Re: Wacoal Tummy Walker
Harubi
妳係咪順產呢? 妳好叻, 可以堅持餵全人奶, 我一路都係補奶粉咋! 最近因為就嚟番工仲無餵tim!!!!!!!! 我下個星期二就要番工喇! 我真係好想好想辭工番屋企做番全職媽咪; 八年前我個大女出世前一個月公司執咗笠, 所以索性喺屋企湊大個女, 直到佢兩歲半入咗幼兒園之後我又出番去做嘢, 初時掛住個大女, 搞到匿入公司厠所喊!!!! 估唔到今日又再要掛多次! 今次仲慘, 亞b 得兩個月人仔, 要比工人湊, 好彩今次終於請到個好工人(經已第三個), 但我好驚第日亞b 情願要工人都唔要我呀! 又驚佢對亞b唔好, 又驚佢哋第日friend 過頭, 真係好矛盾, 我老公叫我唔好諗噤多, 盞自己辛苦, 男人點會明吖, 亞b 都唔係喺佢個肚度出嚟, 我由亞b 出世到而家, 晚晚都情願捱眼訓都要自己湊番, 個工人仲訓得多過我, 所有人都叫我交亞b 比工人湊, 我捱咗兩個月夜, 終於前晚病咗, 於是尋晚終於要屈服, 交咗比工人湊, 點知亞b 竟然跟住工人就乖乖地食飽訓, 訓飽就食, 唔扭計噃! 我湊咗佢兩個月, 佢只有兩晚乖乖地訓覺, 我不知幾多晚無訓過呀. 我老公知道佢跟住工人噤乖, 就話: 一早叫咗妳啦, 又唔聽, 而定病咗勒! 遲早都要放手嫁啦! 我話: 噤真係唔捨得吖ma...., 佢竟然認真地叫我辭工做黃面婆, 我心諗: 我夠想咯, 但又要供樓又要供車, 又要供保險, 又要比錢亞媽, 唔通我忍心你一個人撐晒成頭家咩, 如果真係可以毫無掛慮噤辭工就好lu!!!!!!!!!!!!!!!!!!!!
祝妳修身成功, 亞b快高長大.
ps 妳亞b有無打5合1 / 6合1????
教導孩童, 使他走當行的路, 就是到老也不偏離.
天下間沒有教不會的孩子, 只有不會教的父母!
發表於 
返回列表
