夫婦情感 今日: 6 | 主題: 42611

積分: 3169

1^#

發表於 12-5-31 10:07 |只看該作者 |倒序瀏覽 |打印

同老公啲關係已經唔係咁好, 因為大家脾氣都差, 郁啲就黑面, 佢仲要係一個大男人, 現在有一個小朋友1yrs, 請左工人 + 每日都有99 上黎睇住, 但老公成日都好唔滿意工人的表現, 好少事但成日都同我投訴個工人, 我真係覺得好煩呀, 請工人都係幫下手, 無十全十美的, 我要求佢鍚bb及做好基本的清潔已可以, 但老公成日都覺得個工人做得唔好, 點解啲窗會有塵, 要求工人每星期抺2次玻璃窗喎,

加上99 有時又講埋啲唔岩聽的說話, 我已經唔出聲了, 因為99 幫睇住bb, 我都唔可以講咁多野, 但我真係忍得好辛苦, 有時同死佬吵架時, 會沖口而出講埋99 啲事, 老公就一定會幫住99, 我地好多時都為左個工人同99 而吵幾句, 但可以黑面幾天..
近日老公話想生多一個叫我辭職唔好做, 炒左個工人 , 專心湊大仔及生多一個, 當時我都係度唸會唔會係修補關係的一個方法, 自己湊返咁就唔會同99 有咁多摩擦, 但一唸到湊2個時, 老公又唔會幫手, 覺得自己會好辛苦, 到時會唔會同老公又出現另一個問題呢??

成日同老公吵 , 已經覺得好唔開心, 又唔想同朋友講, 真係想過離開佢, 但仔仔...

真係好唔開心....

0 0 0

私人傳訊

雲妮彭

伯爵府

積分: 19437

好媽媽勳章

2^#

發表於 12-5-31 10:15 |只看該作者

甘既情況,建議暫時唔好再生住喇..你囝囝先一歲,係都遲d先啦.

講真,你老公百彈齋主甘,可能係性格來,就算你自己湊,難保佢對你都會有挑剔,
到時你仲難頂呀.成日係屋企,對住兩個小朋友,無人幫手......諗下都唔想呀!

點評

vego 100% agree! 發表於 12-5-31 12:17

私人傳訊

sueec

積分: 1604

BK Milk勳章畀面勳章

3^#

發表於 12-5-31 10:27 |只看該作者

本帖最後由 sueec 於 12-5-31 10:29 編輯

樓主, 你自己都打左咁大篇說話講緊你同c6之間既問題. 証明你自己都好清楚自己現時所面對既家庭問題.

一個小朋友都未磨合到, 已經想生第二個? 加上你有想過離開佢, 重打算生?
小朋友不是用來維繫/修保關係的. 同你c6傾下, 先解決左而家既問題, 再諗下一個.

私人傳訊

靚豬豬

水晶宮

積分: 65650

畀面勳章

4^#

發表於 12-5-31 10:29 |只看該作者

比我就暫時唔會諗生第二個住, 樓上jm講得岩, 最怕你生埋第二個
做full time ma 晌屋企一個湊二件仲要做埋家頭細務, 但你老公
淨係一味做百彈齋主, 對屋企野諸多挑剔, 唔體諒你做FTM 的辛苦,
到時你仲激氣

私人傳訊

natalie520

子爵府

積分: 10111

5^#

發表於 12-5-31 10:32 |只看該作者

回覆：老公想我生第二個, 但同佢關係又唔係咁好...

咁既情況下我覺得唔應該生多個，到時只會有更多爭吵，我會直接同我c6講而家一個都咁多問題，除非大家關係有改善，如果唔係唔會生住

私人傳訊

kimchimom

伯爵府

積分: 17147

6^#

發表於 12-5-31 10:40 |只看該作者

諗清楚先好決定呀
你都識講你同你老公而家關係麻麻啦
重整多個bb..佢又唔係幫手照顧bb

而家你有返工, 起碼都叫係自己時間
如果你做ftm就一秒鐘私人時間都冇
磨擦可能更多更大..

私人傳訊

積分: 3169

7^#

發表於 12-5-31 10:48 |只看該作者

好多謝咁多位的意見, 可能我比較心軟, 有時老公同我講多二次我就覺得係唔係應該為個仔想想, 比個伴仔仔, 但一唸到我兩關係時就好唔開心.

私人傳訊

DARK_MOON

積分: 1225

8^#

發表於 12-5-31 11:02 |只看該作者

生多個唔駛奶奶幫手，到時你奶奶就有說話比你老公聽，請工人做野都要求咁麻煩，到時得你一個做晒所有家務可能對你要求仲高，到時咪又係怪返落你身上，再者你唔做野就會同社會脫節，你老公更加會食住你，當你老心情唔好同你閙交可能唔止黑面，到時你仲難受呀~

This is the dark side of me

私人傳訊

子爵府

積分: 12168

9^#

發表於 12-5-31 11:03 |只看該作者

回覆 suki1012 的帖子

我覺得以你和99和c6的關係，暫不宜生第二個。何況要你全職照顧兩個孩子，這份工很難打呀！你c6對工人的態度，就是以後他對你的態度，他應該是大男人兼完美主義，所以才會對工人斤斤計較，彈這彈那。何況你就算做全職媽咪，日後要面對的是99經常上來，又要沒有收入，整天在家做這做那，又要對著c6回來不滿這樣不滿那樣，你會受不住的。千萬不要以為生多一個可以改善關係，其實你和c6和99之間的關係未解決好，根本不應生多一個令關係更變得複雜。

你孩子只得1歲，你還可以先修補和c6之間的溝通，好好和他說說，想他做甚麼來配合，你就算生多一個都可以不用辭工，可以等第一個孩子大些，3歲時才生第二個，這樣一個可以上半天課，有工人和99一起看著就沒有問題啦？何況多一份收入，家庭開支也鬆動一些。先好好商量清楚大家的分工，才去決定是否應該生多一個，不是全部都要你去犧牲，婚姻應該是兩個人互相遷就諒解，包容對方，體貼對方，一味的退讓你c6反而不會覺得他有多錯，終要讓他知道你的心事。至於99的部分，始終是長輩，她願意來已經很好了，畢竟只有工人你都不放心，有些小事就當粉筆字一擦擦去，讓下她老人家吧！不要用這些來煩你c6，男人是絕不願意介入女人之間的爭鬥。

mc <()>

私人傳訊

kkarenkaren

複式洋房

積分: 490

10^#

發表於 12-5-31 11:23 |只看該作者

可能你老公要做一家之主, 同當家啊 (權力至上)

私人傳訊

積分: 2417

趣教勳章叻叻勳章

11^#

發表於 12-5-31 11:24 |只看該作者

suki1012 發表於 12-5-31 10:07
同老公啲關係已經唔係咁好, 因為大家脾氣都差, 郁啲就黑面, 佢仲要係一個大男人, 現在有一個小朋友1yrs, 請 ...

炒左個工人未? 如果可以唔好炒.... 理想工人難求,即使將來你 ftm 奏2個, 未必頂得住
我系C6 , 我大B 2 Yr , 細B 4 mth, 我case同你有D相似
我家也有工人, working couples, 煮飯+家務+照顧BB 算 OK, C9 的父母唔會來睇住個家, 咩原因唔講啦!,只是我爸媽 Wed + Sun/Sat 坐1個鐘車來, 睇下, 最近我爸媽足患, 我都唔敢開口叫佢地來, 但遇上突發事件, 唉!........

當大B 1 歲, 家庭磨擦已開始多, 但本著信念2 個細路有個伴比1個好, 就打算要第2個了, 而且我已經過40, 但我們兩夫婦為了時間分配上經常閙意見, 交都咬多左;
今年年初細B出世, 自C9放完產假後, 工人獨力照顧2個BB, 家務也不能做得好, 2 BB 年齡相差又小, 大B自理能力已經唔高, 仲踏入頑皮時間; 大B 剛滿2歲即插班入 N班, 本想大B 早D學野, 又可以讓工人上午大B上課時, 佢多D時間做下家務, 但由工人獨自湊大B上學, 放學又要帶細B, 遇上下雨天, 問題來了.

....
最後我們要額外請鐘點幫手
最近2個BB輪流病, 細B仲入埋醫院.....
所以樓主要三思.....

唔好意思寫多左, 借個位呻下

點評

evahui619 同你一樣..所以我請左2個工人..遲D等細D大個D先只要一個發表於 12-6-1 13:44

私人傳訊

積分: 3169

12^#

發表於 12-5-31 11:34 |只看該作者

布魯圖發表於 12-5-31 11:24
炒左個工人未? 如果可以唔好炒.... 理想工人難求,即使將來你 ftm 奏2個, 未必頂得住
我系C6 , 我大B 2 Yr , ...

你個case 同我真係好似呀, 我老公又係因為就黎40yrs, 所以先叫我快啲生多一個 , 佢昨日投訴工人時, 我同佢講其實工人都好忙的, 每日要照顧bb又要做家務, 日後我真係唔做野 , 我都未必做得哂啲家務啦, 之後佢同我講 : 你唔同, 你唔係受咁我人工...唉.. 真係好啲灰...

點評

fattymama 睇嚟你要洗佢錢嘅時候更加冇地位. 發表於 12-6-1 15:55

私人傳訊

積分: 2417

趣教勳章叻叻勳章

13^#

發表於 12-5-31 11:54 |只看該作者

suki1012 發表於 12-5-31 11:34
你個case 同我真係好似呀, 我老公又係因為就黎40yrs, 所以先叫我快啲生多一個 , 佢昨日投訴工人時, 我同佢 ...

身為男人我一向以為家務+照顧BB+煮飯=easy job, 但我女女病左, 我請假, 見到工人整天, 尤其是上午, 做不停 , 我知housewife好辛苦, 而我C9都話坐office 比在家好, 叫你C6角色扮演, 親身感受下吧

私人傳訊

積分: 3169

14^#

發表於 12-5-31 12:02 |只看該作者

我c6 可以係有工人就叫工人做哂的, e.g. 工人正cooking中, bb要換片 (大大), 我正準備野同bb換, c6都要叫工人一齊幫我去換, 但佢係唔會過黎幫手的..

私人傳訊

積分: 2417

趣教勳章叻叻勳章

15^#

發表於 12-5-31 12:13 |只看該作者

suki1012 發表於 12-5-31 12:02
我c6 可以係有工人就叫工人做哂的, e.g. 工人正cooking中, bb要換片 (大大), 我正準備野同bb換, c6都要叫 ...

"工人正cooking中....仲要換片"............唔衛生

你C6有沒有和BB獨處過, 例如工人放假, 你又出街買野, bb要換片的話?點算?

私人傳訊

積分: 3169

16^#

發表於 12-5-31 12:18 |只看該作者

bb同c6係無可能獨處, 因為c6 係搞唔掂的, 換片餵奶都唔識, 因為佢成日都覺得有姐姐係度, 這些東西係唔洗佢做, 亦唔會去學, 成日都話自己粗手粗腳怕整到bb.

私人傳訊

canies

翡翠宮

積分: 95105

17^#

發表於 12-5-31 13:03 |只看該作者

回覆：老公想我生第二個, 但同佢關係又唔係咁好...

你自己都有答案了。

私人傳訊