夫婦情感今日: 0|主題: 42644

收藏本版

發帖

返回列表

跳至頁

查看: 6758 | 回覆: 26

婚前輔導學到的一課 - 結左婚/未結婚都入黎睇下丫 [複製鏈接]

anna_my_baby

珍珠宮

積分: 44373

1^#

發表於 12-4-7 06:21 |只看該作者 |倒序瀏覽 |打印

本帖最後由 anna_my_baby 於 12-4-7 06:24 編輯

已經提自己唔好咁長氣~~

打左好耐啦，比D耐性睇丫，各位唔好意思~~~

同C6拍拖一年佢向我求婚，之後我地就做婚前輔導，當時大家打算透過婚前輔導互相再了解多D，如果唔夾或者了解未夠深就唔結婚住，遲下先。
當時我得21歲，講真自己都未夠了解自己啦，所以好信呢一套，亦謙虛受導師教導。
(我當年傻瓜到C6開口表白果時嚇親，完全唔知佢對我有意思，仲以為係我追緊佢添‧‧‧

)

婚前輔導可以話救左我，令我知道"婚姻"係咩野~
導師話: 婚姻係兩個可以自己獨立滿足自己需要(當然除左性)o既人走埋一齊，先會幸福。如果自己人生/心理有缺失，想係對方身上獲取滿足，咁就大鑊了，因為婚姻不是互相苛索的，乃是互相付出！
講緊o既，包括: 經濟、陪伴、家庭生活等等所有方面。
睇到呢一度，想一想自己有冇埋怨過對方少時間陪自己？(自己又有冇想過點樣比到對方最大心理支援？)
女性們有冇埋怨過男人遲遲未儲夠$買樓？(咁大口氣的同時，自己又係咪有足夠彈藥比首期呢？冇人話磚頭一定要由男人買的)
有冇因為對方唔記得記念日/生日，或者安排得唔好而唔開心呀？
男人有冇埋怨屋企家務女人做得唔好？返到屋企冇飯食？(有冇諗過可以係男人煮比女人食呢？)
女人心裡面有冇覺得C6比家用比得少？C6留咁多錢比自己做乜？有冇覺得男女出街男人比錢是應份？唔比錢就唔要得？有冇諗過/講過:"我咁辛苦為佢生BB/陀BB做乜" (BB唔係為佢生的，是大家的決定同責任。唔好再講呢D說話了，會貶低自己，變左代母！)
‧‧‧‧等等等等
以上只係部份例子，坦白講，我自己都諗到好多自己犯過o既毛病。

當彼此都放低"自己"，放棄所謂"男女之間"、"婚姻之間"應該享受的權益(或所謂權益)。
反而多D諗下自己到底可以比到對方D乜，亦嘗試唔好追求同等回報。關係可能會好好多~
當然需要雙方努力啦，婚前輔導要兩個一齊去先有意思~

以上係我學左之後最深刻、而且受用終身的教導。

另外當中導師都會同我地協調好多實際生活問題，有機會婚前去了解對方期望，同表達自己意見，之後再協調。
例如: 婚後財政安排、家務分配(我記得我話我可以做80%，但C6果20%要由我揀

)、比幾多時間拍拖相處、意見不合時的處理方法、重有非常重要o既一點: 婚後用幾多時間見對方父母、什麼態度對待？同埋期望對方點樣對待自己父母。
**真的超實用！強烈建議就算唔做呢個輔導，都要囉出黎傾下~
有規則的: 對方講緊時不可插咀加意見，到自己講時只可講自己的，然後先回應對方期望~

係BK呢度，成日上婆媳版、夫婦版，負面關係佔80%以上，好想好想可以比D正能量大家~

我同C6第一個BB o既將會係6月出世了~
預產期亦係我地o既結婚4週年喇。

輔導員當年講，結婚第一年同伴侶磨合，有時候慘過落地獄~第二年會開始適應同重新進入蜜月期(佢自己係咁？)~~
但我可能好彩，同C6只有一年愛過一年~我同C6性格可以話完全相反，外人朋友都唔明我地點相處得黎~
但係我地又真係好恩愛喎~~~
衝突一定有啦，但又唔會話嗌交，因為一早Promise過對方，就算嘈交都要記住眼前係自己深愛o既人~唔可以講意氣說話！(例如分手、離婚一定未講過亦唔可以講，我試過本來鬧鬧下，講左句"咁你講晒啦！" 之後比C6話返轉頭，話我講悔氣說話‧‧‧本來件事係佢錯！結果因為我自己講錯野，最後要喊住向佢道歉‧‧‧

)

希望各位結左婚 / 想結婚o既BK FD 可以重新思考下自己同另一半o既相處模式~^^
不停不停不停檢討自己~

0 1 0

輸入搜索內容

私人傳訊

cerealdrink

男爵府

積分: 6322

2^#

發表於 12-4-7 07:54 |只看該作者

回覆：婚前輔導學到的一課 - 結左婚/未結婚都入黎睇下丫

Thanks a lot for sharing
Very often when I argue with husband, the issue itself is not my fault
But I often say negative things n even say divorce...
Thanks for reminding me