本帖最後由 rhodo 於 16-11-10 10:53 編輯
真係唔講唔得, 呢間野實在太取巧！
我係GROUPON買左一間名為"swxxtie production"既攝影套餐
揀既係:
選擇 2：3 人 60 分鐘室內孕婦攝影套餐 只售 $230 (標準價 $2,166)、星期日加多$100
- 自選 2 個主題實景
- 自選 2 個色紙景
- 10 張相片檔
- 1 張相片 MV 燒錄 DVD
- 10 張 4R 相片
- 1 個 4R 相架
買之前打過電話去問, 確定一下自己想要既日子有冇期先至買, 對方都正正常常既, 即係有點禮貌。佢叫我聯絡另一個號碼既whatsapp, 因為果個既資料先係最update。
咁我確定有期之後就買左, 再用whatsapp同對方聯絡, 但對方既回應係好簡單, 你會感覺到佢既敷衍。
問佢有冇化妝set頭, 有既話要加幾錢？冇答。
我再去佢地既FACEBOOK PAGE用INBOX問, 竟然又唔覆, 完全冇覆。
再打電話去, WHATSAPP果個電話打唔到, 我打返第一個電話, 問到啦, 佢話有化妝SET頭, 加$1000。
嘩...乜咁貴既?! 咩咁勁要加一千大元呢? 我問可唔可以帶自己化妝師去佢地度化, 佢話得, 不過一上黎果刻就會開始計時, 即係影相果60分鐘計埋入去。
俾任何人都唔會咁做啦, 影相都係果60分鐘, 化個妝SET個頭快者都要20~30分鐘啦!
於是我就放棄左搵人幫我化妝SET頭呢一PART, 自己黎。
事前已經令我感到好不安同不太滿意:
(1) 由始至終, 冇人主動聯絡過我, 任何攝影事宜或確定日子既電話都冇個。
(2) 佢地FACEBOOK唔覆INBOX, WHATSPP個電話只FOR WHATSAPP, 冇通話功能。唯一可以聯絡既就係6995XXXX。
到影相果日(假日), 上到佢地個STUDIO, 間房極細, 都算, 有D真係好細既...公司規模大小問題啫。
人手? 就係一個攝影師。
想換衫? 冇地方, 去洗手間啦! (後來先可以係房換, 攝影師出房避一避) 而d衫當然係自己帶啦。
影相時:
(1) 超級趕, 急, 快。
(2) 攝影師影相既位置不變, 永遠係同一個距離同角度。
影完之後:
(1) 望一望鐘, 嘩！！！原來只係影左18分鐘...都唔夠, 包括埋換衫時間, 仲以為有半個鐘左右, 咁阿攝影師何以咁趕呢？我地買個套餐係話明影一小時-60分鐘。佢仲要話「影咁多都冇用啦，你都係揀十張」
(2) 原來佢地包果10張相, 係唔包執相！佢寫既「10張相片檔」你話係咪取巧呢？佢仲要話「團購咁平仲想點？」心諗：你地擺明就係搵笨啦...咁我洗鬼搵你地影咩? 人地攪團購邊有你地咁肉酸架! 呢樣最後再講！！
(3) 寫明有10張相, 4R相架, 佢有問你地要唔要。不過佢會繼續講「D相我去快圖美曬架咋, 相架都係淘寶D一兩蚊貨！你地要唔要丫？要既就等三個月，唔要既你WHATSAPP度寫放棄相架同4R相片」！
總結：
團購係有一個人，用一部我唔識唔知靚唔靚既單反，同埋一個大約五六百尺既地方，係度同你地影相。重點係呢D相全部唔會執, 等於你自己拎部相機搵人影一樣, 呢個就係佢地「團購」所提供既所有野。要哂所有相, 或者執相, 加錢啦！要哂全部相片檔加千五蚊, 執相我唔知因為我都冇問到。而其他野佢係期望你唔好要, 講到你要黎都冇意思。
雖然，團購係平，但正常一間公司都係為左俾多Ｄ人認識，博搵多Ｄ客&回頭客，但佢地似乎唔係，似係（我估架咋）以團購呢幾百蚊呃餐飯仔食下咁。冇SERVICE, 冇誠意。佢地以為攝影團購就係提供呢D「一般」既野, 似乎太睇低其他攝影公司了吧?!! 亦都可以話影衰哂同行....
我地再之前一次買既攝影團購就真係非常值得推薦! (星期日影總數都係$198)
影樓大, 一睇就知做開婚紗攝影、家庭攝影等, D晚裝婚紗多到不得了!
攝影主題房大, 一個就等於中伏呢間既「幾個主題背景」。
攝影師+助手兩個人, 再加接待果位...總之成間公司至少有5人, 一大個reception檯。
拍照時間絕不欺埸, 影足60分鐘! 而果次都係只係包20張相。
影相有角度, 唔係企死一個位, 攝影師會行前行後, 有要求, 唔係求其是但同你影下就算。
最最最重要既一點係：咁有規模同服務既公司，團購價錢都唔夠呢次呢間咁貴！但樣樣做到足，有簡單執過既相片DVD。亦都非常有交帶，會影相前主動聯絡我地。
唉....總之呢兩間係完全冇得比....
團購, 唔係咁架囉！佢地咩心態，為乜攪團購，大家自己諗啦。
最後, 佢寫話呢個攝影套餐既標準價係 $21xx
如果用咁既價錢去提供咁既服務, 真係慳D!
如果係會有唔同既服務同內容, 咁絕對係唔應該寫呢個標準價落去。
發表於 
返回列表
