懷孕前後 今日: 0 | 主題: 330202

積分: 8171

2^#

發表於 18-7-13 18:57 |只看該作者

回覆樓主

（續上文）

9:30pm 真係可以稱得上為「陣痛」嘅痛終於開始嘞，吸下吸下笑氣，都唔難捱，痛同痛之間都仲可以繼續whatsapp閒話家常。

（成日都聽人講話催生痛d，但原來又唔係，記憶中上次自然作動好似辛苦d喎）

9:50pm 好友善嘅姑娘黎幫我check度數，話開咗5度。（仁安嘅助產姑娘好有正能量，check度數都話「好叻喎開咗xx喇喎」，保持士氣）

10:00pm 再check已開6度，推我入產房喇，準備開波

10:10pm 開8度（又會快成咁），主診醫生同兒科醫生都已經入晒黎，連埋老公同助產姑娘，好熱鬧。醫生話第三胎有8度已經可以試push。覆埋個whatsapp將部手機掉比老公，開始專心試屙。試咗幾次，唔知點解今次好似咁鬼難，感覺阿b個頭好似kick住起額頭個位屙唔出咁，個出口好似撐到就黎爆，攞命。最後費盡九牛二虎之力，起三把男人聲加一把女人聲嘅熱烈鼓勵之下終於成功（冇諗到企起隔離客串嘅兒科醫生都會咁落力一齊打氣助產喎

），一團暖暖嘅嘢滑咗出黎。計番今次陣痛一個鐘左右就生咗，都算係抵玩喇。同埋生到第三胎，今次先終於第一次唔洗剪會陰，但都爆咗小小，有傷口。

10:30pm bb出世，7磅半。兒科醫生即刻接手幫阿b起勢咁吸個口，確保無污糟胎水吸咗入肺。搞完就擺返阿b過黎比我兩公婆影合照，擾攘一輪影完晒送走兒科醫生同阿b去育嬰室，就終於黎到我嘅戲肉：屙胎盤。

（待續）

私人傳訊

積分: 8171

3^#

發表於 18-7-13 19:01 |只看該作者

回覆樓主

（續）

話說胎盤呢單嘢我已經有前科。上一胎又係生b生得好快好順利，但之後個胎盤痴住，要醫生用手撩鬆佢先出到黎，痛到宇宙大爆炸，但都叫做成功起產房度搞掂晒成件事。
點知今次，仲衰過上次，撩都撩唔鬆。醫生話痴得好實同埋位置好高，決定要call麻醉科醫生黎，運我落手術室慢慢整，進行一個「manual removal of placenta」嘅小手術。簡單黎講就係迷暈咗我之後伸手入去子宮撈番個胎盤出黎。（唉）

11:30pm 搞咗一大輪簽吓同意書呀過床呀咁由三樓嘅產房運送咗我落地下嘅手術室。期間個肚一路都係痛，好似個b仲未生出黎咁，又流到一床都係血好似兇案現場。呢段等候時間仲難捱過之前陣痛開度數。

11:40pm 入咗手術室終於等到麻醉科黎，解析咗一堆嘢，話會麻醉我等我訓一覺。然後感覺有隻手按住我喉嚨（因為我入院前食咗大餐，怕我嘔），然後我就訓著咗，發咗d唔記得係咩嘅夢。訓得好舒服之際左邊耳突然響起把男聲，叫我深呼吸、深呼吸、試下伸條脷出黎.. 我打開眼望下牆上面個鐘，過咗大概廿分鐘左右。個肚已經完全舒服晒唔再痛。高醫生話已經搞掂晒，胎盤已經拎咗出黎乾淨晒，同埋趁我迷暈中順便聯埋會陰傷口嘅幾針（咁個麻醉都叫做抵番小小

）。

12:15am 終於終於完成晒可以返上病房抖嘞。

本來由穿水到生B都只係三個鐘，點知因為個胎盤又搞多兩個鐘，仲冇咗好多血添。醫生本來十點半收得工最後搞到十二點幾。慶幸今次整個過程都有驚無險，bb同我起醫院被呵護備至照顧下訓夠三晚後順利一齊出院。

私人傳訊

積分: 8171

4^#

發表於 18-7-13 19:03 |只看該作者

回覆樓主

（續）

第三胎光速嘅催生記起有少許波折下就係咁完成。在此感謝高錦安醫生、兒科陳樹仁醫生，親切友善、專業細心，同埋仁安嘅助產團隊同育嬰室嘅團隊，每一個都充滿正能量同愛心，令我產前產後過程都好愉快。三次起仁安順產，三次都係好好嘅經歷，間醫院係連清潔嬸嬸都nice過人，幾乎無可挑剔。

大讚。

（全文完，多謝捧場）

私人傳訊

積分: 1955

5^#

發表於 18-7-13 19:23 |只看該作者

回覆樓主

寫得好詳細，謝謝樓主分享阿！我想問問你後期幾W開始清胎毒？另外芝麻糊幾時開始食比較好？同埋順產會唔會大力到連屎一起屙出來㗎

私人傳訊

mimi26

子爵府

積分: 11716

6^#

發表於 18-7-13 19:24 |只看該作者

回覆樓主

謝謝分享我下星期頭都去仁安開刀啦希望一樣順利啦

私人傳訊

積分: 8171

7^#

發表於 18-7-13 19:43 |只看該作者

BabyCiu 發表於 18-7-13 19:23
寫得好詳細，謝謝樓主分享阿！我想問問你後期幾W開始清胎毒？另外芝麻糊幾時開始食比較好？同埋順產會唔會 ...

我懶到死，差唔多38週先食咗次白蓮蘇，到41w我諗食咗四次左右！芝麻糊我都無食添，不過好似都係38w打後。
至於屙屎呢單嘢我之前都concern過，但生咗三次都係無發生過嘅

好在。其實你臨作動之前，身體其實都有小小signal會促進你屙清d屎，我記得我第一胎作動之前果日足足屙咗三次。有根據架，可以google下

私人傳訊

積分: 8171

8^#

發表於 18-7-13 19:44 |只看該作者

mimi26 發表於 18-7-13 19:24
謝謝分享我下星期頭都去仁安開刀啦希望一樣順利啦

一定會順利，放心吖

就怕你到時唔捨得出院咋

私人傳訊

積分: 1955

9^#

發表於 18-7-13 19:47 |只看該作者

改造人發表於 18-7-13 19:43
我懶到死，差唔多38週先食咗次白蓮蘇，到41w我諗食咗四次左右！芝麻糊我都無食添，不過好似都係38w打後。
...

Hha

唔會屙埋屎出黎都好D，費時到時好樣衰咁

私人傳訊

積分: 8171

10^#

發表於 18-7-13 20:14 |只看該作者

BabyCiu 發表於 18-7-13 19:47
Hha唔會屙埋屎出黎都好D，費時到時好樣衰咁

你唯有同定自己講，就算真係屙咗，佢地醫護都見怪不怪，同埋會光速幫你清理毀滅證據，分分鐘連你自己都唔知

（所以我係有問我老公，佢證實真係見唔到有屎我先放心

）

私人傳訊

bbbchoco

積分: 8291

11^#

發表於 18-7-13 20:14 |只看該作者

回覆樓主:

陳樹仁真系好好,好细心ga. 不過冇唸过原來仲会為媽媽打氣,真窩心

仁安真系好好

私人傳訊

積分: 1955

12^#

發表於 18-7-13 20:22 |只看該作者

改造人發表於 18-7-13 20:14
你唯有同定自己講，就算真係屙咗，佢地醫護都見怪不怪，同埋會光速幫你清理毀滅證據，分分鐘連你自己都唔 ...

不過就算真係要屙都無計阿，到時要用力真係顧及唔到咁多

私人傳訊

積分: 1955

13^#

發表於 18-7-13 20:35 |只看該作者

改造人發表於 18-7-13 20:14
你唯有同定自己講，就算真係屙咗，佢地醫護都見怪不怪，同埋會光速幫你清理毀滅證據，分分鐘連你自己都唔 ...

聽講太早聞笑氣會唔夠力生B，其實係咪真㗎？

私人傳訊

積分: 8171

14^#

發表於 18-7-13 20:36 |只看該作者

bbbchoco 發表於 18-7-13 20:14
陳樹仁真系好好,好细心ga. 不過冇唸过原來仲会為媽媽打氣,真窩心
仁安真系好好
...

係呀我都覺得佢真係好好呀！又nice又熱情得黎又好令你放心。試過三個仁安兒科係佢最好，好後悔之前兩胎冇搵到佢，相逢恨晚呀

我都諗住佢係企起旁邊齋等個b出咗黎就做自己嘢，冇諗到我生緊時聽到有第三把男人聲起度嗌

好窩心

私人傳訊

積分: 8171

15^#

發表於 18-7-13 21:16 |只看該作者

BabyCiu 發表於 18-7-13 20:35
聽講太早聞笑氣會唔夠力生B，其實係咪真㗎？

我自己覺得又應該唔會，因為笑氣嘅功效其實係好即時性，即係你一吸入去果下即時分散到d痛意，但一停吸拎開個罩已經即刻回復正常，即刻消散，所以覺得應該吸幾耐都無乜分別。（不過又咁，我未試過吸耐過一個鐘頭）

私人傳訊

積分: 1955

16^#

發表於 18-7-13 21:36 |只看該作者

改造人發表於 18-7-13 21:16
我自己覺得又應該唔會，因為笑氣嘅功效其實係好即時性，即係你一吸入去果下即時分散到d痛意，但一停吸拎開 ...

謝謝分享

私人傳訊

積分: 8171

17^#

發表於 18-7-14 15:55 |只看該作者

BabyCiu 發表於 18-7-13 21:36
謝謝分享

你都即將會去私家順產？

私人傳訊