吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 大住個肚,俾我媽咪搞到好唔開心。

心聲留言今日: 2|主題: 17391

收藏本版

發帖

返回列表

跳至頁

查看: 897 | 回覆: 10

大住個肚,俾我媽咪搞到好唔開心。 [複製鏈接]

wallace891

大宅

積分: 1670

1^#

發表於 11-5-6 18:49 |只看該作者 |倒序瀏覽 |打印

本帖最後由 wallace891 於 11-5-6 19:10 編輯

好長編,謝謝.
最近幾個 issues 抄埋一碟，個人接近崩潰。
我有一個四歲大仔，一路都好乖，好懂事，我同老公一手一腳揍大，教大，從來冇假手如人。屋企亦沒有請工人，屋企所有家務大小事項都係我處理。
當我地發現有第二個bb 時，大家都好開心，我媽搬左過嚟小住，問題就發生啦，而我嘅情緒，就開始有問題。
我阿媽係一位小姐，正確d講，係一位用工人用左二十年嘅太太。佢雖然得我一粒女好錫我，但佢係一個永遠都唔會聽人講，同理會人地感受，淨係只會用自己嘅一套嚟衝量別人。舉例，大肚婆好怕聞到魚味，我一聞到就嘔到七彩，佢就同我講「你個鼻特別衰，我唔覺得d魚有乜問題」。佢自己一個人用一個廁所，我冇請工人，我話媽咪，不如你係咁意，輕輕洗吓個廁所啦，佢答我，我廿幾年無洗過廁所，叫你老公放工翻嚟洗啦！我心諗，乜你好意思叫個女婿同你洗廁所咩，結果個廁所我自己洗左。其實依d都係小問題，最大問題係，佢揍我個仔嘅方式。我個仔由細到大食飯都好乖，永遠都pat pat 坐住櫈櫈，我同老公都覺得小朋友食量唔係最重要，最重要係自己食，同埋知飽飢，但我媽就係咁塞佢食，匙匙餵，我個仔話飽飽咁我話飽就唔好食啦，但我有我講，佢有佢餵唔理我，大佬呀，我先係阿媽。
好喇，過左十二週我自己做翻所有嘢，一切如常運作，我自己，仔，老公都好開心咁過曰子，同時，我地決定direct hire 我媽個工人嘅 cousin，當時以經plan佢五月到步。
好景不常，我二十四週時，因為大病加疲勞，見紅作早產，醫生話我要臥床，唉！！惡夢開始，首先，一瞓床個人開始好暈，好唔精神，成曰頭痛，頸痛，個人好腫。我防媽今次冇過嚟住，只係日頭過嚟睇仔煮飯，我同佢，每曰一少嗌，三日就嗌一大交。每次都係爲揍仔。其實，我媽都係一個好情緒化嘅人，佢一入屋，我就知佢果曰心情好或唔好，唔好果曰，佢塊面會好黑同「喝」我個仔。我每一曰都要睇佢面色。我個仔依家食飯時會離座，吐飯，推手。做每一件事都一定要有糖先肯做，例如乖乖地沖涼，起水，坐的士時定定地，拾自己玩具，等等，我真係好嬲個仔會咁，之前我個仔係冇behavior problem 咖。個工人本來五月六日到，點知佢玩嘢，兩星期前agent打嚟話個工人冇錢過嚟，問我借，我話佢人都未嚟就問我借錢？佢幾個月前我地開始apply佢果陣佢以經知道自己要俾$4000hk agent fee，點解依家先話冇？叫佢自己問人借，個妹一路都話冇。到五月三曰朝早我問agent依家進度如何，agent答我四月二十九曰佢問過工人佢都係話冇錢，我話如果佢過多幾日都係冇我就要cancel佢，此話一出，一小時後，agent 就打嚟過佢依家又有囉喎。明眼人都知個工人有問題。於是我同老公，朋友，七月嘅陪月討論過，依個工人真係有問題，cancel佢係比較好，連我陪月都好好咁同我講話佢情願辛苦d幫我做埋家務都覺得唔好博，免得嘥錢又勞氣。問題係依兩個月點算，我老公話佢情願辛苦d都唔想請個唔知乜人係屋企，唯有見步行步，過得一曰得一曰，都係兩個月啫。我同我媽講時，佢話我地諗都唔諗就cancel個工人，人地都未來就話人地唔得，我聽到真係好sad 好sad，點解你咁唔了解我？你搵一次支持吓我得唔得？對於我嚟講，依個都唔係一個容易嘅決定。我同阿媽講依個係經過心思熟慮，終合多人意見，眼光放遠左小小嘅decision，佢話你地要cancel個工人我吹你地唔漲，跟住之後就每一件冇論大小都同我嗌交。終於昨日，爆大獲啦，終於佢都超越我嘅底線，而我亦都到達情緒頂點，精神崩潰。事源昨日我個仔返playgroup跟住同爸爸去圓方食飯，婆婆就放咗一件jacket落佢自己個手袋道，我見到，我就攞咗仔仔出街嘅袋仔放咗支水加埋婆婆果件jacket仔落個袋到跟住同仔仔講話你口渴就自己攞水飲同如果冷氣凍就自己攞衫着，阿仔答我佢次次去圓方都冇覺得凍，淨係攞水得喇。咁我話ok，你自己決定，不過萬一如果你冷親，就會病病，要睇醫生食藥，無得食雪糕，糖，同埋冇得去公園玩，阿仔話ok，咁我就攞走件衫仔。我阿媽見到就鬧我，做乜要聽個仔亂up？我話佢四歲，佢要知道咩叫正確，或錯誤決定，而學成擔後果。跟住佢話個仔得四歲，咩都唔識，我話唔識咪要學囉。跟住佢又話依d事要十歲八歲先好學…（下珊萬字）
佢地走後，我終於都忍唔住，哭，哭，哭，哭到竭思底裡，真係忍唔住hum頭埋牆。

0 0 0

我要努力做個好媽咪!
我一定會成功生多個!

私人傳訊

anniekwok

男爵府

積分: 8552

畀面勳章環保接龍勳章

2^#

發表於 11-5-6 22:39 |只看該作者

回覆 wallace891 的帖子

人與人相處真係一種學問，何況果個係自己阿媽，兩母女無隔夜仇既，不過明白你大住個肚又湊住個仔都辛苦，有情緒又唔知點發洩出黎，放鬆D啦，唔好屈到自己咁，陀住個細既要開心D呀，放過人等於放過自己，你要開心D呀~

這世上有個不變道理，那就是耶穌愛您

私人傳訊

maymycheung

子爵府

積分: 13589

3^#

發表於 11-5-6 23:30 |只看該作者

唉, 我睇完我都好替你唔開心, 如果afford得起, 你有冇諗過請你個陪月提早來幫你呢段時間呀?? 再唔係請個PART-TIME幫手啦。
起碼請返來的人都會按你要求做呀!!!
我想問你而家d家務,煮飯邊個做呀??? 我諗都應該唔會係你阿媽啦??!!
我都好明白, 自己一手教好個仔, 但就比媽咪重壞, 真係好唔開心。
你住邊區呀?? 我用緊的鐘點都ok ga....
唔好咁唔開心啦, 最緊要解決咗而家的問題先, 同我覺得你都係唔好叫你媽咪過來, 你同佢的揍仔的方法咁大分別, 無為啦!!!

私人傳訊

kaitathk

複式洋房

積分: 315

4^#

發表於 11-5-6 23:45 |只看該作者

agree

私人傳訊

summer_rose

複式洋房

積分: 189

5^#

發表於 11-5-7 17:38 |只看該作者

我都好同情你. 人家說天下無不是的父母, 我就絕不同意. 麻煩的父母多的是. 你的壓力很大, 母親不對的話一定要出聲, 她如橫蠻, 你惡d都要, 不要自己死忍, 會死架, 尤其是你正在陀BB. 我真擔心你. 母親當年一個唔覺意生下你, 雖然養大你, 有功勞, 但不要把她看到天o甘大. 我自己身為母親也這樣說. 你還有自己的生活要面對. 不要哭, 當她發up風. 理性的想想如何解決工人的問題.

私人傳訊

wallace891

大宅

積分: 1670

6^#

發表於 11-5-7 17:45 |只看該作者

其實我都黑唔晒，我見紅之後第三日我個陪月就即刻過嚟幫我煮飯做家務，不過可惜佢只得四星期左右空檔，因為佢五月至六月有第二份job一定要接，佢一定要去因為佢好早之前認誠左，佢將會七月阿女出世時再返嚟幫我。佢巳經幫我放聲氣請鐘點，不過佢話好果d通常都好爆。

我要努力做個好媽咪!
我一定會成功生多個!

私人傳訊

wallace891

大宅

積分: 1670

7^#

發表於 11-5-7 17:56 |只看該作者

依家難搞嘅係嚟緊嘅兩個月，我乜都唔做得淨係做癈柴。我住係何文田區，唔知你個鍾點去開邊頭？

我要努力做個好媽咪!
我一定會成功生多個!

私人傳訊

maymycheung

子爵府

積分: 13589

8^#

發表於 11-5-7 21:01 |只看該作者

我住藍田。我都知道好的鐘點或陪月真係好爆, 你有冇試吓搵已經喺香港完約的工人呀???? 如果早D知道, 我都可以介紹我奶奶之前嗰個工人比你, 但佢已經有咗第二份工嗱。

私人傳訊

Nancy20090615

瑪瑙宮

積分: 130832

9^#

發表於 11-5-8 00:52 |只看該作者

本帖最後由 Nancy20090615 於 11-5-8 00:53 編輯

D 呀媽真係好煩, 兩母女都係咁話, 我呀媽成日買好多維他奶, 檸檬茶o係雪柜比我囝飲, 話極都係買, 話我以前都係咁買比自己飲, 我而家無好耐喇.

您媽令您情緒唔好都係 send 佢返屋企好 d . 您可以出幾錢搵鐘點, 我可以幫您問下人, 佢收開 $70 個鐘, 因為佢幾好所以佢舊老細用呢個價請番佢幫手. 不過真係唔知佢呢輪得唔得.

私人傳訊