吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 忍唔住打去九巴投訴

自由講場今日: 3004|主題: 1316121

收藏本版

發帖

返回列表

跳至頁

查看: 14848 | 回覆: 159

12 3 4 5...8

積分: 15235

好媽媽勳章畀面勳章環保接龍勳章親子達人勳章陪月勳章

1^#

發表於 17-11-22 07:36 |只看該作者 |正序瀏覽 |打印

話說我女係用殘疾人士8達通，都用左有2年啦，今年已13歲，中一個陣佢都有提過間中有巴士司機質疑佢張8達通卡，佢亦有試過show比個司機睇，我都有叫過佢司機有質疑你比張8達通佢睇，係個人8達通黎嘅有你張相同資料，並唔係濫用

尋日佢放學番到屋企打比我嘈住叫我換番張成人比佢，問佢，佢話又係個個女司機閙佢，話佢好用呢張8達通，佢話有比佢睇係咩8達通，司機仲話佢你地學生已經有學生優惠嘅8達通，你唔可以用呢張，要佢換番張8達通，仲要佢補錢囉，當然我女就無理到啦，我女又唔識反駁佢，我女話好多時都係呢個女司機係咁問，又話佢呢樣個樣，我明白你都你盡責，但已經比左你睇係殘疾8達通唔係兒童8達通，更何況兒童都唔係只收2蚊啦，車長位我相信一定睇到收左幾錢

真係好唔明個司機咩事，比又比左你睇，仲要咁黎話個小朋友?好明顯個司機唔知咩係殘疾8達通，係咪識行識走就唔用得呢？呢個司機已經唔止一次咁話佢，今次咁過份咁黎話我女，咪打去九巴講番件事囉，九巴職員都好理解，亦會跟進件事，問我攞左8達通no查番記錄係搭邊一班車，就搵番個女司機了解番佢自己係咪有咩誤會要咁樣質疑，職員都話我女用嘅係殘疾8達通，唔係老人家8達通你話買就買到，係要需要審批架，亦會出番通告通知d車長留意下

呻完

0 0 0

私人傳訊

營養多多

大宅

積分: 1735

160^#

發表於 17-11-23 14:02 |只看該作者

回覆樓主:

明白樓主感受，我囝幼稚園已經開始用殘疾八達通，就係屬於有手有腳行得走得個類，依家小學了，試過一次俾小巴司機質疑，我即刻將八達通張相俾司機睇，司機話我囝都唔似殘疾，仲要繼續問我囝點解係殘疾，當時都係成車人都望住我地，我睬佢都傻，司機問多兩次見我冇反應先冇再追問。

其實人地咩原因用殘疾八達通，呢d叫做個人隱私，反而認為行得走得唔應該通過審批個d人，上網搜尋下殘疾定義先。沒有人喜歡做殘疾人士用殘疾八達通的，有得用的病情係有一定嚴重程度，至於病情嚴重程度是由政府醫生判斷，而唔係路人甲乙丙丁。
不論是否更換成人八達通，都支持樓主要求九巴公司跟進，有問題的是公司和司機。
至於換不換成人八達通，我會視小朋友性格和情緒去決定。

私人傳訊

TATEYAMA

珍珠宮

積分: 31199

159^#

發表於 17-11-23 12:53 |只看該作者

回覆樓主：

本帖最後由 TATEYAMA 於 17-11-23 12:55 編輯

我咁諗唔知啱唔啱...其實如果財務唔太困難,我建議俾返個女用普通人八達通，因為會好傷佢自尊心，自己標籤左自己係同其他人唔同，小朋友會好唔開心！

私人傳訊

booooooger

男爵府

積分: 6157

158^#

發表於 17-11-23 11:13 |只看該作者

回覆樓主:

我都覺係車長知識不足，我媽媽未夠55但批左呢張八達通，都試過俾人質疑，所以你同九巴講係正確，等佢地再train下d員工

私人傳訊

KUDOS

珍珠宮

積分: 40443

認識瑞士牛牛第一回畀面勳章

157^#

發表於 17-11-23 08:15 |只看該作者

回覆樓主

怪只怪香港大部份市民對呢d日趨普遍嘅病情認識不足，又不懂體諒，人與人之間只顧中間利益，其實不只巴士司機，好多人包括同學家長、親戚朋友都會咁樣。

私人傳訊

amysnlee

伯爵府

積分: 15235

好媽媽勳章畀面勳章環保接龍勳章親子達人勳章陪月勳章

156^#

發表於 17-11-23 07:58 |只看該作者

Sweetiess 發表於 17-11-23 07:12
其實個司機係有問題, 打去佢公司講係冇錯, 但你個女都要做好D, 要據理力爭, 有事就應該要出聲或至少要保護 ...

我明白首要係要女兒都要識去面對，有jm話其實買番張成人嘅比佢係可以解決呢個問題，就唔會再有機會比人咁話佢，有時5係錢銀問題，而係我覺得佢一路長大都需要面對嘅問題，除左我女兒外，我相信會有其他用殘疾人士8達通都會遇到嘅問題，係佢地資訊不足，亦希望佢地尊重人，唔好只睇表面，用得呢張8達通嘅人士都係有需要嘅人，希望佢地係可以得到公平嘅待遇

私人傳訊