親子旅遊今日: 0|主題: 161507

收藏本版

發帖

返回列表

跳至頁

查看: 4113 | 回覆: 1

[日本] 東京千葉五天親子自駕遊~~Mother Farm 鴨川Seaworld 迪士尼 [複製鏈接]

chasiuchasiu

大宅

積分: 2995

1^#

發表於 13-8-24 17:54 |只看該作者 |倒序瀏覽 |打印

剛剛完成咗個東京千葉五天親子團, 一家三口(囡囡未夠4歲)盡興而回, 想同大家分享下啲資料~~

機票: 今次係坐DELTA 達美航空, 因為係七月中先決定八月中要去旅行, 東南亞稍為平價少少的機票已經無哂, 反而DELTA有幾個BLOCK SEAT平價位, 仲係早機晚返, 所以決定去東京。但DELTA一件行李最重係23KG, 有別於其他航空公司(我記得有啲係一件32KG), 我哋走時要在機場PACK過啲行李.......

住宿: 用樂天日文網嚟BOOK, 住東京站的丸之內Hotel Metropolitan, 大約$1300一晚(不包早餐), 酒店房以東京水平嚟講算大, 起碼開到喼執行李先, 地點就腳, 一出東京站就係, 附近有大丸百貨同埋東京站購物街, 買嘢補給都好方便。房間新淨, 最正係高速Wifi 同埋有電話/IPAD差機提供, 因為我帶漏咗差機, 但去到發現佢有供應, 真係喜出望外。

另外一晚住千葉鴨川的, Kamogawa Grand Hotel, 約$2000一晚包早餐, 係一間溫泉酒店, 呢間比較舊, 但好處係有齊indoor/outdoor泳池同埋溫泉, 仲有係海邊對住個沙灘, 個VIEW好靚房間超大, 早餐好食! 雖然舊啲但都可以一試。

租車: 幫襯香港東X遊租車, 因為之前自駕遊through 佢哋租係幾好, 價錢仲平過直接同toyota租, 但今次發現價錢無以前咁平, 同埋攞車地點唔夠多, 可能下次直接同返toyota租。

行程:

DAY 1
DELTA 係朝早 8:25分機, 由於BLOCK SEAT係無online Check in, 所以一早搭的士去到機場, 5:30左右已經到, 劃到個位都唔錯, 班機仲提早到8:00, 去到成田機場已經接近下午兩點。飛機餐差少少, 如果係大人食肯定會唔飽, 不過在機場已經食咗個翠華打底, 冇問題。到步後先去郵局攞張早排上網預購的B-MOBILE SIM咭 (4000YEN), 買少少嘢食就搭機場快線去東京站。買機場快線+SUICA咭的遊客套裝算係幾抵用, 一個鐘就去到東京站。酒店CHECK IN, 跟住就搭車去新宿行街食飯, 之後返酒店休息。

DAY 2
搭地鐵去後樂園, 有個好啱小朋友玩的遊樂場。喺網站度可以DOWNLOAD 折扣卷買1 DAY PASS可以有200 YEN DISCOUNT。但由於太熱, 玩到中午已經好辛苦, 去佢個FOODCOURT度食嘢之後返酒店休息避下暑。其實呢度唔大玩都幾集中, 我覺得都值得一去。

跟住去Disney Sea, 我哋一早買咗夜場門卷, 去到舞濱站時間尚早, 於是去咗左邊個商場度行下同埋諗住行去入口, 結果係錯誤嚟, 因為Disney Sea 個入口超遠呀~~行咗超過半個鐘先去到, 仲要排長龍等入場, 所以去Disney Sea 係一定一定要搭Disney Resort Line。由於五點後入場所以無咩玩到, 我個女超鐘意美人魚, 所以去咗睇美人魚表演, 神燈劇場都唔錯, 最後喺湖上大匯演, 呢個好精彩。由於夜場門票只係全日票一半價錢, 夏天日頭又熱, 小朋友體力又唔夠行一日, 揀夜晚入場其實都唔錯。

Day 3
上午搭JR去上野動物園, 呢個動物園都算幾企理, 但我囡囡已經去過兩次長隆, 覺得呢度細同埋動物少, 比起深圳動物園都有所不如(當然乾淨好多喇), 呢度我覺得係可去可不去, 如果少去長隆呢度都值得一去, 但係都係太熱, 行兩個鐘我哋都熱到行唔郁了。去完動物園就去上野手信街度買手信, 搭JR返酒店休息。
再嚟又去迪士尼, 今次係Disneyland! 今年30週年個打鼓表酒超正, 如果去不可錯過。

Day 4
開始自駕遊, 由於取車地點喺新宿要搭地鐵去, 撞正返工時間, 結果係相當辛苦, 幾個站地鐵用咗接近一個鐘~~自駕遊目的地係Mother Farm, 呢度我覺得好玩, 好多動物SHOW睇, 又可以摘生果, 強烈推薦。如果不自駕搭車要兩個幾鐘, 但揸車去其實朝早行首都高速塞下車都慳唔到幾多時間, 係舒服啲唔駛轉車。

之後去鴨川, 返酒店游水浸溫泉食晚飯, 辛苦咗咁多日Relax 一下。

Day 5
Check Out 後去鴨川SeaWorld, 比較舊, 水族館嚟講海洋公園靚過佢, 但佢賣點係勁多表演睇。我哋玩咗半日睇咗殺人鯨, 海獅, 海豚, 白鯨表演, 有好多餵動物, 塘鵝巡遊等等, 我囡囡睇得好開心, 好值得去。玩完就揸車去機場還車, 由鴨川去機場要兩小時車, 所以玩半日啱啱好。

總括嚟講, 除咗第一日係SHOPPING時間, 其他時間我個女都係勁玩, 所以好開心, 同埋我哋都曬到黑哂。

我有呢五日的行程表係EXCEL FILE, 有興趣我就俾你哋睇睇喇