溫水3.5杯 = 340g (稍高過體溫即可)乾酵母 1.5大匙= 6g
鹽 1.5 大匙 = 5g
中筋麵粉 6.5杯= 455g
方法 :
1)把所有材料放入有蓋膠盒(容量要夠粉團發大3倍以上),混合至不見粉粒,蓋好。不宜用密氣盒, 太緊,因發酵期間會產生氣體,必須消散)。室溫發酵2個鍾,直至表面膨脹攤平。(而家天氣涼,我放焗爐內會發得好啲)。之後放入雪柜3小時即可使用(存放時間長啲好味啲)。可存放十四天。
2)使用時手及麵團要沾粉,抓起需要份量,用剪/刀弄斷(動作要快,不要扯斷會影響麵團,亦不要揉,以免將麵團中空氣擠出)。如麵團黐,可沾多點粉。將麵團四邊摺向下成圓形/方形。整好麵團放在已撤粉的盆上,蓋上棉布/保鮮紙,靜罝60-90分鐘,麵團會再發大(30分鐘都得,但唔覺麵團發大)。
3)攝氏230度預熱焗爐(同時焗爐下層烤架放烤盆一個,烤麵包用的烤盆放上層同時預熱),麵團表面用界幾條痕(我無界,都OK)。移麵團入焗爐,下面烤盆放一些水。焗20-25分鐘。如用Le Creuset或其他可入焗爐有蓋容器,可不用放水,加蓋即可。最後10分鐘開蓋烤焗,直至表面金黃,出爐麵包放涼,即可切食(我即食好好味)。**呢個方法係要用水氣+熱力焗包。
4)如果繼續造麵團,存麵團容器不用洗,容器內剩下的少許麵團對新一次麵團有幫助。
我今日又整左麵團,聽日可以再焗。