還記得仔仔在2-3歲時,我出親門口,他總愛拉著我哭。聽到睇到都心痛呀!
但這些日子會過去的。之後佢再大D,都有同我講,好想日日我接他放學,我有解釋給他,媽媽都好想,但要賺錢生活,如果媽媽不上班,家裡就沒錢了,只有爸爸的人工係唔夠,你到時冇玩具冇旅行,我們也不能常到外面食好野。之後我仔都沒有要求我,偶爾我問佢,你會唔會好想我唔返工湊你?佢會話,唔好了,你唔返工就冇錢啦~
近排放了1日閒日,湊佢放學,佢又有再提,好想日日都我接佢放學。
我話,日日被我鬧你,你就唔想啦~現在間唔中咁樣,你先覺得媽媽真貴。
其實今年9月開始,佢學校就開始要考試。
我要返工,到時都唔知點抽時間同佢溫書。
但.......現實要食飯,都沒有辦法。
實情,好多媽媽都會想自己湊啦,但無奈事實係要面對現實嘛!
Childhood is journey, not a race.