吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 係呢個重男輕女的家好難受(長篇)

心聲留言今日: 0|主題: 17450

收藏本版

發帖

返回列表

跳至頁

查看: 1907 | 回覆: 21

係呢個重男輕女的家好難受(長篇) [複製鏈接]

Valentina

大宅

積分: 1889

1^#

發表於 14-3-23 22:01 |只看該作者 |正序瀏覽 |打印

我本身處於一個重男輕女的環境長大，我媽我爸係錫哂我啊哥，無論佢做d咩錯事都會撐佢，我亦都知道我本來係唔應該生存係度，我媽媽知道有左我既時候係想落左我，因為我唔係仔，我嬤嬤一知道我媽想落左我就狂鬧我啊媽。其實，我寧願我無係呢個世界出現。
由細到大，我幼稚園的時候已經比啊媽日日打，我好記得有一次老師問我點解身上咁多傷痕，我就即場喊出黎話比啊媽打，跟住正義的老師就走去問我媽媽點解要打到我咁，我唔記得啊媽點答，但當我番到屋企，我啊媽好似報仇咁狂打我同叫我以後咁老實都會咁樣對我，叫我以後同老師講係自己跌倒，所以以後老師再見到我咁，我都係低頭答跌倒就算。

我係一路長大一路比啊媽打到大，佢咩事都打。例如食飯佢限我食半個鐘，每過一分鐘就要打一騰，如此類推。仲有我逢親欠交功課都會打三騰，佢果d騰條唔係普普通通既雞毛掃，係果種長條好粗既橡根，一打落去隻手就成條痕紅哂腫出黎。用菜刀凶我、成張椅子車埋黎都試過唔知幾多鑊，每次都係因為食飯慢或者欠交功課的小事狂打我。

小學六年班左右我啊哥同我啊媽鬧交，佢打啊媽打到跪係度，我果時覺得好驚，到我啊媽比佢打完竟然打番我轉頭，話我唔報警，我想講如果佢對我係好既，我一定會報警，但佢對我都係日日打，所以我咩都無做。

我的童年就係無童年，我無爸爸媽媽錫，我唔係想博任何人的可憐，係想講下我的心底話，無人明白我雖然表面上無野，但我其實好脆弱，好想有家人錫我，好想有家人會對我噓寒問暖。

我同啊哥係早幾年前已經變成陌路人，因為有一次我發現我啊哥將自己的腳皮餵我隻雀仔食，我好嬲！覺得佢點解要咁做，所以我鬧佢，點知同佢鬧交既時候，佢突然一拳一腳咁打我，我啊媽係呢個時候仲鼓勵佢話：『打死佢啦，無大無細，雀仔食埋食囉，駛理咁多！』我到而家仲好記得自己的無助，之後我一個人搭的士入醫院睇急証，因為我隻手比佢打到提都提唔起，醫生問我點樣整成，我唔敢講話比啊哥打，我講左個大話講自己踩單車跌倒。現在想起，我應該要坦白，唔應該比佢得逞。自從呢件事，我同我啊哥係屋企就係陌路人，我地唔會同對方講野，係0交流。

到我而家廿幾歲啦，我讀緊part-time degree，我一邊讀書一邊做野，家用比唔得多，因為我每月都要留錢預備每期的學費。我媽成日都會比說話我聽，話我比家用小，其實我爸爸每月已經比家用一萬，計埋我二千，再計埋我啊哥三千五，點會唔夠用？同埋我一早係讀書前，同我啊媽講過話要讀書，所以家用交二千，我比唔到以前的三千架啦，佢當時都同意。點知到我讀書的時候就日日用呢d說話話我，仲有佢成日叫我快d搬走，又叫我去做雞。叫我去做雞的時候由小學聽到大，我已經好麻目...

今日發生左d小事，我買左一支洗頭水，裝左落一個透明的樽到放廁所用，個樽咩標示都無既，因為我諗住得我自己知咩黎就得啦。到我琴日沖涼的時候，突然發現果支透明樽不翼而飛，我當時第一個諗法就係我啊哥拎左。所以我就問我啊哥，問佢：『你有無拎過我廁所樽野？透明樽入面係綠色液體架wo』，佢答：『無。』....我再問：『放廁所架wo』...佢都答無。到第二日我就問我啊媽有無拎過，我媽都話無。我就話：『有人做左又唔認，唔知邊個咁cheap』...其實我一路懷疑我啊哥，因為佢有帶一個大大的袋出去做運動，所以我就係啊爸啊媽面前摷佢個袋，點知真係比我摷到出黎。

呢個時候我話：『我搵到啦，支野係佢個袋摷到出黎啦...真係好cheap』
我啊哥：『我唔知支野係你架喎，放得廁所就公家用架啦，你係要唔比我用，埋貼大大張紙講話不可取囉，你放得係度我就用架啦。』
啊媽加口撐佢話：『放係度就公家用架啦，你嘈乜啊？』
我：『咁點解我問你有無拎既時候，你兩次都答無？』
佢：『我唔記得喎』
我：『咁點解拎既時候又記得要拎我支野？』
佢：『邊個唔知你d格啊！我點答你都話我架啦，係啊爸啊媽寵到你咁既，邊個娶著你真係慘』

我無再同佢鬧交....因為我就算講咩都無用，我講咩都無人會撐我，我爸係我地鬧交既時候都係度都無出聲。到我同爸爸獨處既時候，我就講我對我啊哥的不滿，我爸就話：『好小事姐，有咩好鬧？』我就話：『咁我打個比喻，你平時用緊的ipad，突然有一日唔見左，問完佢兩次有無拎...都話無！但點知最後係佢度搵到，你有咩感覺？』佢就唔出聲....

我對呢個家真係好絕望，我好希望到我讀完書，草到錢有能力就搬出黎住！

0 0 0

私人傳訊

lemonon

大宅

積分: 2701

22^#

發表於 14-3-27 23:56 |只看該作者

做人係要對自己負責, 對自己好, 唔好浪費時間, 精神, 情緒係對自己無意義嘅人的身上, 一切都為自己將來打算就好了, 始終一齊住都係會有好多唔順眼唔順心的事繼續出現, 自己盡避, 俾著我係你就唔會同佢為支洗頭水嘈, 當自己住客咁住就算, 盡量唔同佢地有任何接觸, 佢地出聲都應左就算, 因為做人就係咁, 自己改變唔到嘅野, 又何苦仲要搵自己煩惱

私人傳訊

CheriLoh

大宅

積分: 2221

21^#

發表於 14-3-27 16:34 |只看該作者

回覆 Valentina 的帖子

人同人之間都要講緣份的, 明白你難受, 但不要記住過去, 努力讀書, 寄望建立自己美好的將來, 樓主加油呀！

私人傳訊

子爵府

積分: 12169

20^#

發表於 14-3-27 16:18 |只看該作者

回覆 Valentina 的帖子

基本上老一軰的人都是重男輕女，出生的家庭我們是不可以選擇，但未來是可以選擇和作出改變的。支持你努力完成學業，找到一份好工作，可以搬出去自由自在地生活，也可以認識一個愛你惜你，可以和你共同成長，包容和愛著彼此的伴侶！加油！

mc <()>

私人傳訊

More133

別墅

積分: 727

19^#

發表於 14-3-27 15:45 |只看該作者

回覆 Valentina 的帖子

You're not alone! 其实好多家庭d父母都係重男輕女,以前ｄ父母係想要生個仔,点會唔偏心?就算巳到七,八十歲都係咁,冇得變,唯有我地自己愛自己多一些,用自己双手努力改变自己生活,將來一定有好日子既!

私人傳訊

Lobebe

大宅

積分: 2696

18^#

發表於 14-3-27 11:39 |只看該作者

樓主你要加油, 儲到錢快d搬出去住。

私人傳訊

LoveyCathy

大宅

積分: 4849

17^#

發表於 14-3-27 11:20 |只看該作者

樓主加油~

私人傳訊

mkfhome

男爵府

積分: 5440

食得好勳章開心吸收勳章陪月勳章

16^#

發表於 14-3-27 11:09 |只看該作者

這就是反面教材, 第時自己有小朋友時(由其時係囡囡), 要定要好好愛鍚佢地啊!
真係唔明, 現在生女還好過生仔, 經歷以上情況, 也會找父母聯絡, 倒轉, 如果這些事發生係仔身上, 一定唔會理父母, 遠走高飛。

點評

rachel_ching X2 發表於 14-5-25 22:10

私人傳訊

Valentina

大宅

積分: 1889

15^#

發表於 14-3-27 01:19 |只看該作者

引用：你真係同我好似呀唔知好彩定唔好彩我21歲嫁

原帖由 長毛免 於 14-03-26 發表
你真係同我好似呀

唔知好彩定唔好彩

緊係好彩啦!!我都想咁好命!!

私人傳訊

長毛免

伯爵府

積分: 19861

2011精緻種植勳章畀面勳章 BK Milk勳章

14^#

發表於 14-3-26 23:09 |只看該作者

你真係同我好似呀

唔知好彩定唔好彩
我21歲嫁左

私人傳訊

peaceful~

子爵府

積分: 14415

13^#

發表於 14-3-26 20:17 |只看該作者

回覆：係呢個重男輕女的家好難受(長篇)

明白你的感覺，真的很難受，支持你搬出去住

私人傳訊

ksk0106

大宅

積分: 1309

12^#

發表於 14-3-26 20:09 |只看該作者

回覆：係呢個重男輕女的家好難受(長篇)

楼主加油.明天会更好

私人傳訊

Dearkk

禁止訪問

積分: 12299

熱血勳章

11^#

發表於 14-3-24 23:02 |只看該作者

提示: 作者被禁止或刪除內容自動屏蔽

私人傳訊

Chow2435

禁止訪問

積分: 3117

10^#

發表於 14-3-24 19:09 |只看該作者

提示: 作者被禁止或刪除內容自動屏蔽

私人傳訊

HamoBaby

大宅

積分: 3122

9^#

發表於 14-3-24 17:03 |只看該作者

樓主加油呀！重男輕女响中國家庭真係好常見，我阿媽都係咁，當然佢未至於叫個女做雞。記得有次佢同朋友打梗牌，佢對我態度好差，連啲麻省友都叫佢唔好咁對我。跟住佢同我老豆感情唔好，為咗唔傷佢心，我結婚時無叫我爸，到而仲好後悔。
到我生仔佢只係買紅早，黨參煲吓嘢我食；但個新抱呢就食鹿茸，仲話要補好身體。佢有次講漏咀，我聽完心都實埋。每次佢比個仔同新抱激完就嚟同我呻，每次我咪聽完就算，無論我做咩佢都係個仔好架啦！
有次我叫佢飲茶佢話唔去，點知轉頭我大佬打嚟約飲茶，仲話剛剛約咗佢，嗰一刻我差啲响我老公面前喊；夫家啲人已經唔好，個阿媽又咁對自己，所以我一直都無講過比老公知，費事漏到去佢啲屋企人度。
仲有好多，都講唔哂。總之而家我顧掂自己頭家先，做女嘅責任我會繼續，但心真係淡囉！

對自己的心誠實!

私人傳訊

tempo530

別墅

積分: 838

8^#

發表於 14-3-24 13:14 |只看該作者

回覆：係呢個重男輕女的家好難受(長篇)

樓主，你要加油…

私人傳訊

vickycheung36

男爵府

積分: 6914

7^#

發表於 14-3-24 12:55 |只看該作者

我媽也是由細到大話我將來做雞，我也是在這種家庭長大，記得以前我揾4000千比2000但他們也不會對你好，我以前帶反，我媽比我3件"立鴨做送，我吾想同人食，因一打開反盒別人反盒好豐富但我

因我帶反佢便要買多些送，初出來做野搵好小我其他同事多喜歡帶反，只有我沒有，到我26-7未拍拖時畤比說話我聽，怕我嫁不出，好彩我遇到我老公。結婚當日我好開心因可以離開。現我有自己的家感覺很好，我現很小回娘家 .有時同女回家食反，我女會問點解冇湯？因為我哥一家冇回來食。大家也是她的孫，這種不公平傳至我女，但我覺得冇所謂，我們有手有腳只要努力，生活是可以自已選擇。昨天看到你的文章也哭了，我只想同你講努力，命運在自己手。