其實我知我無咩耐性,但都同自已講,囡囡仲細,你嬲佢都無用,佢又唔係有心同我對抗,佢只係太細個,唔懂性者,但係佢真係好多時,做好多嘢令到我頭唔到氣咁,好辛苦呀,有位 ma ma 講得對呀,佢好似試我底線咁,樣樣嘢都係唔危險唔做,唔高唔琴,飲水就玩到成身水,唔比佢飲又唔係,比佢飲又要成日換衫,天氣又凍,又驚凍親,見到生果同麵包又話要食,切比佢食,又唔正經食,攪到成地都係,痴凹凹,有時真係唔知點攪,
依傢又成日開拉櫃筒,又玩趟門,又驚佢夾到手,已經按哂安全鎖,但有d櫃係裝唔到安全鎖,有時人有三急,放佢係圍欄內,佢又琴出嚟,最慘佢剛剛好高度係可以比佢垮出來,但係又唔夠腳長落地,成日都半天吊,真係牙煙,所以圍欄唔入好過入啦,係bb床,佢一樣照垮出來,又係半天吊,仲驚,因為仲高,所以依傢周圍都鋪咗地墊,但係跌起上嚟,咪一樣會扭親,
所以屋企跟本係無一處係可以安全比佢玩,真苦腦,唔知係我呢個特別活躍,定係呢個歲數係咁傢呢?
總之佢係房,就想佢出廳,佢係廳就想佢入房,有時嬲到諗住出街可以好d,有時仲激氣,坐車仔,坐得耐,佢又唔係坐,話要行,同時佢又要話除鞋連袾,大佬你又要行,又唔著鞋,點行呀,我推車仔出街,佢又要我抱,我點推車呀,真係唔知佢想點呀,見佢咁死死氣又要返屋企啦,總之好似走鬼咁,度度都唔掂咁,所以依傢揍小朋友真係唔易,真係對佢又愛又恨呀!
發表於 
返回列表
