自由講場今日: 222|主題: 1320808

收藏本版

發帖

返回列表

跳至頁

查看: 1360 | 回覆: 37

講故仔之轉髮型 [複製鏈接]

希嫙mama

大宅

積分: 4995

1^#

發表於 14-10-7 03:05 |只看該作者 |倒序瀏覽 |打印

純粹講故，但可以駁(長) 故

某c9 因為覺得曲髮難打理，負離子長直髮又keep 左n 年，唔想再keep 同一髮型，係時候轉換新 style 。

入到髮型屋，坐底想同髮型師傾剪咩髮型好。點知突然走個初級髮型師黎…

初級髮型師：剷底啦

某c9 : 剷底好唔方便喎，紮起咪好怪

初級髮型師 : 咁你又話頭髮厚 ? 二話不說就剷左一行頭髮。

某c9 : 唔係喎。我咪講左支持轉形像，但唔支持剷底喎…

\"喎\"字未完，初級髮型師就剷多幾行。

某c9 : 嘩，你有冇搞錯，我都話左唔支持剷底，你重剷多幾行 ?

初級髮型師 : 你話長髮難吹頭麻，你話曲髮難打理麻，你話負離子做得多想轉形像麻，依家咪幫你剷青羅。

某c9 : 你之前話剷底我都話左唔想，依家重話要剷青 ? 冇錯，我絕對支持換形像，但可唔可以染髮呀 ? 負離曲 ? 短髮得唔得呀 ?

初級髮型師 : 呢d 你做過啦，咪一樣，依家我只係幫你剷青，都冇sell 你焗油，咁都唔支持 ? 你有冇更好提議 ? 冇既你就冇資格出聲。依家我為你好，剷青後慳時間慳洗頭水。你重嘈咩呢 ?

呢個時候，側邊d 髮型師行哂埋黎你一言我一語

A : 又話轉髮型，依家係人地揸剷，你頭髮多，剷都要剷幾日啦，人地好攰架，你只係坐喺櫈度者，頂多去唔到廁所，咁都唔可以包容下?

B : 你重想keep 負離子 ? Out 啦，你有冇諗過你d 仔女見到你咁out 既髮型會點 ? 真係替你d 仔女擔心。

C : 醒覺啦，唔剷青你實生頭蝨呀，到時變 \"辣喱\" 咪一樣。

D : 剷青係唔一定靚架，但唔試過點知者。剷青都係影響好少者，你唔鍾意可以戴帽戴假髮者。嘈咩呢？

E : 人地係初級髮型師，佢代你設計，幫你剷埋，咁都不滿我覺得你好冇良心羅。

F : 佢依家係初級髮型師，將來係專業髮型師，你冇資格say no.

某c9 : 咁你地成班究竟係支持轉髮型，剷青定支持個初級髮型師架 ?

初級髮型師 : 唔好講咁多，總之唔剷哂d 頭髮就唔收手，冇野好同你講。

某c9 : 我講多次，我支持換形像，但唔支持剷青得唔得 ? 同埋喺我個頭度剷喎，我都唔可以say no ? 再加上剷青係非髮 (無頭髮) 造型，我唔想咁喎。

初級髮型師 : 你唔支持剷青即係唔支持轉形像啦，即係你想生蝨啦，你想髮尾開叉啦，你想d 頭髮枯黃啦，你個頭冇架喇。你d 仔女都係跟你同一個髮型，你一世keep 住依家個髮型羅，你冇希望架喇。

就係咁，某c9個頭被初級髮型師强行兼冇咨詢既情況下剷走左幾行頭髮，唔知點解唔支持剷青會變左想生蝨，想開叉，想枯黃。

咁依家應該點收科呢 ?

拎一分先走啦