電台節目主持人曾志豪今日在直播節目中爆粗講「X你老味」，港台機構傳訊及節目標準組總監伍曼儀曾扭住曾志豪耳仔作訓示，指身為從事廣播界20年的他太不專業。
伍曼儀表示：「有啲基本功冇可能錯，我哋作為公眾人物，講說話時，無論開咪前、開咪後都好重要。唔理你鬧邊個都好，用詞一直要好小心、好謹慎！同埋喺呢次事件中，你仲要教你個仔唔可以咁做，喺人前人後都要小心做事。豪仔，要記住『禍從口出』，咪前咪後都要慎言，唔可以再有（同類事件發生）。」問到如何處分？她說要視乎情況，看曾志豪是有心定冇心之失，整件事情要跟進及觀乎外界反應，且要刪除網上出現問題的聲帶，又指對方事後也深感內疚。
另外，她表示電台跟進事件後，曾志豪由明天開始，將會放假至7月23號：「畀時間佢去反省。（係咪處分？）可以咁講。（會否出警告信？）因為佢係簽電台主持合約，毋須出信，不過我代表電台向外界致歉。」
直至6時許，電台收到約三十多個有關投訴、不滿、給予意見及支持曾志豪的電話。
發表於 
so mean
返回列表
