自由講場今日: 751|主題: 1331808

收藏本版

發帖

返回列表

跳至頁

查看: 124 | 回覆: 0

公款應用在甚麼地方 [複製鏈接]

side1side

大宅

積分: 2313

1^#

發表於 11-5-21 01:50 |只看該作者 |倒序瀏覽 |打印

今次, 左丁山終於醒了, 而唔係盲目附和!將筆鈴拎出認真扶貧, 助貧, 或,
起多點有質素的公屋, 改善醫療等,
大家條氣都順點.

http://hk.apple.nextmedia.com/template/apple_sub/art_main.php?iss_id=20110520&sec_id=12187389&art_id=15269453

有讀者「一市民」來函，對關愛基金支助學生遊學之事，表示不滿，茲節錄如下：
「社會上實在有更多需要幫助的人，那些 N無人士，那些籠屋居民，為何不被關愛？
學生能出外就是好，中產人士的子女是否必定有機會出外呢？很多中產家庭要應付高樓價，高薪俸稅，每月剩餘已不多，他們對社會有貢獻，但他們的子女因父母負擔太重可能沒有機會出外，不用納稅的子女卻可出外，這是甚麼世界？我支持幫助清貧家庭，政府亂用關愛基金，只會令市民對他們產生負面情緒。」
一市民咁講法，幾代表夾心階層納稅人嘅心情，交稅俾政府而覺得政府亂使寃枉錢，個個都會激氣。左丁山仍然係嗰句，學生能出外一遊就是好，至於資助費用何來，確係唔應該全部用納稅人嘅錢，關愛基金若果籌募唔到私人捐款，理應收檔，勉強啲講，收到捐款十八億，政府頂多動用十八億，超出此限額，就會觸發另外一場辯論，公款應用在甚麼地方，點解唔用於房屋、醫療？政府點解唔支持大學教育，繼續撥款十億做大學捐款配對？點解唔動用款項支持寧養服務等等等？
此晚聽到一位港大放射性治療教授講寧養服務，聽後好感動，呢類服務唔係產嬰賺錢「業務」，長期蝕大本，蝕到醫管局唔願撥款，卒之由私人基金捐款四千萬，以三年為期，先至說服醫管局「配對」四千萬，在十五間公立醫院/中心，提供寧養服務，對象係患上癌症而生命不久之病人。大家都知道癌症分好多種，如果癌細胞不幸已經擴散咗，神醫都冇符，為咗減少、紓緩病人及家人之心理悲傷、哀痛，港大與瑪麗醫院率先推出寧養服務，由社會工作系提供社工支援，後來就擴大到其他醫院。當然呢樣服務不是香港發明的，汕頭大學醫學院團隊早已推行，在內地三十間醫院推行。服務之難處在邊度？ L教授話最難就係說服病人及家人，如何面對現實，願意接受癌病事實。 L教授話：「好多家庭沒有太多餘錢治理阿爸或阿媽嘅長期病患，新一代標靶治癌藥物往往好貴，一個月就要用一萬八千元，一年就係二十一萬六千，經濟上係一個重擔。有啲家庭為咗如何分攤藥費，兄弟姊妹鬧分裂，要社工不斷輔導家人與病人。」 L教授面對如此巨大困難，仍然不慍不火，好平心靜氣咁處理事情，左丁山聽到幾乎眼濕濕。