------

私人傳訊

大力大力

象牙宮

積分: 200621

2025勳章 2025勳章蛇年勳章醒目開學勳章大廚勳章

5^#

發表於 10-5-13 09:28 |只看該作者

原帖由 大B細B 於 10-5-12 23:47 發表
最近開始考慮買基金, 發現收費都不少.....例如每月供1000元, 最高的保險公司行政費及基金管理費, 要共要170左右......, 是不是屬於貴.....還是正常.....

可否給我一點意見.... 投資係巴西, 俄羅斯, 還是環球能源基 ...

給了 "保險基金"的資料給你！！請收 PM 啦！！

還有不要給 Sales 呃，未來十年都是中囫成為經最為注目，巴西，俄羅斯。。。巴西總统是勿水，你去過嗎？你又不是持有幾億身家，我發誓如果我有也不會投資我不熟悉的市場！