基督家庭 今日: 0 | 主題: 9939

積分: 17239

1^#

發表於 12-9-18 12:58 |只看該作者 |倒序瀏覽 |打印

唔好意思，比較長篇，希望各位有心機睇

我唔係教徒。都唔信有天主既存在，就算由細到大讀天主教學校，接觸聖經，我老公係天主教徒都好，都覺得唔信。

結左婚幾年，一直同老公有磨擦，並唔係我地性格上，而係因為我同佢屋企人既相處問題而成日搞到唔開心。

大約半年前，我地冷戰，我真係好唔鐘意冷戰，我寧願佢同我鬧交，表達佢既諗法，佢越唔出聲，越收埋自己我就越嬲，每次都搞到好彊既局面。當時持續左幾日都冇理過我，我又好無助咁唔知點，有日突然想起聖堂，好想去。自己入左去一間聖堂坐係天主前，突然眼淚好似落雨咁，我心裏向天主傾訴，求佢幫我，喊完傾完我覺得輕鬆左。之後隔左一日，我同老公好返，當時諗唔通天主真係聽到我講野?

前幾日又為佢屋企人而冷戰，我心裏面同天主講我既唔開心，想佢幫我，但今次冇用，我覺得究竟係咪真係有天主存在?

0 0 0

私人傳訊

積分: 1603

2^#

發表於 12-9-18 13:45 |只看該作者

小弟這幾年也經歷了一些不如意的事
有時候，我也會問：天主，為什麼這些事要發生？
但係愈是困難的日子，我走過復轉頭一看，愈發覺天主的臨在：
但確實也有很多事，並沒如所想的發生
可是我們信耶穌的，並不是祈求心想事成萬事如意，
而且如何在困難當中仍然可以懷著平安的心，相信天主與我們同在
並開放自己的心，學習按祂的旨意生活
或者轉個角度去想：
假如有一個神，你想怎樣祂就怎樣
那般我們豈不是成了這個神的主人？

當你遇到困難時，停下來想一想，當時你在聖堂內是如何的平安
耶穌就是希望你時常有這種平安
我鼓勵你繼續嘗試和祂相處

最後，有沒有想過尋求社工的幫助？
如果你丈夫是教友
可以聯絡明愛綜合家庭服務
http://family.caritas.org.hk/ser/family.html
他們能夠為教友提供免費的家庭服務

私人傳訊

積分: 17239

3^#

發表於 12-9-18 14:51 |只看該作者

回覆：喜勁寶的帖子

多謝你回覆，莫非天父借了你對我講呢返說話嗎?

對喔，你講得啱，如果天父乜都跟我地心想既去做，我地就唔係人，係神既主人先啱。謝謝你點醒我呢個point

我唔識點樣用平安既心去面對我既煩惱，我唔知應該點做好? 唔通去聖堂? 雖然我未知我會不會信，但覺得只要入聖堂就好似有種放鬆既感覺，唔通就係你講既平安?

個次去聖堂，我曾經向天主講過，如果佢幫我渡過難關，我會每星期都去聖堂聽彌撒，但最後我只去過一次。今次我既婚姻又出現問題，係佢罰我唔遵守承諾既結果?

私人傳訊

積分: 17239

4^#

發表於 12-9-18 14:56 |只看該作者

回覆：喜勁寶的帖子

半年前我都搵過明愛社工幫助，我地既問題唔係嚴重，所以做左幾次輔導就完結。今次我想都未必搵社工

私人傳訊

積分: 1603

5^#

發表於 12-9-18 15:14 |只看該作者

本帖最後由喜勁寶於 12-9-18 15:15 編輯

ilovedancendanc 發表於 12-9-18 14:51
多謝你回覆，莫非天父借了你對我講呢返說話嗎?

對喔，你講得啱，如果天父乜都跟我地心想既去做，我地就唔 ...

當你認識耶穌更多，
你就會知道耶穌為左拯救我地，
連自己的性命都不要，成為我地的代罪羔羊

耶穌說過：
我是善牧: 善牧為羊捨掉自己的性命。
傭工，因不是牧人，羊也不是他自己的，一看見狼來，便棄羊逃跑──狼就抓住羊，把羊趕散了，
因為他是傭工，對羊漠不關心。
我是善牧，我認識我的羊，我的羊也認識我，
正如父認識我，我也認識父一樣；我並且為羊捨掉我的性命。
我還有別的羊，不屬於這一棧，我也該把他們引來，他們要聽我的聲音，這樣，將只有一個羊群，一個牧人。
父愛我，因為我捨掉我的性命，為再取回它來：
誰也不能奪去我的性命，而是我甘心情願捨掉它；我有權捨掉它，我也有權再取回它來：這是我由我父接受的命令。」

佢呢種愛，係佢自己甘心給予我們的，我們不必想像自己要去做什麼，才能得到祂的愛，
這就是最偉大的愛，我們就這樣白白地接受就可以
所以你不必以為自己因為無守自己的諾言，故此要被罰
相反，主認識你，祂的羊棧隨時為你打開．

你丈夫有去聖堂參加彌撒嗎？
如果有，嘗試跟他分享你的感受
如果沒有，邀請他跟你一起
嘗試以信仰令大家彼此了解對方的想法，看看如何可以改善問題．

私人傳訊

積分: 17239

6^#

發表於 12-9-18 15:34 |只看該作者

回覆：喜勁寶的帖子

佢好多年都冇返教會了，半年前個次係我請佢陪我返，佢好樂意，見到我肯去認識天主，佢好開心。但可惜我地唔夠堅持

私人傳訊

redredbean

男爵府

積分: 7741

7^#

發表於 12-9-19 04:12 |只看該作者

引用：佢好多年都冇返教會了，半年前個次係我請佢

原帖由 ilovedancendanc 於 12-09-18 發表
佢好多年都冇返教會了，半年前個次係我請佢陪我返，佢好樂意，見到我肯去認識天主，佢好開心。但可惜我地唔 ...

有一本書叫「女人要愛，男人要尊重」，在一些基督教書室有售（太子基道大樓10樓，綠楊新村天道或突破之類），我相信或許可以幫到你！
本人近日亦出現婚姻問題，看了這本書，讓我對丈夫有更多的了解，學習用聖經教導的方法去敬愛丈夫！雖然仍處於冷戰中，但我嘗試做好本份，也依靠天父，雖未見丈夫態度轉變，但深信天父掌權，心裡也平安！
強烈推薦這書

點評

chocochip

發表於 12-9-20 11:14

私人傳訊

積分: 17239

8^#

發表於 12-9-19 09:28 |只看該作者

回覆：redredbean 的帖子

多謝你提供本書比我，我會買黎睇。

你老公對你冷淡，你有恨佢既態度嗎? 我有，我估佢見我唔(乙水)，佢都嬲我。我前日話同佢傾，佢話佢好唔冷靜，又話傾黎冇用。我覺得好灰心，尋日開始我都冇再理佢，反而我自己情緒放鬆左，雖然都係唔開心，但冇再忟佢。

我地冇小朋友，冇其他可以分散注意力既野，所以每晚返屋企見到大家都好辛苦，佢呢幾晚都係出去踩單車，踩到夜返黎就訓，完全避左我。都唔知可以點傾。

就黎過節，我又諗佢會不會叫我唔洗去呢，因為今次係因做節食飯問題而起。又諗佢會不會唔出席我屋企個邊既呢。係咪我諗得太多?

尋日放工後我到左教堂。我心裏向天主傾訴時，眼淚又不自覺咁流。但今次我冇信心天主會比指引我，覺得佢唔會幫我

私人傳訊

積分: 1603

9^#

發表於 12-9-19 09:37 |只看該作者

ilovedancendanc 發表於 12-9-18 15:34
佢好多年都冇返教會了，半年前個次係我請佢陪我返，佢好樂意，見到我肯去認識天主，佢好開心。但可惜我地唔 ...

我作為天主教徒
起初老婆唔肯接觸我的信仰世界
後來佢妥協上慕道班, 仲領洗左
而家我地生活提升左個層次
靈性上多左互相提點
感覺係真正親密的關係
不如你同你老公講:
"老公, 我想認識你的信仰世界, 希望我地能夠多點交流, 不如我地多d返聖堂"
久而久之我諗你地的關係會開始轉變
例如幾星期前的讀經講到做丈夫要好像基督愛教會一樣去愛太太
果一下我都感到有一仲衝擊, 令我提醒自己要好好愛老婆
我諗你地多d返聖堂, 聽讀經同埋神父講道, 會有改變的

另外, 如果你星期日唔能夠咁早起身返聖堂, 星期六夜晚都有的

私人傳訊

積分: 17239

10^#

發表於 12-9-19 09:55 |只看該作者

回覆：喜勁寶的帖子

本帖最後由 ilovedancendanc 於 12-9-19 11:48 編輯

你同你太太比以前更恩愛，真係值得高興，你太太肯去接觸你既信仰，我相信係因為你地既愛同包容。令人羨慕

暫時我都未知前路係點，佢都拒絕同我溝通，我諗暫時只有我自己去聽彌撒，調整我既心先再處理我地既問題

請問平日夜晚聖堂有冇類似既班或者可以有課堂可以上? 有冇類似基督教既團契或小組，我想搵人傾訴下? 我住個區既聖堂星期日有1030既彌撒，我可以上到呢個時間

私人傳訊

newcomer550

珍珠宮

積分: 40004

2024年龍年勳章 2023年兔年勳章虎到金來勳章 2018復活節勳章

11^#

發表於 12-9-19 11:28 |只看該作者

唔肯同妳傾, 試下用書信表達妳的感受.

私人傳訊

積分: 1603

12^#

發表於 12-9-19 12:03 |只看該作者

ilovedancendanc 發表於 12-9-19 09:55
你同你太太比以前更恩愛，真係值得高興，你太太肯去接觸你既信仰，我相信係因為你地既愛同包容。令人羨慕

...

好多堂區9月都會開 "慕道班", 即係教授天主教教理的一個課程
你住邊區? 可以去該區的堂區網頁睇下時間表
另外好遺憾地, 你講果d小組係有的, 不過多數都係 for 教友
如果你有需要搵人傾, 可以嘗試聯絡神父或修女

私人傳訊

積分: 17239

13^#

發表於 12-9-19 12:18 |只看該作者

回覆 newcomer550 的帖子

或者可能係其中一個途徑，但我想面對面傾，因為我清楚佢睇完都唔會有feedback比我

私人傳訊

積分: 17239

14^#

發表於 12-9-19 12:22 |只看該作者

回覆喜勁寶的帖子

我以為會有類似既聚會可以比唔係教徒加入

其實我知有慕道班為初信或者準備受洗既人去上, 但我覺得自己未準備好，所以只想暫時用非教徒聽彌撒。或者當我對天主教多d認識時先再進一步

私人傳訊

積分: 17239

15^#

發表於 12-9-19 15:16 |只看該作者

回覆：newcomer550 的帖子

都冇用了。佢剛剛提出離婚，佢話唔需要再講，都冇野要同我講

私人傳訊