一直上bk齋睇唔出聲，今次忍唔住要分享所見所聞。
話說前排同屋企人去旅行見識到一班貪心嘅港媽，4x歲左右，冇大陸口音，完全係地度香港女人，成班飛甩仔女老公一齊去旅行。
第一晚喺酒店大堂等分房卡時見到佢哋拎住幾袋嘢，其中一個放咗袋嘢係櫈度，我望清楚原來喺飛機上面未開袋嘅毛毯，唔知佢哋偷咗幾多張。
嗰晚喺夜市佢哋已經買嘢買到超時都未返，要導遊去搵佢哋返嚟。
第三日要轉酒店，佢哋已經一大堆嘢攞上車，我哋心諗使唔使買到咁瘋狂呀，去到每一個景點都買一大堆嘢，仲迫其他團友轉位(旅遊巴坐唔full)，等佢哋可以霸曬最後個行放佢哋嘅嘢，最後仲差啲上唔到機。
回程嗰日路經指定手信舖，佢哋見到有幾個吉紙箱喺度就問職員攞，職員話唔可以俾佢哋，點知佢哋可以厚面皮到襯職員擰轉背就攞起個紙箱跑返上旅遊車。
總之呢班港媽連導遊都話佢哋冇禮貌，只識呼呼喝喝，估唔到紙箱都要偷，要嘅開句聲咪幫佢哋問職員囉，完全影衰曬香港人。
發表於 
返回列表
