Baby Kingdom - 親子王國 香港 討論區 › 首頁 › 懷孕前後› 有無人係東區催生?

懷孕前後

收藏本版
發帖
返回列表
跳至頁
有無人係東區催生? [複製鏈接]

首頁
1

尾頁
   0
babyyanyanpig


大宅

積分: 2028


1#
發表於 18-6-27 18:08 |只看該作者
BB仍未有動靜出來,過左期,約了催生, 我的BB,38周去私家,有成3.4KG,依家佢好似仲未落盤骨,我好驚生佢唔出,分分鐘要食全餐 我已經成日散步,到依家,仲有什麼可以做?
我問東區醫生,佢話都要試生產, 最後約左期催生,今日同之前見果D醫生果果都好後生,好似剛剛畢業,如果由地開刀,我都好驚呀..........

生仔真係好茅盾,又好想BB出來,但又好驚.

有沒有媽媽係東區生產/催生,可以分享一下? 係咪紅色假期生仔,無得要求無痛,不過, 醫生/姑娘都好似唔鼓勵用無痛...謝謝
私人傳訊

claudiabb


別墅

積分: 713


2#
發表於 18-6-27 23:19 |只看該作者
babyyanyanpig 發表於 18-6-27 18:08
BB仍未有動靜出來,過左期,約了催生, 我的BB,38周去私家,有成3.4KG,依家佢好似仲未落盤骨,我好驚生佢唔出,分 ...

本帖最後由 claudiabb 於 18-6-27 23:20 編輯

我上胎喺東區催生，不過係唔好嘅經歷
塞咗3日藥宮頸都未軟，但唔可以再塞第4日，所以第4日就落咗產房人手穿水 再吊催生藥，開始陣痛，每隔4個鐘醫生會嚟check下有無開度數，每個鐘比上個鐘痛，我陣痛咗12個鐘，最終係一度都無開 ，跟住就推咗去開刀，不過好彩係我覺得傷口埋得好好

不過。。。真係睇人，我隔離床塞咗一日藥就搞掂
，但真係要有心理準備政府醫院就係要你試到最後一刻。。預祝你順利搞掂唔使捱完痛再捱刀
私人傳訊

dadamama0615


大宅

積分: 1346


3#
發表於 18-7-2 11:36 |只看該作者
babyyanyanpig 發表於 18-6-27 18:08
BB仍未有動靜出來,過左期,約了催生, 我的BB,38周去私家,有成3.4KG,依家佢好似仲未落盤骨,我好驚生佢唔出,分 ...

我好似係塞左兩日藥 第二日個e生黎話琴日塞得吾夠入 所以要再塞 第三日落產房吊藥穿水 9點入產房 打豆 換三 駁機 問一大輪野 但我訓係到屙吾到尿 所以要插尿喉 到1點開1度 冇乜感覺 到4點幾5點特然好痛 原來已經7度 因為途中我訓左所以冇黎睇我開幾度 到8點半呀仔就出黎了
私人傳訊

EstrellaDamm


水晶宮

積分: 55361


4#
發表於 18-7-2 16:20 |只看該作者
本帖最後由 EstrellaDamm 於 18-7-2 16:23 編輯
babyyanyanpig 發表於 18-6-27 18:08
BB仍未有動靜出來,過左期,約了催生, 我的BB,38周去私家,有成3.4KG,依家佢好似仲未落盤骨,我好驚生佢唔出,分 ...

我三年前東區催生，無咩問題，塞藥一次第二日就可以落產房吊藥，不過人人對藥反應唔同，話唔埋，亦唔關醫院事。我第二胎都喺嗰度生不過唔使催生，兩次嘅醫生同助產士都好好。我冇要求無痛，所以唔知有幾難要求。

私人傳訊

紫薯NaNa


大宅

積分: 1361


5#
發表於 18-7-6 11:41 |只看該作者
我都係東區催生
但我係39週1 催生的, 當日已檢查左宮頸已成熟, 所以沒有塞藥
12點在產房打針, 吊水, 跟住人手穿水, 跟住助產士話4小時後會有醫生黎檢查睇下去到咩情度! 此時都係等待
但去到4點時左右開始超大痛, 但個時已經開到大約6-7度.....但都係KEEP住幾分鐘一次大陣痛.....
直到大約6點幾7點時....已經開到8-9度.....7點幾時已經開到十度....已經可以試生了.....
好彩不用食全餐....生產時間都尚算快...亦都唔係痛好耐...感恩!

**祝你生產順利 ^^
私人傳訊

babyyanyanpig


大宅

積分: 2028


6#
發表於 18-7-24 09:47 |只看該作者
多謝各位的回應,我已經生左啦. 以下分享下我的生產經過.
話說嗰日係28號晏晝去東區醫院複診睇醫生，排期7月1號催生，嗰日嘅心情都唔係咁好，因為想自然生，驚催生好痛。去到半夜三點鐘，突然間覺得下面濕濕地，就去廁所睇下，發現有一大Pat水同埋血，就懷疑穿咗水，因為穿水怕有細菌感染，所以就立即去東區醫院，比醫生檢查後，都話係穿咗水，姑娘同醫生都建議嗰日朝頭早催生，咁就催啦，九點鐘左右就入到去手產房，一入門口聽到有個先生話BB缺氧，之後入到產房就係有另一個女人喺度生緊，佢嗰種絕望同好痛嘅聲音令到我好驚，之後我嘅心跳就加速。後來就等我老公嚟，我有開始打催生藥，嗰時係九點鐘左右，有一位姑娘話頭四個鐘係唔會開到數嘅，之後四個鐘呢就開到一至兩度，之後呢就每一個鐘開一度。咁我就等頭四個鐘，又真係一到都冇開，而痛楚都係可以引述得忍受得到開一度。咁我就等頭四個鐘，又真係一度都冇開，如是者又過咗四個鐘，護士檢查，竟然一道都冇開，只係子宮頸鬆咗，鎮痛開始痛，不過仲可以用呼吸去控制。東區醫院嘅護士助產士都好好,不停咁去鼓勵我，但係八個鐘一到都冇開，我真係有啲失望，亦都覺得生仔係好漫長，好似有啲悶，之後五點至七點左右，痛楚難耐就開始嚟啦，都仲可以忍受，用呼吸去控制，不過開始已經覺得好痛，之後我話要打無痛分娩，好似都要等左一個鐘，喺等待無痛分娩嘅時候，我問姑娘攞咗笑氣，給第一啖，只係覺得好臭，減痛都冇乜幫助，呢個時間真係好辛苦，每一次鎮痛都想扻頭埋牆，或者直接叫醫生幫我開刀，如果去到九點鐘，佢開得一度，我諗我真係頂唔住啦，真係想死，如是者又過咗兩個鐘，打咗無痛分娩，都好似冇乜減痛，可能減咗一至兩成，姑娘話BB頭仔落緊去，嗰個痛係減唔到嘅，只係可以減上腹同埋隻腳冇知覺，我兩個鐘真係生不如死，如果可以真係好想直接開到或者撒種，去到九點鐘，醫生嚟咗，佢話見我咁痛，所以幫我檢查度數，我話我要加藥，一檢查，發現原來開咗八度，我要再等多兩個鐘再才可以檢查，嗰時都真係已經好痛好痛好痛，終於等到11點鐘，醫生再嚟檢查，話已經開到10度，話要等多一個鐘，等啲藥過咗先，嗰刻，我真係已經痛到唔可以再等，我話我一定要生，佢哋就比我試生，好彩有用到力，佢哋就比我開始生，我聽到姑娘嘅指示，佢叫我用力，我就用力，佢叫我唔好叫出聲，我就忍住賭氣用力生， BB終於係18分鐘之後出左世，
之後好彩有無痛分娩，所以剪陰道，連線都唔痛。我要高度讚揚東區醫院嘅助產士，係我生產過程入面，佢哋不停比正面嘅鼓勵，亦都非常非常非常之專業，如果你要求無痛分娩，佢哋都有二十四小時，不過亦都視乎麻醉科醫生得唔得閑，我可能打嘅係低劑量同埋太遲打，所以，都仍然覺得好痛。打完之後，第二日我有一隻腳知覺未完全返嚟，嗰時都有啲擔心，不過依家已經恢復啦，好彩副作用冇係我身上發生，真係咁因生產過程都算一切順利。
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見