Baby Kingdom - 親子王國 香港 討論區 › 首頁 › 自由講場› 求救! PCCW 追我數

自由講場

收藏本版
發帖
返回列表
跳至頁
求救! PCCW 追我數 [複製鏈接]

首頁
12

尾頁
   0
misslee


子爵府

積分: 10015


1#
發表於 08-12-22 23:45 |只看該作者
長話短說:

16/3/2007 join 了PCCW的"視察易"服務,
並簽了18個月合約.

7/2008 PCCW 客戶服務人員聯絡我們, 問我們續不續約.
我們見新合約沒有太大優惠, 所以拒絕了,
並請他們在合約到期時取消此項服務.

9/2008 我們收到PCCW的帳單, 要我們交$1000多元,
老公打電話去問,
他們說我們在7/2008接受了"視察易"服務的新合約,
又在同一時間說取消了合約.
由於提早終止合約, 所以要交$1000多元.
可是他們卻不能提供新合約副本及電話錄音.
客戶服務說是他們系統出錯, 我們不用繳費.

11/2008 再一次收到PCCW發出的追款單.
2個月前不是已搞掂好嗎? 現在又說我們仍未交此欠款?
老公再打電話去問, 可是找不到一個"人"來接聽.

22/12/2008 晚上收到一個電話, 問我是不是李XX,
我說是. 她說我欠PCCW$1200多元欠款.
我說不是我的問題, 所以不會繳交這筆欠款.
他說不理會我是誰對誰錯, 總之他負責追收我的欠款.
原來PCCW已將我的個人資料給了追數公司.
我再強調這不是欠款, 請他查清楚.
結果他以極差及帶有恐嚇成份的說話說:
"你洗唔洗我搵同事上來你屋企同你當面對質呀?
你住XXXXX樓X室呀!"
我立即大大聲叫老公聽電話, 說有人恐嚇我們.
老公叫我抄低他的公司名稱和那人的姓名.
他說是"寶信債權XX公司".
老公問他商業牌照號碼, 那人大大聲說:
"你做野都唔會記住自己公司的牌照號碼啦!"
我老公即晚再打去PCCW, 同樣沒有人接.
要打去申請熱線, 才找到一個人, 再叫他接去客戶服務.
現在事實仍未解決, 請大家教我應如何做呀?
私人傳訊

chaaa


別墅

積分: 539


2#
發表於 08-12-22 23:56 |只看該作者
you should complaint to consumer council ....
BTW, I dont think they will really go to your home, even if they do, they can only come and do nothing

but really scary about their "service"
私人傳訊

sonic04


水晶宮

積分: 51912

至尊種植勳章 好媽媽勳章 醒目開學勳章 2011至尊種植勳章 畀面勳章 環保接龍勳章 爸B勳章


3#
發表於 08-12-22 23:59 |只看該作者
我覺得有必要報警
不要問國家能為你們做些甚麼，要問你們能為國家做些甚麼。Ask not what your country can do for you, ask what you can do for your country.
私人傳訊

ka_hei


大宅

積分: 4848


4#
發表於 08-12-23 00:03 |只看該作者
我會去找區議員幫手，之後找報章洋開整件事，一.你係冇簽任何合約、二.它又話搵唔到錄音即係冇證據，三、佢找外判公司收數已經有問題，我會去警署被案，通常你用頭兩方法，佢之後一之打比你，話唔洗還，只要道理在係你到，就唔洗怕。

私人傳訊

lancelui


大宅

積分: 4418


5#
發表於 08-12-23 00:07 |只看該作者
唔好理佢,
直接同pccw聯絡,
無論如何都唔可以比錢.
收數佬方面就同佢講已同pccw傾緊,
佢一定叫你叫pccw通知佢,
佢先會停止行動.
如果你話pccw都承認有錯,
你就叫佢盡快通知收數唔好再攪事..
如果可以既每一次同pccw既對話都自己作一次錄音.
我都同pccw有好大既麻煩,
都係pccw出錯.
足足攪咗3個月有多,
簡直就係一次長期抗爭!!
至今都仲未正式sattle.
你都千萬不要怕麻煩.
堅持呀!!!

原文章由 misslee 於 08-12-22 23:45 發表
長話短說:

16/3/2007 join 了PCCW的"視察易"服務,
並簽了18個月合約.

7/2008 PCCW 客戶服務人員聯絡我們, 問我們續不續約.
我們見新合約沒有太大優惠, 所以拒絕了,
並請他們在合約到期時取消此項服務.

9/2008 ...
私人傳訊

j0


大宅

積分: 1213


6#
發表於 08-12-23 00:11 |只看該作者
收數公司係唔可以上門o架！好似話打電話亦有監管，如果下次佢再打黎，你錄低佢音，佢咁同你講，可以向有關方面投訴，係咩部門我就唔係好記得，等我聽日問下人先！或者你上網搵下先！
私人傳訊

mingmanchan


大宅

積分: 3729


7#
發表於 08-12-23 00:25 |只看該作者
我都有同樣問題,幾個月都解決唔到，
30/6巳經轉了台,4月尾提早自己又申請停用pccw,
香港寬頻又幫我申請cut,雙重兼提早申請,
至到8月pccw都照寄單要收電話費,
打去又冇人聽,終於有人聽又話幫我跟番,
3番4次始終無法解決,
又收數信又粗口電話,激死我啦！
究竟可以點做呢！
啱啱又比一輪粗口問候嗱,救命呀！
私人傳訊

lovemacy


複式洋房

積分: 225


8#
發表於 08-12-23 02:31 |只看該作者
pccw成日都係咁架~
我之前裝"now"電視都係架~
成日加加埋埋0的費用~
之後打上去又話唔洗交~
但係又要追~
我果陣就日日打上去嘈囉~
之後都唔洗交~
@__@  華華豬媽  ^__^
私人傳訊

virgokaren


伯爵府

積分: 18694

牛年勳章


9#
發表於 08-12-23 03:38 |只看該作者
這情況我遇過，不過唔係PCCW，係
Sunday，款項只是百多元，原本係一場誤會，但也是Sunday職員的失誤，當時他們也是交左佢去財務公司，記憶中也好像是"寶信債權XX公司"(not sure)。

當時該財務公司打來追數，我只是問了一句：
到底這$190是什麼欠款？
那間財務公司職員即時用粗口罵我及恐嚇我，我當場就火起，問她是那一間公司，她又不回答........

詳情我不寫了，因對你不重要！

第二日我寫了一封投訴信給電訊管理局，副本送去Sunday 顧客服務部，寫晒所有起因和該財務公司職員的所有對話。

不久，Sunday 顧客服務部有人同我聯絡，最後我得到他們的書面道歉，也得知該財務公司的名稱和職員姓名。

樓主，如果你沒應允過續約，你應該立即和
PCCW CS 聯絡(寫信，fax過去)，不要理那間財務公司的任何人，他們都是粗人，靠嚇的！

你要求番查錄音(x月x日說系統出錯，不用付錢那個)，和叫他們通知財務公司不要騷擾你。

未查清楚前，不要付錢。

以上建議，希望幫到你！

[ 本文章最後由 virgokaren 於 08-12-23 03:43 編輯 ]
私人傳訊

梓軒媽咪


侯爵府

積分: 23569

好媽媽勳章 醒目開學勳章 畀面勳章 環保接龍勳章


10#
發表於 08-12-23 03:47 |只看該作者
我都試過一次~
依件事攪左我成年!
第一,你要同果間追數公司講條數有問題,要問清楚!(多數你咁講佢會比時間你去攪.)記得問返果個人姓咩,當你問左pccw再打上去同佢講返.
第二,打去pccw話有人追數.想知道發生咩事.同埋叫追數公司唔好再打比你.(記得同pccw講你依家錄緊音等佢無咁串.當然你真係要錄音啦.)
如果佢打死都唔認,你就同佢講要聽返之前續約的錄音.如果你真係無續約佢一定會堅持!(佢唔會即時覆你,多數要等幾日.如果無音訊你再call pccw)

如果咁做先停止追數公司0既無聊電話!再慢慢攪條數.
你記得追緊d pccw,如果佢成日都帶你遊花園,xyz都要出埋唔好比面佢.佢地知道你錄音一定會好好招呼你.
希望幫到你.我之前比佢追成3千幾....之後我見佢地唔覆我就cut左上網,等收到收費通知再打上產佢.
用pccw記得要睇單,佢地成日收多錢
人就是如此!喜歡隨著環境轉變.是對是錯,當下覺得好玩就不顧後果!做了媽媽時常會大罵孩子的好奇.好勝心.但做媽媽的會否反醒自己也不是如此!
私人傳訊

misslee


子爵府

積分: 10015


11#
發表於 08-12-23 09:37 |只看該作者
看過大家的的經歷後, 真的覺得PCCW的經營手法有問題.

第一, 自編自導說我們簽了新合約, 又說我們cut了合約.

第二, 我們收到帳單時, 已第一時間打電話問清楚,
當時PCCW的CS都說會替我們搞掂,
之後又收到第二次帳單. 咁CS究竟搞過D乜呀?

第三, 二話不說就將我的個人資料給追數公司,
究竟這算不算是洩露我的私隱呢?

我咁大個女都未被人追過數, 真的不知那些人會怎樣做.
單憑昨晚那個追數電話, 我真的感到受恐嚇和威脅.
家人有小朋友, 大人又要返工, 實在十分擔心.
昨晚我老公用了整晚時間跟PCCW的CS理論.
搵了個潘先生(他說他是很高級, 是CS的甚麼分區經理),
他對我說可以保證追數公司不會再騷擾我們,
我問他是否向追數公司取消是次的追數, 他竟說還未.
我問他是否很高級, 他對我說是.
我立即說你是否高級到我家遇到任何意外, 你都可以負責?
他即時沒有出聲.
雖然現在看大家的留言, 都知追數公司暫時都不會行動.
但當時我真的很驚, 又有點火滾, 更擔心小朋友的安全.
潘先生更說會追查7月至今我們的電話對話及文件,
看看是否公司有職員搞錯文件等.
我再一次火滾, 上次你們不是已查好了嗎?
為何現在又要再查過呀?
我直接問他這是不是PCCW對待不肯續約客戶的方法?
務求為難客戶, 令他們不敢不續約呀? 他當然說不是啦!

看過大家的經歷, PCCW的錯不只是一次半次.
我真懷疑咁大間上市公司是如何運作的?
我們次次睇單, 追了又追, 都未搞好這筆數.
我相信香港還有一些人是不睇單據, 又或者用自動轉帳.
大家真的要小心這間公司呀!
私人傳訊

kerobobo


大宅

積分: 3569


12#
發表於 08-12-23 09:56 |只看該作者
我n年前係公司試過一次,不過係第2間電訊公司,佢上門叫我簽收一張打idd價錢表,我on車車級左公司圓印,之後收到佢地既單,收幾千銀,原來張單下面有d好細既字係同意join佢地個plan,我當時都怪自己唔睇清楚,但個職員都有誤導,打去同佢地講都唔理,之後第2個月再收到張單,好驚,第2間x記個職員教我去電訊管理局投訴,話佢地最驚投訴得多影響發牌,我咪打去電訊局照講,但佢地都唔受理.後尾我地同果間idd公司講我地去左電訊局投訊,佢先同我地取消張單.
同埋我成日睇1仔,d人一上去投訴都攪得店wor.
私人傳訊

Charlotte_mom


王國長老

積分: 219617

畀面勳章 好媽媽勳章 醒目開學勳章 2011精緻種植勳章 環保接龍勳章 大廚勳章 王國長老 BK猜猜猜慶中秋 BK Milk勳章


13#
發表於 08-12-23 10:17 |只看該作者
係啦, 不知所謂
我之前都試過, 係1010電話費, 果時我c6要出trip, 打好多長途call, 一個月成$3000, 有一次我地轉電話號碼, 我地都無特別留意條數, 總之有單就繼續交
一年之後, 1010打黎收數, 話我地轉號碼果個月張單無交, 叫我地交返$3000, 我反問佢, 點解成年都無人提過又無人追, 我地一路繼續用, 突然就話我欠款, 佢話唔知, 總之system show到未交, 又叫我如果交左就俾張receipt佢睇(低能, 邊個會keep一年receipt呀)
我地梗係唔俾啦, 嘈到9彩, 最後都無俾, 不過個account就俾人blacklist左
如果佢已經交俾收數公司, 我係你, 我一定報警攪大佢lor! 打去東方蘋果搵記者幫手tim呀
原文章由 lovemacy 於 08-12-23 02:31 AM 發表
pccw成日都係咁架~
我之前裝"now"電視都係架~
成日加加埋埋0的費用~
之後打上去又話唔洗交~
但係又要追~
我果陣就日日打上去嘈囉~
之後都唔洗交~
私人傳訊

BBHim


大宅

積分: 2553


14#
發表於 08-12-23 14:27 |只看該作者
我都係當時出視察易時出埋個唔駛錢既手提電話, 但要暫繳$700, 話合約完時退番比我....

好la合約完左.....我都差D唔記得, 打上去問話係....(打左幾次Hotline啦), 但話我欠最後月費約 $300, 我同所謂跟進組傾好話係退款張支票處扣, 佢話問左OK, 張票會6-8星期寄返比我, 即 $400. 好la我都冇理呢件事.......

個半月後.......突然有收數公司打比我, 話追我呢 $300, 我話我都未追PCCW張支票......

好la,打去Hotline講返件事....又話要case no, 好彩我而家叻左(之前又出事), 現在會記低所有內容, 係欠錄音.......個女仔check到...話真是有這件事, 會扣錢後再退回 $400支票比我, 我話咁點解又有人追數架, 佢話不同部門做唔同野 (即溝通不足)......個女仔話會停左個追數先(好似話兩星期), 我問兩星期後 ???

佢話跟進組會有人覆我.....最後係有人覆我.....話佢地唔知點解其他部門電腦記錄未改......而收數公司亦冇再搵我......但我張 $400支票仍然未收到..............???
私人傳訊

芝娃娃


男爵府

積分: 8104


15#
發表於 08-12-23 14:37 |只看該作者
我家的固網PCCW試過自動續約, 真係睇少眼都唔得.
私人傳訊

小聰


男爵府

積分: 8287

BK Milk勳章 hashtag影視迷勳章


16#
發表於 08-12-23 14:54 |只看該作者
有個網上媽咪教我, 打去12022客戶關注組
而且仲堅持一定要同客戶關注經理對話, 我試過得, 你打去試試
私人傳訊

CINDYC


水晶宮

積分: 50254


17#
發表於 08-12-23 16:34 |只看該作者

回覆 #11 misslee 的文章

我老豆個case同妳個case80%相像, 提供唔到録音, 就話人同意續約, 打極hotline都無人聽, 間唔中有人聽應承覆, 又影都無埋!!
我老豆已經去ロ左消委會投訴 & stopped autopay, 下一部會扌昷傳媒跟進!!!
咁大間公司用d咁低劣ロ既手法, 真係不知所謂

若沒有忙碌, 你便不會懂得善用閒暇; 沒有痛苦, 便不會明白快樂的得來不易; 沒有失去, 我們更不會懂得珍惜--是苦是甜也好, 是時間太多或太少也好, 最重要的, 還是請不要浪費你的人生! (純粹分享 ^0^)
私人傳訊

CINDYC


水晶宮

積分: 50254


18#
發表於 08-12-23 16:40 |只看該作者
我老豆試過同客戶關注經理傾過唔work!
原文章由 小聰 於 08-12-23 14:54 發表
有個網上媽咪教我, 打去12022客戶關注組
而且仲堅持一定要同客戶關注經理對話, 我試過得, 你打去試試

若沒有忙碌, 你便不會懂得善用閒暇; 沒有痛苦, 便不會明白快樂的得來不易; 沒有失去, 我們更不會懂得珍惜--是苦是甜也好, 是時間太多或太少也好, 最重要的, 還是請不要浪費你的人生! (純粹分享 ^0^)
私人傳訊

misslee


子爵府

積分: 10015


19#
發表於 08-12-23 17:09 |只看該作者
昨晚個甚麼經理潘先生話會回覆我們追件事的發展,
不過今日都未覆我.
其實我同我老公諗,
PCCW"屈"我們簽了合約又提早終止合約,
事實上我們真的沒有, 而且他們又提供不到證據.
那算不算製造假文件欺騙客戶呀?
我們可唔可以從民事去告PCCW呢?
私人傳訊

cherry_lam


大宅

積分: 2389


20#
發表於 08-12-24 11:24 |只看該作者
misslee, 乜咁大穫呀!!
我之前都試過類似既事, 不過就未去到追數,
我又係日日打去嘈, 嘈咗成個星期,
就連公司既同事都聽到我鬧人....
結果我頂唔順, 我打咗封信 send 去消委會,
結果消委會幫我 settle 件事,
咁電訊公司先冇再追我地, 一切正常番!!

你叫工人姐姐唔好亂開門呀!!
不過佢地呢 d 收數佬, 我諗都係得把聲既,
追收 $1200, 唔會做咁多野卦...
不過當然都要小心 d 啦!!
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見