本帖最後由 lokloong 於 12-11-23 16:08 編輯
做到好唔開心
,好想炒佢魷魚.....但係我做咗8年...宜家唔做好似"薛"底咗...
但有時真係忍無可忍
事情......
公司剛剛搬咗, 我由屋企返嚟公司只有一架專線小巴直接到 (重唔係係間大廈門口落車, 落車要行一大段路先到公司)所以有時會遲到..(11月都只係遲咗2次), 但係月頭我老闆娘同我講, 叫我唔好遲到, 佢話d同事住係荃灣同屯門到早過我返,佢話d同事會講喎
, 又話佢地會放係心到唔出聲....其實只係佢會放係心到.....
其實我都唔想遲到架, 我遲到要俾你公司扣錢
架, 我都冇改變咗時間, 我都係同一時間帶阿仔返學, 跟住去等車, 咁d車遲嚟又多咗人等果架車我都無辦法架, 我又唔係突登遲到, 之前公司未搬我都未試過遲到, 宜家得果1,2次就話我.....
之後有一日又話我尋日做乜請假(我請咗全日事假CL要扣錢), 我話我個仔唔舒服要睇醫生囉(其實我都有睇醫生),佢又話咁你阿媽啦, 我話阿媽要返工請唔到假, 咁未我請囉, 又話我成日都放假喎...
大佬呀
咁我係阿媽身份咁有事起上嚟根係我放假架呢, 最重要係我俾你扣錢喎, 你唔係送俾我架....
我上星期俾張假紙佢, 話俾佢知我16/11下午放假, 27/11學校親子旅行, 佢又話16號咩事放假, 我話屋企事(其實係我細佬後日結婚,請半日幫手)佢又話如果係關於阿仔學校佢都冇問題, 但係如只係因你阿媽請唔到假要你去請就唔係咁好, 你都放好多假喎,你都要同屋企人傾下啦.
又丙我…
宜家放假…扣錢又丙….扣年假又丙…係公司又冇嘢做又悶…真係想辭職走去做PT, 時間又自由d,有可以湊仔返學放學, 放個假都唔會俾人左講右講…
發表於 
返回列表
