吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我對住我個fd好忟

心聲留言今日: 5|主題: 17450

收藏本版

發帖

返回列表

跳至頁

查看: 954 | 回覆: 9

我對住我個fd好忟 [複製鏈接]

babychan123

別墅

積分: 996

1^#

發表於 15-4-8 01:37 |只看該作者 |倒序瀏覽 |打印

各位姐妹，我是第一次在呢度post野，不好意思，好長。希望大家可以聽下我發洩，因為我對住我個fd好忟。

背景: 我有2個由中學時已經認識的朋友A同朋友B，由中學拍拖到結婚A(女)的都成日嚴B(男)的無上進心，讀書不叻，不鐘意返工，無前途。由於我好清楚B的性格是咁，在佢2公婆拍拖無耐我已同A講個B不適合佢，佢哋亦都離離合合咁好多次。在之後一次，個A有咗而B不想負責，A問我點算，我同A講:“B根本不想負責任，佢根本不鐘意妳，不如妳諗清楚之後再決定要不要個bb同之後的路要點行。最重要的是不好再同B有來往。” 最後A決定咗不要個bb, 而且乖乖地返返B身邊。我那次都好惱，因為覺得A好不自愛，點解佢要做到自己咁cheap, 惱到差不多成半年無同A聯絡。之後A打俾我同我講佢同B就快結婚，我覺得好奇怪，但佢哋都結婚，應該要恭喜佢，做佢姐妹。但佢婚期好急，最後發現原來A又有咗，由於不可以短期內再墮胎，A又吵又鬧，B屈服咗先同佢結。

我一向都知B的媽咪是不鐘意A，所以AB結婚得不到B家認同，但由於B家都叫大家庭，B媽咪就話只會幫B俾結婚酒席，其他佢兩個咁大個人要自己攪点，其他細節我不知，只知由於B不想出錢，結婚的錢差不多A俾曬，同在結婚那日B的媽咪是無俾過龍鳳鐲A，A好不開心，好似貼咗大床咁嫁俾B。其實A嫁得好不好，我做朋友關心下咪算，但之後發生咗以下2個事件令我對A好失望。。

事件一: 由於我婚期在A之後半年左右，所以A會拿我的婚禮同佢比較eg酒席圍數，金手鐲多少，禮金幾多，婚後住邊。。白痴的我，除咗禮金外，其他都如實咁同A講咗。就在打後的新年拜年，我同老公去咗AB屋企拜年，A就在屋企個廳度問我同奶奶相處好不好。婚後金器是咪放銀行。。咁我都話普通, 無咪特別之類。那時都以為無咩，在那晚的facebook就見到B開咗個post話有個八婆去咗佢屋企拜年，講三講四破壞人哋家庭幸福。。那人當然是我啦，但B又無指明道姓話是我，我只有當自己時運高睇不到，但事實是我惱到氣吉。。

事件二: 在事件一後，我決定不理A在我面前再講d咩，我都只會hea回佢，佢仲成日打俾我呻B無用，又話自己不識帶眼識人，而家好後悔結咗婚，無得返轉頭。。我只有同佢講無法喎，老公是自己選，做咗人媽媽你仲可以點，不如努力d賺錢將來留俾B好過，如果真是打算離婚，就做好避孕，不好再生住，等將來B生性d再諗之後條路點行。。最近的消息是A又有咗，而理由是: 多個bb，佢又遲咗份工，用4人家庭名義會易d申請公屋，我知佢屋企其實經濟不是咁好，佢就答我如果不夠錢養就揾政府幫手俾。。我真是俾佢激到bea一聲，同對住佢我真是好忟。。

0 0 0

私人傳訊

Mlingluang

大宅

積分: 1530

2^#

發表於 15-4-8 07:32 |只看該作者

回覆：我對住我個fd好忟

唔好意思，恕我直言，其實你同A差唔多……明知對方有問題而繼續同對方來往，A明知B甘多問題都要貼錢嫁俾佢，結果搞到自己甘惨！！而你明知A係唔會聽你劝，你還一次又一次教人地甘樣那樣做……又或者明知B唱衰你，你依然選擇插手理佢地既家事，同佢地扯上關係，我覺得係枉做好人，自討苦吃，同唔同佢做朋友，你自己完全可以話事，點解搞到自己甘忟……

私人傳訊

germainehui

男爵府

積分: 7326

3^#

發表於 15-4-8 07:59 |只看該作者

引用：各位姐妹，我是第一次在呢度post野，不好意

原帖由 babychan123 於 15-04-08 發表
各位姐妹，我是第一次在呢度post野，不好意思，好長。希望大家可以聽下我發洩，因為我對住我個fd好忟。

背 ...

樓主唔好咁忟啦，其實你已經盡著朋友的責任，既然A自己選擇著條路點行，由佢囉，以後佢再同你呻，你就當聽下咩算了，不要再俾任何意見。

私人傳訊

babychan123

別墅

積分: 996

4^#

發表於 15-4-8 08:27 |只看該作者

回覆：Mlingluang 的帖子

是啊，我都覺得自己是自討苦吃。其實在之前講極A不聽，我已經同A無咩聯絡，但十幾年朋友，佢在結婚時揾我幫手，一時心軟，我都無諗過會發生事件一。而在事件一後，我明白自已做咗傻女，已經想同佢反面，但那時又開始感覺到佢的情緒好似不是咁好，又大緊肚，我怕佢無地方呻最後諗不開x咗，我諗那是人命，如果有咩事，我怕我會一世不安落，所以先一路頂住。。其實我只是想上來呻+發洩下。。希望佢之後可以慢慢放開。。而我又可以功成身退。