吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› C6有時做D野,令我覺得佢幾自私

夫婦情感今日: 0|主題: 42652

收藏本版

發帖

返回列表

跳至頁

查看: 4437 | 回覆: 23

C6有時做D野,令我覺得佢幾自私 [複製鏈接]

vvitaa

大宅

積分: 1696

1^#

發表於 16-5-30 23:23 |只看該作者 |正序瀏覽 |打印

C6有時做D野,令我覺得佢幾自私.

話說生BB之前, 我地都傾過, 到時希望家人唔好咁辛苦, 而且想小朋友親近父母多些, 所以想BB放係我地房, 同我地瞓. 那時C6主動話就算要半夜起身, 辛苦D都好, 都要咁做, 佢話大家辛苦D. 結果, 因為我唔係每一個晚上係屋企(要返工), 所以我唔係屋企那個晚上, 我要BB同家人瞓, 我係屋企的時候, 我BB同佢一齊瞓佢無乜起過身, 除非我叫醒佢要佢幫手, 但有時氣餒位係, 我出聲叫佢幫手, 佢會有妙嘴, 我唔知佢妙嘴係因為我叫佢做呀, 定係唔係妙我, 只不過係發洩下個種無奈, 但係我聽到真係好唔開心. 我已經無嘈, 問你點解唔幫手, 我都係真係無得揀時, 先置叫C6幫手. 仲有我都盡量忍, 係有D位我覺得佢直頭幫倒忙, 咁我咪出聲, 我話比佢聽, 我點解想咁做A, 我問番佢點解佢做B, 佢就話, 唔想同我嘈, 總之乜都佢(C6)食晒就算. 聽到呢句野都幾頂心, 因為我自問係我做晒, 我都未話你唔做, 我只不過想表達C6你可否配合下, 例如我比左BB比家人睇緊時, 你唔好自己轉頭又抱返黎, 跟住又唔係睇佢, 因為我比得BB比家人睇係因為我有野要做, 結果你咁講, 講到好似自己最有道理, 又最有胸襟, 所以唔同我計, 我依家羅件事出來傾咪好似我最無胸襟, 但其實明明係我平時唔嘈你, 比你自己一個人的玩樂休息時間, 我只要你合作一下, 就換來這番話, 自已所做的都要比你没殺, 真係好嬲.

鐘意就同小朋友玩兩下, 唔鐘意就我自己一個睇兩個玩. 佢自己玩手機. 如果我要返工, 佢多數比部電子産品佢, 佢仲可以理直氣壯咁話, 佢係屋企要照顧小朋友的時間比我多, 因為佢每晚都係屋企, 但我就有時要返工, 聽落真係好心酸, 因為我在屋企的每個晚上, 我係一個人睇兩個小朋友的, 我都未出聲話C6唔幫我手, 我依家叫佢唔好開咁多電子産品比小朋友姐, 佢就咁講, 我在屋企的晚上, 我係自己同小朋友玩玩具, 玩遊戲的.

好了, 借位SUN完.

0 0 0

私人傳訊

咖啡媽

大宅

積分: 1102

24^#

發表於 16-6-29 12:11 |只看該作者

咖啡媽發表於 16-6-29 12:08
我諗起我老公, 每一次叫佢幫手做野, 都一定係發脾氣, 我都已經放棄左

我覺得自己好受氣, 已經公一份婆一份, 唔駛佢養, 佢又大爺咁咩都唔做, 仲試過叫佢幫手執野, 佢就搵野丟我(未至於好大力會令我受傷, 但我個心已經傷左), 我係咪應該再忍落去?
JM唔好意思, 我都係借機會呻下, 冇機會同任何人講, 我覺得好委屈

私人傳訊

咖啡媽

大宅

積分: 1102

23^#

發表於 16-6-29 12:08 |只看該作者

我諗起我老公, 每一次叫佢幫手做野, 都一定係發脾氣, 我都已經放棄左

私人傳訊

Christinamama

別墅

積分: 706

22^#

發表於 16-6-2 22:09 |只看該作者

唉....嘥氣啦同佢地講湊仔簡直對牛彈琴阿B初出世要餵夜奶呢個問題鬧過無數次只係叫佢幫下手餵夜晚十二點或者朝早六點嗰餐之後佢自己好型咁推埋阿仔出廳瞓最後當然一餐都冇餵啦咪死死氣返房瞓所以求人不如求己自己老公都係咁話！

私人傳訊

mothercare8888

大宅

積分: 1388

21^#

發表於 16-6-2 21:56 |只看該作者

回覆：C6有時做D野,令我覺得佢幾自私

其實可能你c6覺得你番工佢一個人睇咪又係咁.點解到要你睇住就要我幫,幫完仲要俾人話.我係c6會覺得你有啲煩.

你覺得佢做得唔好,佢可能覺得你做嚟多餘

試下企響對方角度睇下先有得商量,淨埋怨只會傷感情

私人傳訊

eggeatcat

洋房

積分: 72

20^#

發表於 16-6-2 19:20 |只看該作者

vvitaa 發表於 16-6-1 15:06
你說的對。係教仔方法都唔同。其實我唔想同佢計，結果次次我做，都無所謂，但一去到佢左住你的時候，咁就 ...

適當時候都要比返D功夫佢做, 你做得太多你又會辛苦, 你會覺得佢唔理你感受, 結果咪又係鬧交...不過就要同佢商量果隻傾, 唔係一味推野比佢做, 如果唔係, 佢又會覺得佢無地位, 畢竟男人都要自尊

私人傳訊

日日媽媽

子爵府

積分: 11548

19^#

發表於 16-6-1 17:30 |只看該作者

其實好少事
你要反工佢都要反工
好多男人都唔肯幫手湊小朋友最多陪佢地玩下
你有唔開心就要同佢傾下
唔好成日埋怨
怨得多變怨婦就好麻煩
唔係話你不過身邊有幾個尼啲人
我係女人都怕怕

私人傳訊

vvitaa

大宅

積分: 1696

18^#

發表於 16-6-1 15:12 |只看該作者

ccgirlcc 發表於 16-6-1 06:55
回覆 vvitaa 的帖子

講真，你的case同呢度大部分姐妹差唔多，大部份老公都係咁，最初生左時更嬲，但com一 ...

真係，生坐初時最嬲。有次，佢話我坐月坐得幾好番。其實佢無幫我，我係坐得唔好。仲要亂吹，嬲。

私人傳訊

vvitaa

大宅

積分: 1696

17^#

發表於 16-6-1 15:06 |只看該作者

eggeatcat 發表於 16-6-1 10:23
聽你咁講, 你似乎唔止係講緊你老公自私咁簡單,
你同你老公似乎仲有教仔上面既意見分歧
我睇你最後講, 你其 ...

你說的對。係教仔方法都唔同。其實我唔想同佢計，結果次次我做，都無所謂，但一去到佢左住你的時候，咁就會唸，我都做晒喇，仲唔滿足，真係要你幫手才出一句聲叫你幫，你咁都亞之亞左。其實係咪要比多些佢做，等佢唔好做到個人懶晒又自私？

私人傳訊

eggeatcat

洋房

積分: 72

16^#

發表於 16-6-1 10:27 |只看該作者

教仔方面, 最好兩個人要有共識, 劃清界線分工,
即是說, 如果教仔上面老婆話事既, 老公就要聽老婆話
男人女人都有各自既長處, 一個家裡面都有不同既分工
另外, 想知多D你擔心個小朋友拎電子產品既原因係咩?
你照直同返你老公講下個原因,
相信男人會鍾意聽道理多過指鬧, 態度好應該肯同你傾, 如果佢有心既話

私人傳訊

eggeatcat

洋房

積分: 72

15^#

發表於 16-6-1 10:23 |只看該作者

聽你咁講, 你似乎唔止係講緊你老公自私咁簡單,
你同你老公似乎仲有教仔上面既意見分歧
我睇你最後講, 你其實都只係想你老公唔幫手都唔好幫倒忙影響個仔是嘛
你話你老公怕煩就比電子產品小朋友, 咁佢就可以逃返去佢既大人世界到
我諗你最好同你老公坐低傾清楚, 你地唔正視你地溝通分歧既問題
後果可以影響好長遠, 慢慢磨擦會更加大
再講, 兩個人都可能有顧住自己既感受先, 而開始計較你做得少, 我做得多時,
兩公婆感情邊會好?