在職全職今日: 0|主題: 48002

收藏本版

發帖

返回列表

跳至頁

查看: 516 | 回覆: 2

[全職媽媽] 想請教要湊兩個小朋友, 無工人, 無鐘點o既全職媽媽.... [複製鏈接]

月兔

大宅

積分: 3679

1^#

發表於 14-6-27 23:49 |只看該作者 |倒序瀏覽 |打印

我兩個小朋友, 一個兩歲半, 一個剛滿月.
想請問o下, 你地湊兩個小朋友
1) 每日o既流程係點o既呢?
2) 可以介紹d方便快捷o既早、午、晚餐比我嗎?
thx!

0 0 0

私人傳訊

bosch

瑪瑙宮

積分: 128504

2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

2^#

發表於 14-6-29 22:06 |只看該作者

本帖最後由 bosch 於 14-7-1 09:10 編輯

月兔發表於 14-6-27 23:49
我兩個小朋友, 一個兩歲半, 一個剛滿月.
想請問o下, 你地湊兩個小朋友
1) 每日o既流程係點o既呢?

呢個時間係比較難有個穩定既時間表. 同埋因為細b 要食好多餐, 所以第一年你真係做到冇停手...

你照番平時既時間表啦, 即係大b 既時間表, 到細b 連d 有生活規律時, 訓晏覺時間可以一樣. 到細b 7-8個月大, 坐得好d 又食得好d 時, 可以齊食晚飯, 咁又會慳到少少時間.

我果陣個時間表大約係咁:
7am 起身, 早餐
11am 午睡
1pm 午餐
3-4pm 午睡
4pm 小食
7l30-8pm 睡

其他野都係睇細b, 睇天氣, 睇家務量做人, 總之以唔改動大b 時間表為主. 家務要化繁為簡, 可以用機器幫手的話就用啦, 好多野唔係多勞就叫好.

我果陣係一次煮兩餐, 夜晚煮多一份第二日煮番熱黎食, 我就求其淥個麵食或者食麵包咋.... 大仔細個時, 我間煮開粉麵, 會煮埋佢果份俾佢食. 我屋企d 人係食西餐為主, 所以朝早午餐食麵包或麥皮, 有時下晝會整pancake, 熱香餅, 麥皮等, 真係要開火認真慢慢煮係夜晚至煮, 咁輕鬆好多.

晚餐要快的話, 可以蒸餸, 蒸蛋, 蒸肉餅, 蒸瘦肉乜都得, 放埋入飯煲一齊蒸就掂, 儘量唔好揀d 要切絲又切粒既餸黎煮, 除非你去買d 切好晒既材料啦... 有時我會放d 醃好既肉粒落d 飯度煮有味飯, 我阿媽以前煮會落埋冬瓜粒. 如果對煮食係有要求, 可以買部廚師機或攪拌機之類既機器幫你將d 食物切碎.

我鍾意煮一鑊過或者要焗既既野, 貪洗少d 野同埋焗野時可以去湊仔, 有時肉醬意粉, 芝士千層麵, 紅酒/珈喱牛腩, 青口等等... 加個沙律, 蒜蓉飽/薯蓉就掂. 煎扒/魚聊配薯仔都得. 我整過朱古力/芝士火煱, 準備時間唔多但俾到家人新鮮感.

間中一日我會整d 碎肉包雲吞, 水餃, 之後逐粒分開攤平放響個碟度, 再成碟放入冰格, 雪好之後用袋裝好再放番入冰格, d 雲吞可以食好耐, 得閒煮野食時加幾粒去煮. 不過香港買野咁方便, 可能去超巿買仲好...