想生BB 今日: 7 | 主題: 109295

積分: 516

1^#

發表於 18-11-29 11:06 |只看該作者 |正序瀏覽 |打印

結婚3年半，一直抱著順其自然態度去造人。由細到大身子較虛，怕凍易病，但冇過大病和長期病患。頭3年造人期間，中醫、排卵紙都試過，冇成功，但過程唔算積極。
到今年年中開始，的起心肝睇西醫，證實患有卵巢多囊症，本身唔肥，但的確有個大肚腩，易生暗瘡，經期亦唔穩定，平均30-45日，但試過一兩次5x days。醫生建議用排卵藥，第一cycle , 食左5 日排卵藥，份量唔多，照完排卵冇反應，再加重份量加食糖尿藥，再照，可惜今次卵子太大，老化了，仲因爲藥物副作用影響，有個血瘤，所以第一個cycle 失敗了。

到第二個cycle, 因為血瘤未清，所以要停用排卵藥，只食糖尿藥，亦開始做運動，平均一星期4-5次，每次30分鐘慢跑。今次排卵期間蛋清分泌好多，可以話係呢幾年最靚嘅一次，唔知係因為藥定運動嘅關係呢，但我冇check 邊日先係排卵，都係得閒先同c6 dodo ，唔算密，但今次竟然bingo!

Bingo 後唔敢相信，check 左3次驗孕棒，全部兩條線仲係深粗，診所抽血指數都好高，證實懷孕。第一次產檢，已check 到閃閃，醫生仲話bb 心跳幾快，約6週半，所有野都好似好好咁。兩星期後覆診，照肚時我望住個mon 見到7 wk 多d, 已知道出事，即刻問醫生係咪有問題，經過肚超同陰超檢查，都證實左bb 停左生長一星期和冇心跳了。

第二日已即刻入院食藥做人工流產，過程唔算太痛太辛苦，比m 痛痛少少，因我本身超怕痛，照陰超已覺痛到癲左，之前一直擔心，慶幸即晚已經排左一大舊組織，而家休息緊，下星期覆診，希望所有野可以清晒，唔駛刮宮。

一直表現得好冷靜，可能响度睇得多，亦聽得多，覺得咩事都可能發生，所以叫做有晒心理準備。當然真係發生响自己身上，會覺得好無奈，好氣餒，等左咁耐，終於有，仲要指數靚又快照到閃閃，期間冇痛冇流血流啡，咩流產跡象都冇，以為一切開始順利，點知係突然咁樣。呢幾日都有喊過一兩次，亦不斷諗停胎果幾日自己究竟做過d 咩食過d咩，有自責過，因為確實有食過d 涼性食物，但真係好少好少，亦因工作關係，情緒有兩下激動左，而咁啱果幾日又轉天，不斷打乞痴，身體弱左，有些微感冒...

但自責都冇用，已經係事實，唯有正面d諗，經過呢次，至少知道原來我係可以懷孕，今次可能只係唔好彩，唔關自己事，早d 知道有事，好過遲d 先知。雖然流產只係短短幾日嘅事，但我已經收拾好心情，會好好努力準備下一次。亦想响度同其他姊妹講加油，其實我响呢度睇左一段時間，知道呢度有好多同路人，心情嘅起伏大家都會明白，尤其見到身邊嘅朋友個個都好順利，同時間一齊準備嘅朋友，有d 第二胎都生了，但自己仲原地踏步。不過我仍然相信，總有一日大家都會等到自己嘅BB 黎度呢個世界上！加油💪💪💪

0 0 0

私人傳訊

greedydog

洋房

積分: 60

39^#

發表於 19-1-16 23:22 |只看該作者

回覆樓主:

加油呀!BB會再嚟㗎!

私人傳訊

pigmummy

積分: 3814

38^#

發表於 19-1-10 15:37 |只看該作者

好好休息一下
再養好身子
多做運動
一定會再可以成功的

私人傳訊

ChaoChaoooo

洋房

積分: 40

37^#

發表於 19-1-10 15:22 |只看該作者

190702 發表於 18-11-29 11:06
結婚3年半，一直抱著順其自然態度去造人。由細到大身子較虛，怕凍易病，但冇過大病和長期病患。頭3年造人期 ...

加油呀，我都在調理身子中
但我有子宮肌瘤，希望大家下次都順順利利

私人傳訊

jessie818yip

複式洋房

積分: 330

36^#

發表於 19-1-7 19:15 |只看該作者

190702 發表於 18-11-29 11:06
結婚3年半，一直抱著順其自然態度去造人。由細到大身子較虛，怕凍易病，但冇過大病和長期病患。頭3年造人期 ...

加油，我都係啱啱小產大半個月，努力調理身體，相信bb一定會返黎

私人傳訊

lovemeleanna

積分: 516

35^#

發表於 19-1-6 22:08 |只看該作者

回覆樓主

坐好小月，之後半年內都係黃金期！BB好快會黎到痴實你！

私人傳訊

bbshop_bb

子爵府

積分: 11806

34^#

發表於 19-1-6 20:29 |只看該作者

加油

，養好身體

私人傳訊

Muimuipoon

積分: 2795

33^#

發表於 19-1-6 20:12 |只看該作者

回覆樓主：

本帖最後由 Muimuipoon 於 19-1-6 20:13 編輯

10 week内小產也有機會是精子弱，基本上冇人可以確實到比你知真正小產的原因，無謂諗太多。at least 証實到你是可以自然bingo, 叫老公也養精吧, 小天使好快會返来找你。

私人傳訊

smileyuen

積分: 515

32^#

發表於 19-1-6 20:00 |只看該作者

回覆樓主

身同感受
不過相信一定會再來(emoji)

私人傳訊

積分: 516

31^#

發表於 18-12-4 10:41 |只看該作者

L9850613a 發表於 18-12-4 10:06
我上次都努力左年半之後Bingo，最後9週不幸小產，好明白那種痛。
家人同老公的支持好緊要，坐一個星期小月 ...

我等左3年幾

... 不過我心情已經好快平復，啱呀，家人同老公嘅支持都好緊要，最初我都好驚佢地會責怪我，好彩冇，而家仲更加照顧我，直頭好似公主般看待

，所以我好快冇事了，仲好想快d 返工，因為好悶，而且出院後精神都一直唔錯，同埋好想快d 再嘗試，希望同你講嘅一樣，下次BB 會帶齊野黎搵我！

私人傳訊

積分: 516

30^#

發表於 18-12-4 10:31 |只看該作者

ayako 發表於 18-12-4 09:52
我空心同化學之後成功生左個bb架啦，最近想要第二胎所以再試。你如果想快可以試吓食排卵藥，我成功果次都 ...

我有試過一次食排卵藥，但唔成功，副作用影響仲有個水long, 反而停食醫生叫我休息個一個月就bingo 左，係好大鼓舞，至少知道自己可以懷孕，排除左輸卵管塞，擔心少左一樣野。坐好小月後會嘗試自然懷孕先，唔得之後先試食番排卵藥，多謝你嘅建議同鼓勵呀！

私人傳訊

積分: 516

29^#

發表於 18-12-4 10:24 |只看該作者

candice0088 發表於 18-12-3 23:41
我都係無痛無流啡。 8週照到閃閃。10週照唔到心跳發覺已停左響8週... 好像Bb 用盡力氣8週照到閃閃時跟我道 ...

'好像Bb用盡力氣8週照到閃閃時跟我道別一樣' ，好有同感呀！！！你講得好啱，做番好自己係唯一可以做到嘅事，雖然等左3年幾都等唔到，但我相信好快會成功，你都係，期待同你一齊過版！

私人傳訊

積分: 516

28^#

發表於 18-12-4 10:13 |只看該作者

Manmanman12345 發表於 18-12-3 21:45
“期間冇痛冇流血流啡，咩流產跡象都冇，以為一切開始順利”

你這幾句好觸動我，我做IVF bingo, 期間冇 ...

大家一齊努力重新出發！係雖然咩流產跡象都冇，但我會諗bb 算好乖，只係令我傷痛一兩日，响度有時睇到其他JM 講bingo 期間 keep 住流血流啡，日日都擔心，而自己中間都冇呢d煩惱，已經比較幸運。係就係突然d ，失望難過少不了，但早發現有問題，好過遲d 先發現，既然係自然淘汰，就要睇開少少，積極咁面對

私人傳訊

L9850613a

積分: 1340

27^#

發表於 18-12-4 10:06 |只看該作者

我上次都努力左年半之後Bingo，最後9週不幸小產，好明白那種痛。
家人同老公的支持好緊要，坐一個星期小月，去個旅行散心，兩個月後我又成功了！
BB下次一定一定會帶齊野嚟搵你，不要灰心。
加油呀！

私人傳訊

ayako

男爵府

積分: 6801

26^#

發表於 18-12-4 09:52 |只看該作者

190702 發表於 18-12-4 09:46
係，多囊本身已經難bingo , 就算bingo 亦比較易流產，而呢個病d人話冇得斷尾，唯有盡自己能力，盡量調理好 ...

我空心同化學之後成功生左個bb架啦，最近想要第二胎所以再試。你如果想快可以試吓食排卵藥，我成功果次都係食左排卵藥。加油呀

私人傳訊

積分: 516

25^#

發表於 18-12-4 09:46 |只看該作者

ayako 發表於 18-12-2 18:46
我又係多囊，化學、空心胎，5wk自然流都試過曬，今次又係綠d 加深得快，wk5己經好深粗以為有機，點知6wk 去 ...

係，多囊本身已經難bingo , 就算bingo 亦比較易流產，而呢個病d人話冇得斷尾，唯有盡自己能力，盡量調理好自己身體，做多d運動，少食生冷野，唔好俾多囊嚴重落去。慶幸自己多囊唔算係太嚴重，平時經期唔會超過兩個月，前年照過醫生冇話話我有呢個症，係今年轉左醫生先check 到，所以可能呢一兩年先有，唔算太擔心，而且身邊都有朋友有多囊都成功生到BB。我早幾個月都好似試過化學，但冇乜在意，見到你嘅case, 真係覺得你好勇，有勇氣試咁多次。anyway, 希望我地有一日會成功做到媽媽，大家都要加油！

私人傳訊

candice0088