本帖最後由 rose-mag 於 12-4-21 07:22 編輯
BossCatCat 發表於 12-4-19 07:36
其實我有個問題, 點解父母都想仔女有香港永久居留身份?
想仔女返香港讀書? (黎得外國都係想個仔女教育好D ...
之前有個自由post就係兩個媽咪開片,一個話外國出生BB,只要父母任何一方有永久居民身份而生BB時未入籍,BB就可以攞到HKID,另一個話唔得,只要父母有外國居留權,BB外地出世就唔得,要住滿7年至可以申請居留,第一個舉例子話有幾個親戚攞到,仲要有4國國籍,後者話根據法例唔得。其實都唔知佢地有咩好拗,去申請過咪知囉,事實係呢度有好多JM試過,有人得有人唔得,睇入境處當時處理個case嘅工作人員點睇,法例上應該係唔得,但又有人得。
我都覺得呢個係港人特色,攞多樣嘢冇壞,冇就話啫,攞到點解唔攞?我阿媽以前都哦我,話我唔帶對仔女番香港搞,阿邊個邊個都搞到,好啦,當我問一個搞到嘅朋友,佢係一年有差不多半年喺香港住(FTM),去到入境處佢係講大話話同個仔搬番香港住(其實唔係),最後批佢居留權,有Passport有回鄉証,但佢要每年或每幾年換証一次,7年後至正式有永久居民資格,呢樣我冇可能做到,要攞兩個星期假返香港都難過登天,仲要每年或幾年返一次?我7年都未返過香港!
我明白其他人心態係想俾多個出路小朋友,將來或者佢地去香港或中國做嘢會方便D,但事實係可能呢世都用唔著。
花旗太太生活在花旗國,留意時差,你問我未必即時答到。