親子旅遊 今日: 18 | 主題: 161193

積分: 1437

1^#

發表於 11-4-26 03:02 |只看該作者 |倒序瀏覽 |打印

下月初將會到新加坡親子遊5天, 其中有兩晚住Marina Bay Sands, 想問一吓有住過這酒店的家長們, 如帶幼兒到skypark pool 可以嗎? 看過有些網站簡單介紹酒店有kids pool, 是否也在skypark pool範圍內呢?
酒店區內有什麼地方必逛呢?

0 0 0

私人傳訊

KaHeiBaBa

積分: 10373

貢獻勳章環保接龍勳章

2^#

發表於 11-4-26 03:13 |只看該作者

lelemama 發表於 11-4-26 03:02
下月初將會到新加坡親子遊5天, 其中有兩晚住Marina Bay Sands, 想問一吓有住過這酒店的家長們, 如帶幼兒到s ...

我哋一家三口過兩日出發會住3晚，去到上網或返嚟話俾你知，OK ??

私人傳訊

積分: 5929

3^#

發表於 11-4-26 09:19 |只看該作者

回覆 lelemama 的帖子

我剛回來，4日3晚都係住sands。我可以講個空中泳池真係值回票價。你住係個度真係連singapore flyer都唔使去，慳番錢。

泳池有無限毛巾供應，有免費冰水提供，就算坐係度叫野食都唔係特別貴比起香港。我食左個Fish & Chips和Chicken Nuggets都係26星幣已經連埋晒所有的tax/gst。

它的水深係1.2米，另外有一個bb池的。有一個細細的按摩池。你可以訓係太陽椅到睇住個日落又或者晚上有激光睇(雖則唔係特別多，但都係一種額外的觀賞節目)。

sands的位置其實很好。由它去USS坐taxi都係8.8，由機場去sands都係十多元only。sands有免費的shuttle bus坐的，每30分鐘一班。我去酒店就坐taxi，去機場就坐它的shuttle bus。係sands有個溜冰場，附近有個大的food court，勁多野食。如果第一晚很累的，可以去個度搵野食。它都有一間細細地的cold storage(一間細些少的supermarket，可以入去買些補給物，但價錢就會比出面的貴多少，我係同一間cold storage買一枝1公升coke都係2.09，但個度就要2.9，不過第一晚唔想出去行，就可以係個度買點野飲)。

另外sands入面的雪櫃好衰，它塞爆你個雪櫃你唔會有位放你的野，所有的冷凍野你唔好買唸住放入去，你move左它的位超過30秘就算無飲無食都照計錢的。

住sands最好去到check in時指明要住tower 2，千萬唔好住tower 3。因為tower 2的security check嚴些的，你要show card先入到去。我指tower 1，都要用card key先按到樓層，但有d唔係度住又唔想俾錢的外來人會見到入左lift借機入來按樓層去個skypark到，又或者去其他層數，係呢樣差d。tower 3係open俾public俾錢上skypark的，所以咩野security都無的。

sands入面有間addidas(近food court)，有童裝買的，仲勁多款，可以童下。其實你出面想搵的牌子sands入面都有，如La Senza，Charles & Keith等等，你可以先去睇下款，再出去買，出面無先返入來買，唔使拿來拿去。價錢跟出面的一樣，無分別。它好鬼似威尼斯人酒店的，可以坐船仔不過無人唱歌咁解。它的mall都係3月中左右先open，所以環境很好，樣樣都很新，它有很多natural sunlight的，影下相好。

仲有想去sands的casino(我無去過，不過同行的朋友講番)，入去一定要show passport，所以你們想入去的記著個個都要有passport係身邊。它都有qube club，不過唔去都算，因為比macau個實在差太遠....

我咁多日去得最多的就係泳池，下午去，晚上去。我spend左一日係USS。上pool記著law card key，因為俾hotel guest的泳池係俾hotel guest only，你要show card key先入得去的。

去USS，我highly recommend 睇個史力加4d show和water world的show。water world的show係一日2場，分別係1pm和4pm，坐面對個場地的右手邊和中間的位置最perfect。坐前排一定濕身，後幾排局部性濕身。但工作人員真係做到個氣氛出來的，住場千幾人都跟坐去玩的。所以想感受氣氛一定要自備rain coat(有得賣的)或幫小朋友準備多套spare clothes連underwear。

我自己呢幾日都係食food court，第一晚係ion orchard，第二晚係vivo city，第三晚係sands。真係失禮人，如果人家問起去左邊度食野，我日日都係food court....哈哈。

私人傳訊

焯媽媽

侯爵府

積分: 24149

4^#

發表於 11-4-26 12:11 |只看該作者

tweetybird 發表於 11-4-26 09:19
回覆 lelemama 的帖子

我剛回來，4日3晚都係住sands。我可以講個空中泳池真係值回票價。你住係個度真係連s ...

我自己呢幾日都係食food court，第一晚係ion orchard，第二晚係vivo city，第三晚係sands。真係失禮人，如果人家問起去左邊度食野，我日日都係food court....哈哈。

好想知個ION ORCHARD個FOOD COURT幾點開, 因為我BOOK的酒店就係佢斜對面, 想日日去個度開餐..

私人傳訊

積分: 5929

5^#

發表於 11-4-26 13:05 |只看該作者

回覆焯媽媽的帖子

我又唔清楚知道它開幾多點喎。我今晚回去幫你睇下天書。

點評

焯媽媽謝謝你.. 發表於 11-4-26 13:09

私人傳訊

luckymother

積分: 13201

開心吸收勳章分享愛 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

6^#

發表於 11-4-26 15:45 |只看該作者

回覆 tweetybird 的帖子

我7月初會帶囝囝去新加坡玩, 訂了兩晚Sands, 經旅行社訂, 包兩個早餐, 但旅行社話唔suppose包小朋友, 如果話明有小朋友, 會加成$800. 請問如果有security check, 帶囝囝會唔會俾酒店罰?

私人傳訊

積分: 5929

7^#

發表於 11-4-26 16:09 |只看該作者

本帖最後由 tweetybird 於 11-4-26 16:10 編輯

回覆 luckymother 的帖子

早餐唔include小朋友，無問題，你可以照同小朋友上去的，咁當然睇你的小朋友幾大，我個小朋友得8歲，無問題喎，我同埋她去front desk做check in，無人問喎。早餐小童收費係星紙22元，加埋所有野太約25個幾一個人。

仲有係lift入面要入張card key再等個綠燈flash先按樓層的，因為我們大鄉里，就係無睇清楚和留意，遊左一陣lift河.....

私人傳訊

luckymother

積分: 13201

開心吸收勳章分享愛 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

8^#

發表於 11-4-26 16:41 |只看該作者

回覆 tweetybird 的帖子

謝謝! 如果淨係早餐加錢都無問題. 搭方面, 謝謝提醒, 香港有些酒店如中環四季都係用card key, 所以應該都無問題. 選擇住Sands都係囝囝鐘意游水, 欣賞Sands的空中泳池.

私人傳訊

積分: 5929

9^#

發表於 11-4-26 17:44 |只看該作者

回覆 luckymother 的帖子

係呀，食物種類okay，唔係太特別，不過小朋友點都要食早餐的。

我個人認為個泳池係很值得去的，我再去都會住個度，就係因為個pool。

私人傳訊

積分: 5929

10^#

發表於 11-4-26 17:56 |只看該作者

回覆 luckymother 的帖子

我多口想問下，你book sands幾多錢一晚？

私人傳訊

lelemama

積分: 1437

11^#

發表於 11-4-26 22:27 |只看該作者

回覆 KaHeiBaBa 的帖子

好呀, thank you ar!

私人傳訊

cheapbombom

伯爵府

積分: 18698

12^#

發表於 11-4-26 22:51 |只看該作者

lelemama 發表於 11-4-26 22:27
回覆 KaHeiBaBa 的帖子

好呀, thank you ar!

我後天出發新加坡, 訂左2晚Sands, 超期待啊
之前唔知邊度聽番黎, 泳池關閉至6月中, 見你又話入到去,
簡直係意外既驚喜啊

我地會帶2件泳衣, 一於日又游, 夜又游

點評

Ryanma Sands 泳池有開呀! 不過我唔係住Sands 住Hard Rock, 我都帶兩套泳衣去游水! 發表於 11-4-27 15:13

私人傳訊

lelemama

積分: 1437

13^#

發表於 11-4-26 22:56 |只看該作者

本帖最後由 lelemama 於 11-4-26 23:05 編輯

回覆 tweetybird 的帖子

多謝tweetybird詳盡嘅介紹!

我仲想知多少少, 上SkyPark Pool , 會唔會限幼兒只可以响BB池玩?
搭的士是否像香港都係5人坐位? 會唔會一定嚴格規定人數? 因為我們今次一行6人(但只係4大2小, 2個小的分別只是兩歲半及一歲)

Marina Bay sands 附近好似有個蓮花外型嘅artscience museum, 唔知值唔值得入去睇睇?
其實我諗我預都係去各大food court 食多, 因為有兩個咁細嘅同行, 去唔到D靜靜地嘅地方食野,

係呢, D food court 有無BB 櫈呢?

私人傳訊

CatEgg

積分: 4626

14^#

發表於 11-4-27 00:35 |只看該作者

lelemama 發表於 11-4-26 22:56
回覆 tweetybird 的帖子

多謝tweetybird詳盡嘅介紹!

我剛從新加坡回來,去過幾個food court,開頭好似你咁諗係food court食對bb會安全d、靜d,但真係嘈嘈嘈,迫迫迫,反而去街邊大排擋舒服d,真係諗都諗唔到
我去過的food court係City Hall站個個mall、Food Republic、ION,經過SANDS個food court,唔知係咪佢地long weekend 緣故,晚上八點幾九點都多人到不得了,超嘈(當中包括好多廣東話聲音)
food court同大排檔都係無BB椅的

私人傳訊

KaHeiBaBa

積分: 10373

貢獻勳章環保接龍勳章

15^#

發表於 11-4-27 04:44 |只看該作者

cheapbombom 發表於 11-4-26 22:51
我後天出發新加坡, 訂左2晚Sands, 超期待啊
之前唔知邊度聽番黎, 泳池關閉至6月中, 見你又話入到去,
簡 ...

泳池見 !!

私人傳訊

KaHeiBaBa

積分: 10373

貢獻勳章環保接龍勳章

16^#

發表於 11-4-27 04:48 |只看該作者

tweetybird 發表於 11-4-26 09:19
回覆 lelemama 的帖子

我剛回來，4日3晚都係住sands。我可以講個空中泳池真係值回票價。你住係個度真係連s ...

好多謝你咁詳盡嘅分享，真係愈睇就愈興奮；今朝紅魔贏波，聽朝睇埋皇馬對巴塞就準備出發 !!

私人傳訊

積分: 5929

17^#

發表於 11-4-27 08:59 |只看該作者

本帖最後由 tweetybird 於 11-4-27 09:04 編輯

回覆 lelemama 的帖子

唔好客氣。我成日去旅行都係係度搵料的，都係禮尚往來。

有關泳池：唔係，只要你有大人陪住，我見過好多媽媽都係咁同個小朋友/bb係個1.2米池度玩。但有個教生員會睇住，你唔可以騎膊頭，唔可以抱起個小朋友掟他落水，因為你去度泳池邊你就會明我講咩野。因為個邊係旁邊睇好似d水流緊係個酒店身邊咁款的，好似好危險，但行近d係有多一級係旁，太約都係幾吋左右，所以其實太近池邊做一些過頭的動作都係危險的，唔覺意會由57樓跌左落去的。

我又無留意坐幾多人，因為我得3個人。但它有大架細架的士的，它有toyota的wish做的士，但當然後排唔會俾你坐因為用來放行李的。所以可能5個都得。它有大架的士的，但勁貴，無論遠近，一律40元，可以坐7個人。我去完USS個晚，係Vivo City的的士站等的士等到頸長都等唔到，見到對面有個"Large Taxi"的站台去問，他們話無論遠近，一律40元。好彩有個香港媽咪問係唔係返酒店，一齊share個cost，但多個站多10元，即總共50元。但唔係咁樣的話，我俾10元都唔使連附加費。大家要留意係5-8pm，會加35%，8點後會加50%。我係sands去義安城，連erp(稅的一種)都係6蚊，但晚上回去要9個幾，因為附加費的關係。仲有遇著假期前夕或假期，應該盡量避免坐taxi，唔係無taxi，係路面勁塞。我係酒店出去無問題，但返去係義安城等左個半鐘頭的士，唔係無的士，大把的士，但係出面路面勁塞...我個女訓完再醒都未排到......但sands的位置唔近地鐵站的，所以要有心理準備，但它附近起近，我估2年後會勁方便。

我係最後一日去左行個圈，你有時間無地方去的，都可以去望望，不過放到最後無野做先去啦。另外係sands food court上面個層有很多出入口出去平台，你可以行出去的，很近singapore flyer，可以影下相的。

有關food court：我又見到有bb櫈喎。不過唔多就真。去到真係眼都花埋的，因為實在太多種類，我又心多多樣樣都想試，所以行左幾個圈都決定唔到的，不過人就真係多，亦係嘈，但我去的係food court，唔係fine dining，所以又無所謂，但我又覺得一次過可以試多幾樣唔同種類的款式，我又okay喎。我唔係上等人，我都係喜歡平民的飲食文化。

我買左林志源的豬肉干但似美珍香，肉鬆好食，買左ben solo的pineapple tart和夏威夷果仁的cookies，亦買左唔同味道的益力多，和kaya醬。唔使跟天書仆去東跑去西買的，以上的野都可以係：

林志源的豬肉干和ben solo的餅點：去ION Orchard的Food Court食開野可以去個度買，它係food cour個層旁邊的，一去到行個圈實搵到。它有分300g，500g，600g和1kg，買少少都要一百元，買500g你預150左右。

唔同味道的益力多 - 係義安城basement的supermarket有得買。它的supermarket都可以行下的。但有人話俾我知係"魚"記都有8蚊一排..真定假唔知...

kaya醬 - 係義安城basement的supermarket旁有專櫃。禮盒pack入面有2細jar就係6元，亦有現場買來食的。

ben solo的餅點：除左ION Orchard的food court旁，係義安城supermarket個層都有專櫃的。一盒細的pineapple tart要15個幾星幣，大的要25左右。cookies，唔要鐵盒pack就要多1元定2元的，普遍都係16-19元左右。

另外，ben solo的餅點，你可以先買一d有盒pack住的野，pack左係個行李度，一些軟和易爛的野可以係機場買，因為機場都有，咁你就可以hand carry。

但新加坡的衣服鞋子真係唔平的，一間仲cheap過bossini的童裝店，最cheap的t shirt都要20元2件....

不過想買人字拖的就勁開心了，因為它大人，細路，bb都有款有碼的，香港搵唔到俾小朋友和bb的(我唔知家下有無)，係Ion Orchard的Shopping Mall地鐵站一出就對住，不過唔算特別平，一對全膠質的女裝人字拖要42.99定49.99一對 - 不過好吸引，colour，小朋友的傳統人字拖(好似發泡膠質地的)要32.99定34.99一對。

仲有家下係uss做緊promotion，買2件t shirt送一件指定的t shirt，件免費的t shirt標價都要26.99-29.99的。所以買2件好似著數d。買童裝送童裝，買大人送大人款。係uss出入口旁的糖果店內有買M&M的t shirt的，大人小朋友bb款都有仲做緊特價，男女裝賣19.99，小朋友的係13.99-16.99，很值得去睇和買的。

私人傳訊

積分: 5929

18^#

發表於 11-4-27 09:05 |只看該作者

另外我想問下大家book sands係幾多錢一晚？因為我下次都會度，我想知道邊度訂個價會好些。謝謝。

私人傳訊

CatEgg