本帖最後由 圍棋教練 於 15-11-8 12:18 編輯
各位家長好，我係第一日加入親子王國。
有關本港及海外圍棋界小弟略懂一二，相信親子王國從未有人好似我咁可以為各位家長解答所有有關圍棋疑問。日後有關圍棋問題我都會盡量為各位家長解答。
就本貼提問到"邊到學圍棋好呀？最好係沙田,馬鞍山，大圍"
小弟可用我所有限知道的同各位家長分享一下。
同上面個幾位家長回答一樣，沙田區主要有3間棋院，妙x圍棋院在第一城，另外兩間是中國x港棋院的沙田禾輋分院及馬鞍山中心分院。
我同呢兩間棋院都曾有密切的關係。
我曾經係妙x圍棋院學棋3年，我敢講香港公開賽最強個班有大半是出自妙x圍棋院，包括兩位香港冠軍，而我都係香港代表隊，5段水平。妙x圍棋院師資好好，院長有豐富教學經驗，教出很多很多拎獎的學生。總教練是韓國7段，曾擊敗很多職業棋手，還有其他老師包括香港冠軍，歐洲女子冠軍等強勁師資( 以前都是妙手學生)。
另一間中國x港棋院，一共5間分院(以前最多6間，中環已結業)，除左圍棋重會有象棋，國際象棋。象棋師資強大，多位冠軍級甲組大師都是該棋院導師，國際象棋學生唔多，老師也只有幾個。最後就係圍棋，師資有兩位職業棋手，其中一位是我老師，以前正正就係係妙x圍棋院的總教練，後來三顧草廬高薪聛請過檔，另一位是他太太。其他老師主要分為全職和兼職，由於呢間棋院導師薪金低，分配教班時經常出已問題，所以全職導師流失量很高，4年前導師平均水平是3段，現在只餘自稱3段但可能只有1段的老師，其他兼職老師約最高約3-4段(3名)。咁多學生又請唔到導師，所以就叫其他象棋及國象老師學圍槓教埋圍棋，重有請來所謂"幼兒導師"但完全無相關幼兒經驗又不懂圍棋的姐姐及姨姨來教，師資嚴重出現問題。
非常非常簡單的例子，不論你是什麼級數，只要出到出面一些大型公開賽事(不是院內賽)，每一個組別頭8名得獎學生有多少是中國x港棋院的學生，有幾多是其他學院學生？中國x港棋院的得獎數目少得可憐... 是中國x港棋院的學生特別蠢嗎？絕對不是，而是教學問題，各位家長可以自行思考下。點解人地棋院可以拎咁多獎擺哂係網頁到？點解中國x港棋院無乜... 因為佢地係一間非常商業的棋院，較少著重質數，只會著重質量的棋院。點解我又會知？因為我正正係呢間棋院做過一段日子的全職老師。
我相信這樣的回復解答到不少的家長。
香港圍棋代表隊，於香港圍棋界打滾13年，教學經驗7年以上。
保證任何有關香港及海外圍棋疑問都必能解答。
發表於 
返回列表
