我個仔之前濕疹好嚴重時d人又係咁講,而我都係有戒口,而且我係人奶媽,有好多唔明白人奶既人會講好多好多嘢。
其實好多人唔明白濕疹,又唔知個個小朋友對唔同嘢敏感,唔可以一概而論,對我個仔有效既嘢,又唔代表可以醫好你個女,對佢個仔有效既嘢,我個仔又可能越用越衰,講真,自己係阿媽,最緊張最心痛最心煩o個個係自己,可以試既方法好多都會主動去找方法/古方/偏方等去試,人地再講,雖然多數係出於好心,但真係會覺得煩囉。
原帖由 lingirl 於 09-5-5 17:56 發表
咩咩咩果d我係想寫比如說詞
我講下呢3年幾俾街外人,熟人, 親人話我囡囡既其中到現在仲記得的幾句說話...
~你囡皮膚咁差, 肯定你陀囡時冇戒口啦, 食咩d垃圾野落口, 抵你囡皮膚咁差....(但事實我係有戒口...)
~你囡皮膚咁差, 有冇幫佢睇醫生架?! (未等我講就自問自答), 肯定冇睇啦, 唔係點會攪到個囡咁丫, 都唔知你點做人阿媽0架......
~你囡咁都咪鬼俾佢返pg啦, 成日咁R , 你唔驚都嚇親人地小朋友喊就無謂啦....
當然我年中都遇到有善心人明白濕疹小朋友既苦況, 我都好感謝佢地講既野的.....
識網友只限吹下水、交換下資訊、發揮網力,邊個認真就邊個輸。